پرویزالہیٰ وزیراعلیٰ پنجاب نہیں رہے: راناثنااللہ

(24نیوز)وفاقی وزیرداخلہ راناثنااللہ نے کہا کہ وزیراعلیٰ پنجاب کو آج 4 بجے تک اعتماد کا ووٹ لینا تھا،4 بجے تک اعتماد کا ووٹ نہ لینےسےپرویزالہیٰ وزیراعلیٰ پنجاب نہیں رہے۔

تفصیلات کے مطابق  راناثنااللہ نے اپنے بیان میں کہا کہ بیوروکریسی سےکہوں گا کہ وہ آئین و قانون کےمطابق چلیں، عمران خان کی آ ڈیو حقیقت ہے ،عمران خان جھوٹا اور مکار انسان ہے، وفاقی وزیر داخلہ نے مزید کہا کہ میں اپنی مرضی بیان نہیں کررہا،آئینی بات کررہا ہوں،آئین میں لکھا ہے کہ وزیر اعلیٰ اعتماد کا ووٹ نہ لیں تو وہ وزیر اعلیٰ نہیں رہیں گے،تحریک انصاف کچھ بھی کر لے آئین سے مزاحمت نہیں کر سکتی،وزیراعلیٰ ہاؤس کو سیل کرنے کا کوئی جواز بھی نہیں بنتا،کابینہ فوری طور پر تحلیل ہو جائے گی ،نئے وزیراعلیٰ کے انتخاب تک اختیارات گورنر استعمال کرے گا۔