جعل سازوں نے فاسٹ بولر نسیم شاہ کو بھی نہ چھوڑا

(ویب ڈیسک) قومی کرکٹ ٹیم کے فاسٹ بولر نسیم شاہ  کوبھی جعل سازوں نہ چھوڑا،فاسٹ بولر  نے  اپنے نام سے ایک جعلی اسنیپ چیٹ اکاؤنٹ کا اسکرین شاٹ شیئرکر کے صارفین کو خبردار کر دیا۔

تفصیلات کے مطابق فاسٹ بولر نسیم شاہ نے اپنے انسٹا گرام پر ایک سٹوری شیئر کی ہے جس میں انہوں  نے اپنے نام سے ایک جعلی اسنیپ چیٹ اکاؤنٹ کا اسکرین شاٹ شیئر کیا ہے ۔نسیم شاہ نے اپنے مداحوں سے درخواست کی ہے کہ یہ سنیپ چیٹ اکاؤنٹ میران نہیں برائے مہربانی، اس جعلی اکاؤنٹ کو رپورٹ کریں۔

خٰیال رہے کہ نسیم شاہ کے نام سے بنائے گئے جعلی اسنیپ چیٹ اکاؤنٹ کے9 لاکھ 76 ہزار سبسکرائبرز ہیں۔

دوسری جانب قومی کرکٹ ٹیم کے فاسٹ بولر نسیم شاہ کی ایشیا کپ 2022ء کے پاک افغان میچ میں شاندار کارکردگی کے بعد مداحوں نے ان کے آفیشل ٹک ٹاک اکاؤنٹ کی کھوج لگا لی۔

 افغانستان کے خلاف میچ میں جب پاکستان تقریباََ میچ ہارنے ہی والا تھا مگرآخری لمحات میں نسیم شاہ کے 2 چھکوں نے گراؤنڈ کا سارا منظر ہی بدل ڈالا۔اُنہوں نے پاکستان کو غیر متوقع طور پر فتح سے ہم کنار کیا جس کے بعد ٹیم نے ایونٹ کے فائنل کے لیے کوالیفائی کرلیا۔

some things are just inexplicable. like what is this ???????????? pic.twitter.com/EOtKfm8e4b

— maryam (@maryamful) September 8, 2022

 میچ ختم ہوتے ہی نسیم شاہ کی افغانستان کے خلاف آخری لمحات میں دھواں دار پرفارمنس کی ویڈیو کلپس اور ایڈیٹس تمام سوشل میڈیا پلیٹ فارمز پر وائرل ہوگئے، اسی دوران شائقین کرکٹ نے فاسٹ بولر کے آفیشل ٹک ٹاک اکاؤنٹ کا پتہ لگا لیا۔