پنجاب: یکساں نصاب تعلیم کے نفاذ کی منظوری
Stay tuned with 24 News HD Android App
(24 نیوز)صوبہ پنجاب کی کابینہ نے صوبے میں یکساں نصاب تعلیم کے نفاذ کی منظوری دے دی ہے، اس حوالے سے معاون خصوصی اطلاعات پنجاب فردوس عاشق اعوان نے کہا کہ ایک قوم، ایک نصاب اور درخشاں پاکستان ہمارا خواب ہے۔
تفصیلات کے مطابق معاون خصوصی اطلاعات پنجاب نے کہاجماعت اول تا پنجم ایک ہی فریم ورک کے تحت نصابی سرگرمیاں مرتب پائیں گی۔ اب امیر اور غریب کے بچوں کیلئے تعلیمی نصاب ایک سا ہوگا۔پنجاب میں تمام سرکاری و نجی اسکولز اور مدارس میں یکساں نصاب تعلیم کانظام ہوگا۔ یکساں نظام تعلیم وزیراعظم کے ایک اور وعدے کی تکمیل ہے۔
انہوں نےکہا کہ وزیراعلی پنجاب عثمان بزدار کی قیادت میں پنجاب کابینہ نے تمام سرکاری و نجی سکولز اور مدارس کیلئے "یکساں نصاب تعلیم" کی منظوری دیدی جوکہ وزیراعظم عمران خان کے ایک اور وعدے 'یکساں نظام تعلیم' کی تکمیل کیجانب اہم قدم ہے!
— Dr. Firdous Ashiq Awan (@Dr_FirdousPTI) December 18, 2020
ڈاکٹر فردوس عاشق اعوان نے کہا نظام رٹہ سسٹم کے خاتمے میں معاون ثابت ہوگا۔ طلبا کی صلاحیتیں نکھارنے اور اجاگر کرنے میں بھی مدد گار ثابت ہوگا۔وزیرتعلیم پنجاب مراد راس نے کہا ہے کہ یکساں تعلیمی نصاب بڑی تبدیلی ہے۔
— Dr. Firdous Ashiq Awan (@Dr_FirdousPTI) December 18, 2020