ٹی20 ورلڈ کپ: اگر مگر کا کھیل شروع
Stay tuned with 24 News HD Android App
(فائد قریشی) ٹی20 ورلڈ کپ میں مسلسل دوسرا میچ ہارنے کے بعد کیا پاکستان اب بھی سیمی فائنل کے لیے کوالیفائی کر سکتا ہے، اگر مگر کا کھیل شروع ہوگیا۔
گزشتہ روز زمبابوے نے پاکستان کو سنسنی خیز مقابلے میں ایک رن سے شکست دے دی جس کے بعد پاکستان ورلڈ کپ سیمی فائنل کے لیے کوالیفائی کر سکے گا یا نہیں دلچسپ قیاس آرائیاں شروع ہوگئیں ۔
اگر پاکستان کو اب بھی کوالیفائی کرنا ہے تو سب سے پہلے، پاکستان کو اپنے بقیہ تینوں میچ لازمی جیتنے ہوں گے۔ دوسری بات یہ کہ اچھا رن ریٹ برقرار رکھنے کے لیے تینوں میچوں کو بڑے مارجن سے جیتنا ہوگا۔ لیکن صرف تینوں مییچ جیتنے سے پاکستان کی بات نہیں بنے گی۔پاکستان کے کوالیفائی کرنے کے لیے جنوبی افریقہ کا اگلے میچز میں بھارت اور پاکستان سے ہارنا لازمی ہے۔
پاکستان کو ٹی ٹوئنٹی ورلڈ کپ میں رہنے کے لیے صرف دعاؤں کی ضرورت ہے۔ کیا اس بار دعائیں رنگ لائیں گی؟
— 24 News HD (@24NewsHD) October 28, 2022
زمبابوے کا بھی تین میں سے اپنے بقیہ دو میچ ہارنا (بمقابلہ ہندوستان، نیدرلینڈ اور بنگلہ دیش) پاکستان کے ورلڈ کپ میں سفر برقرار رکھنے کے لیے ضروری ہے۔
30اکتوبر کو نیدرلینڈز بمقابلہ پاکستان ہوگا جبکہ 3 نومبر کو پاکستان کامقابلہ جنوبی افریقہ سے ہوگا اور پاکستان کا آخری میچ 6 نومبر کو بنگلہ دیش سے ہوگا ، تینوں میچ ہی پاکستان کے لیے کرو یا مرو کی صورتحال رکھتے ہیں۔