پیپلزپارٹی نے سینٹ الیکشن کیلئے امیدواروں کا اعلان کردیا

(24 نیوز)پاکستان پیپلزپارٹی نے سینٹ الیکشن کیلئے 14 امیدواروں کو ٹکٹ جاری کردیئے۔

 ترجمان بلاول ہائوس کی جانب سے جاری بیان کے مطابق پیپلزپارٹی کے بورڈ نے سینٹ الیکشن میں پارٹی کے امیدواروں کو ٹکٹ جاری کردیئے ہیں۔
ترجمان نے بتایا کہ سابق وزیراعظم یوسف رضاگیلانی کی اسلام آباد سے سینٹ انتخابات میں اپوزیشن اتحاد پاکستان ڈیموکریٹک موومنٹ (پی ڈی ایم) کے مشترکہ امیدوار کی تجویز ہے جبکہ خیبر پختونخوا سے فرحت اللہ بابر پی ڈی ایم کے مشترکہ امیدوار ہوں گے۔
 سندھ سے جام مہتاب ڈہر، تاج حیدر، سلیم مانڈوی والا، شیری رحمان اور شہادت اعوان امیدوار ہوں گے۔
ترجمان کے مطابق پنجاب میں جنرل نشست پر عظیم الحق منہاس پیپلزپارٹی کے امیدوار ہوں گے۔
ٹیکنو کریٹ کی نشست پر فاروق نائیک، شہادت اعوان اورکریم خواجہ امیدوار ہوں گے۔
خواتین کی نشستوں پر خواتین نشستوں پر پلوشہ خان، اور خیرالنسامغل پیپلزپارٹی کی امیدوار ہوں گی جبکہ رخسانہ شاہ کورنگ امیدوار ہوں گی۔