برطانوی یونیورسٹی نے فلسطین کیلئے ریلی نکالنے پر طلبا کو معطل کر دیا

(24 نیوز )فلسطینیوں پر ظلم و بربریت ڈھانے والے اسرائیل کے حامی ملک برطانیہ کی یونیورسٹی میں غزہ کیلئے ریلی نکالنے والے سیکڑوں طالبعلموں کو معطل کردیا گیا۔

غیر ملکی خبر رساں ادارے  کی رپورٹ  کے مطابق لندن کی یونیورسٹی سکول آف اورینٹل اینڈ افریقن اسٹڈیز نے غزہ کے ساتھ اظہار یکجہتی کیلئے ریلی نکالنے پر طالب علموں کو معطل کردیا ہے،اس حوالے سے یونیورسٹی کی فلسطین سوسائٹی  کی جانب سوشل میڈیا پیغام شیئر کیاگیا ہے ،جس میں ان کا   کہنا ہے کہ طالب علموں نے  رواں ماہ کی 9 تاریخ کو غزہ سے اظہار یکجہتی کیلئے ریلی نکالی تھی، ریلی میں سیکڑوں طلبہ نے شرکت کی تھی، جس کے بعد  یونیورسٹی انتظامیہ نے طالب علموں کو خبردار کرتے ہوئے معطل کردیا۔

 فلسطین سوسائٹی کی جانب سے سوشل میڈیا پیغام میں واضح  کیا گیا کہ  ہم فلسطین بھائیوں کے ساتھ بھرپور اظہار یکجہتی جاری رکھیں گے، سوسائٹی نے  یونیورسٹی کے اس عمل کی شدید مذمت کرتے ہوئے معطل کیے گئے  طالب علموں سے کلاسز لینے اور اپنی تعلیم جاری رکھنےکا بھی کہا ہے،دوسری جانب معروف رائٹر  اور سماجی کارکن فاطمہ بھٹو نے ایکس پر یونیورسٹی کے اس عمل پر دکھ کا اظہا ر کیا اور ٹوئٹ کی کہ   ’مجھے ہمیشہ ایس او اے ایس کا حصہ بن کر فخر ہوتا تھا لیکن آج سے نہیں ہے‘۔

????URGENT: @SOAS University of London, renowned for its so called progressive politics, has officially began taking steps suspending its own students following a rally in solidarity with Gaza. This is a clear act of political repression. Please read on and share widely: pic.twitter.com/ZlMQvv4xGV

— SOAS Palestine Society (@SOAS_Palestine) October 17, 2023