پنجاب کابینہ نے مہنگائی میں پسی غریب عوام کو بڑا ریلیف دیدیا

(24نیوز) پنجاب کابینہ کی جانب سے پی ٹی آئی کے دور حکومت میں قائم  11 ٹال پلازے ختم کرنے کی منظوری دے دی گئی۔

سیالکوٹ بائی پاس پر واقع گوجرانوالہ سیالکوٹ روڈ ٹال پلازہ ختم کرنے کی منظوری دی گئی ہے۔ اس کے علاوہ وزیر آباد بائی پاس پر وزیر آباد سیالکوٹ کشمیر روڈ ٹول پلازہ، ضلع قصور میں کھڈیاں خاص کے مقام پر واقع قصور دیپالپور روڈ ٹول پلازہ، ضلع شیخوپورہ میں مریدکے کے مقام پر مریدکے نارووال روڈ ٹول پلازہ ختم کرنے کی منظوری دی گئی۔ 

اس کے علاوہ شیخوپورہ میں برج اٹاری کے مقام پر قائم لاہور، جڑانوالہ، فیصل آباد روڈ ٹول پلازہ،ضلع ننکانہ صاحب میں موڑ کھنڈا کے مقام پر لاہور، جڑانوالہ، فیصل آباد روڈ ٹول پلازہ بھی ختم کرنے کی منظوری دی گئی۔

یہ بھی پڑھیں: عالمی منڈی میں پیٹرول سستا، غریب عوام اچھی خبر کی منتظر

بتایا گیا ہے کہ ضلع ساہیوال میں ساہیوال، عارفوالہ روڈ پر واقع ٹول پلازہ، ساہیوال پاکپتن روڈ پر واقع ٹول پلازہ،ضلع اوکاڑہ میں دیپالپور قصور روڈ پر واقع ٹول پلازہ بھی ختم کرنے کی منظوری دی گئی ہے۔ 

ضلع وہاڑی میں چیچہ وطنی، بوریوالا روڈ پر واقع ٹول پلازہ،ضلع بہاولپور میں بہاولپور حاصلپور، چشتیاں روڈ پر واقع ٹول پلازہ بھی ختم کرنے کی منظوری دی گئی ہے۔