سپریم کورٹ :عمران خان ویڈیو لنک پر پیش اسلام آباد ہائیکورٹ سے نیب ترامیم کیس کا حکمنامہ طلب

جسٹس قاضی فائز عیسیٰ کو تاریخ میں کیسے یاد رکھا جائے گا؟

(24 نیوز)چیف جسٹس قاضی فائز عیسیٰ کی مدت ملازمت ختم ، سپریم کورٹ بار اور پاکستان بار کونسل کی جانب سے چیف جسٹس کو الوداعی عشائیہ دیا گیا جس میں نامزد چیف جسٹس جسٹس یحییٰ آفریدی اور جسٹس مسرت ہلالی شریک ہوئے۔چیف جسٹس قاضی فائز عیسی نے اپنے دل کی باتیں کی ۔اور ڈھکے چھپے الفاظ میں اپنے خلاف ہونے والی تنقید کا بھی جواب دیا ۔چیف جسٹس قاضی فائز عیسٰی کا اپنے الوداعی خطاب میں کہنا تھا کہ ہم کیس سنتے ہیں تو کاغذ پر کچھ فقرے لکھے ہوتے ہیں، اندازہ لگانا ہوتا ہے کہ کہاں سچ ہے؟ اور کہاں جھوٹ ہے؟ ہو سکتا کہ ہم نے بے پناہ غلط فیصلے کیے ہوں کیونکہ کاغذ کے ٹکڑوں پر جو لکھا گیا ہے وہ ایک پارٹی کو فائدہ دیتا ہے اور دوسرے کو نہیں۔
پروگرام ’10تک‘کے میزبان ریحان طارق کہتے ہیں کہ اب بظاہر ایسا محسوس ہورہا ہے کہ چیف جسٹس اپنے کئے گئے فیصلوں پر صفائی دے رہے ہیں ۔اب یہ بات ھقیقت ہے کہ قاضی فائز عیسی کا دور جہاں سیاسی اور عدالتی تنازعات سے بھرپور رہا تو وہیں اُن کے بعض فیصلوں کی وجہ سے ملک کے سیاسی منظرنامے میں بڑی تبدیلیاں رُونما ہوئیں۔بطور جج اور پھر بطور چیف جسٹس ان کا تمام دور ہنگامہ خیز رہا۔ مجموعی طور پر تمام سیاسی جماعتوں کے ساتھ ان کے تعلقات کچھ اچھے نہیں تھے۔ ۔پی ٹی آئی کی حکومت جانے کے بعد اور الیکشن میں انتخابی نشان کیس میں عدالتی فیصلے پر اگر کسی جج کی سوشل میڈیا پر سب سے زیادہ ٹرولنگ ہوئی تو وہ جسٹس قاضی فائز عیسیٰ ہی تھے۔اُنہوں نے پریکٹس اینڈ پروسیجر رولز تشکیل دیے جن کے مطابق بینچ کی تشکیل کا اختیار چیف جسٹس کے بجائے تین سینئر ججز کے حوالے کردیا گیا۔پی ٹی آئی ان کے بیشتر فیصلوں سے ناخوش نظر آئی۔ چاہے وہ نیب ترامیم کیس ہو یا آرٹیکل تریسٹھ اے کا فیصلہ،اب تاریخ قاضی فائز عیسی کو کیسے یاد رکھتی ہے یہ آںے والا وقت بتائے گا۔بہرحال آج الوادعی ریفرنس میں نامزد چیف جسٹس یحییٰ آفریدی چیف جسٹس کی شان میں تعریفیں کرتے نظر آئے ۔جسٹس یحییٰ آفریدی کا کہنا تھا کہ چیف جسٹس قاضی فائز عیسیٰ سےمتعدد بار اختلاف کیا،انہوں نے ہمیشہ کھلے دل سے میرا مؤقف سنا،اگر آپ چیف جسٹس قاضی فائز عیسیٰ کو غصہ دلائیں گے تو اللہ ہی بچا سکتا ہے۔

اب چیف جسٹس قاضی فائز عیسی کا غصہ تو عدالت میں نظر نہیں آئے گا لیکن جسٹس منصور علی شاہ قاضی فائز عیسی پر اپنے غصے کا مسلسل اظہار کر رہے ہیں ۔آج وہ الوداعی ریفرنس میں شریک نہیں ہوئے۔اِس کے علاوہ جسٹس ملک شہزاد، جسٹس اطہر من اللہ، جسٹس منیب اختر اور جسٹس عائشہ ملک بھی ریفرنس میں شریک نہیں ہوئے۔جس سے یہ تاثر اُبھر رہا ہے کہ عدالیہ میں واضح صف بندی ہوچکی ہے۔بہرحال جسٹس مںصور علی شاہ نے الوداعی ریفرنس میں شرکت نہ کرنے کی وجوہات رجسٹرار سپریم کورٹ کو اپنے خط کے ذریعے بتائی ہیں ۔بظاہر جسٹس منصور علی شاہ کا یہ خط قاضی فائز عیسی کیخلاف چارج شیٹ معلوم ہوتی ہے ۔خط میں جسٹس مںصور علی شاہ نے چیف جسٹص قاضی فائز عیسی پر یہ الزام لگایا کہ انہوں نے عدلیہ میں مداخلت روکنے کے بجائے مداخلت کے مزید دروازے کھول دیے۔

جسٹس مںصور علی شاہ کت بقول آئینی حدود سے تجاوز پر سابق چیف جسٹس ثاقب نثار کے ریفرنس میں بھی شرکت نہیں کی تھی، چیف جسٹس قاضی فائز عیسیٰ کے اعزاز میں ریفرنس میں بھی شرکت نہیں کروں گا۔جسٹس منصورعلی شاہ نے خط میں لکھا کہ چیف جسٹس قاضی فائز کے ریفرنس میں شرکت نہ کرنے کی وجوہات مزید پریشان کن ہیں، چیف جسٹس کا کردار عوام کے حقوق کا تحفظ ہوتا ہے، چیف جسٹس کا کام عدلیہ کا دفاع کرنا ہے۔چیف جسٹس قاضی فائز عیسیٰ نے عدلیہ پر بیرونی دباؤ نظر انداز کیا،، ایک چیف جسٹس نے عدلیہ کی آزادی کا تحفظ کرنا ہوتا ہے۔جسٹس مںصور علی شاہ کا مزید کہنا تھا کہ میرا خط فل کورٹ ریفرنس کے ریکارڈ کے طور پر رکھا جائے، جسٹس منصور علی شاہ نے خط میں لکھا کہ چیف جسٹس فائز عیسیٰ عدالتی رواداری اور ہم آہنگی کے لیے لازمی احترام قائم کرنے میں ناکام رہے۔جسٹس منصور علی شاہ کا مزید کہنا تھا کہ چیف جسٹس قاضی فائز عیسیٰ نے عدلیہ میں مداخلت روکنے کے بجائے مزید دروازے کھول دیے، چیف جسٹس فائز عیسیٰ نے عدلیہ کے دفاع کے لیے اخلاقی جرات کا مظاہرہ نہیں کیا۔سینئر ترین جج نے الزام عائد کیا کہ چیف جسٹس قاضی فائز عیسیٰ عدلیہ میں مداخلت پر ملی بھگت کے مرتکب رہے، چیف جسٹس قاضی فائز عیسیٰ نے عدلیہ میں مداخلت پر شترمرغ کی طرح سر ریت میں دبائے رکھا۔ چیف جسٹس فائز عیسیٰ نے اپنے ساتھی ججز میں تفریق پیدا کی، ججز میں تفریق کے اثرات تا دیر عدلیہ پر رہیں گے۔چیف جسٹس قاضی فائز نے عدلیہ کو کمزور کرنے والوں کو گراؤنڈ دیا، چیف جسٹس قاضی فائز عیسیٰ کے ریفرنس میں شرکت اور ایسے دور کا جشن منانا پیغام دےگا کہ چیف جسٹس اپنے ادارے کو نیچا کرسکتے ہیں۔

اب جسٹس مںصور علی شاہ کے خط سے یہ واضح ہوتا ہے کہ وہ چیف جسٹس نہ بننے کے باجود سرینڈر نہیں کریں گے۔ایک تاثر جو اُبھر رہا تھا کہ جسٹس یحییٰ آفریدی کی تعیناتی کے بعد جسٹس منیب اور جسٹس منصور علی شاہ استعفی دےدیں گے جس کے بعد حکومت کو کھلا راستہ مل جائے گا وہ اب زائل ہوتا نظر آرہا ہے۔آئینی ترامیم کے بعد بھی کھیل ابھی ختم نہیں ہوا بلکہ شروع ہوا ہے۔پہلی اہم بات یہ ہے کہ جسٹص مںصور علی شاہ اور جسٹس منیب اختر اب بھی ڈٹے ہوئے نظر آرہے ہیں ۔جس کا یہ واضح اشارہ ہے کہ وہ حکومت کے آگے کھلا راستہ نہیں چھوڑنا چاہتے ۔دیکھا جائے تو حکومت نے آئینی ترامیم کی منظوری کے بعد کبوتر کی مانند آنکھیں بند کرلی ہیں ۔لیکن خطرہ حکومت کے سر سے اب بھی ٹلا نہیں ہے ۔اب آئینی ترامیم عدالت میں چیلنج ہوسکتی ہیں ۔لیکن حکومت یہ امید ظاہر کر رہی ہے کہ آئینی ترامیم کے بعد حکومت کوئی کوئی خطرہ لاحق نہیں ہوگا۔وزیر قانون اعظم نذیر تارڑ کہتے ہیں کہ آئینی ترامیم کو چیلنج نہیں کیا جاسکتا اور اگر چیلنج کیا بھی جائے گا تو آئینی بینچ ہی اِس معاملے کو دیکھیں گا ۔جبکہ خواجہ آصف کہتے ہیں کہ جوڈیشل ایڈوینچر کےراستے 26 ویں آئینی ترامیم نے بند کردی ہیں۔

اب حکومت جو بھی کہے لیکن اِس کو کہیں نہ کہیں یہ خدشہ ضرور ہے کہ آئینی ترامیم کو چیلنج کیا جاسکتا ہے اور اگر فرض کریں کہ آئینی ترامیم کو آئینی بینچ کالعدم قرار دے دیتا ہے تو پھر سب کچھ ریورس ہوجائے گا اور یوں سینارٹی کی بنیاد پر جسٹس منصور علی شاہ چیف جسٹس بن جائیں گے ۔یعنی حکومت کیلئے خطرہ اب بھی کم نہیں ہوا۔اور دوسری اہم بات یہ ہے کہ آئینی بینچ کی تشکیل کیلئے تمام صوبوں سے برابر ججز ہوں گے اور سینیئر ترین جج آئینی بینچ کا پریزائیڈنگ جج ہو گا۔اور ممکن ہے جسٹس مںصور علی شاہ یا جسٹس منیب اختر میں سے ایک پریزائیڈینگ جج بن جائے جس کے بعد ساری گیم ہی بدل جائے ۔اور آئینی بینچز کے ججز کا تقرر تین سینیئر ترین ججز کی کمیٹی کرے گی ممکن ہےاس کمیٹی میں بھی جسٹس مںصور علی شاہ یا جسٹس منیب اختر شامل ہوں۔پھر 26 ویں آئینی ترامیم کے تحت ریم کورٹ کے ججوں کی تقرری کے طریقہ کار کو بھی پارلیمان کے زیر اثر لایا گیا ہے جس میں سپریم کورٹ کے ججز کا تقرر کمیشن کرے گا۔ چیف جسٹس کی سربراہی میں کمیشن میں چار سینیئر ترین ججز شامل ہوں گے۔ اور ممکن ہے اِن چار ججز مین بھی جسٹس مںصور علی شاہ یا جسٹ منیب اکتر شامل ہوں ۔یعنی کہنے کا مقصد یہ ہے کہ حکومت مرضی کے پینچز بھی اِتنی آسانی سے نہیں بنا سکتی۔حکومت کیلئے اب بھی خطرہ کسی لھاظ سے کم نہیں ہوا۔

09:53:AM

October 10, 2024

15:39:PM

October 10, 2024

عمران، اسٹیبلشمنٹ میچ فکس کرانے والے کا نام سامنے آگیا

موسم بدل رہا ہے، فضا تبدیل ہوتی نظر آرہی ہے ، اسلام آباد میں یہ موسم جلد اپنا رنگ دکھا رہا ہے، اڈیالہ کے اندر بھی بہار کی نوید ہے ،بشریٰ بی بی کے بعد علیمہ خان اور عظمیٰ خان کی بھی ضمانتیں ہو گئی ہیں، اگر ڈیل ، ڈھیل ، یا میچ فکسنگ کی خبروں کی آگ ہے تو کہیں نا کہیں اس کا دھواں بھی ہے ،کہنے والے اسے نورا کُشتی ، فکس میچ اور ملی بھگت کہہ رہے ہیں ، صرف دو روز پہلے تک یہ تاثر عام تھا کہ بانی پی ٹی آئی کے برے دن مزید لمبے ہونے جارہے ہیں پے در پے احتجاج کے اعلان ناکام ہوئے ملاقاتوں پر پابندی لگی اور 26 ویں آئینی ترمیم منظور ہوئی جس کے بعد جسٹس منصور علی شاہ کے چیف جسٹس نا بننے اور جسٹس یحیٰ آفریدی کے چیف جسٹس بننے کے بعد تو قوی امکان تھا کہ مزید مشکلات بانی کے راستے میں آئیں گی، ٹی وی پر بیٹھے تجزیہ نگار اور سیاسی اداکار سب ایک ہی راگ الاپ رہے تھے کہ بانی کے لیے اب کوئی معافی نہیں، فیصلے میرٹ پر ہوئے تو سانحہ نومئی کا کوئی شخص نہیں بچے گا ،بانی کو مزید مشکل حالات دیکھنے ہوں گے ،گنڈا پوری نعرے اور دعوے بھی ٹھس ہوتے نظر آرہے تھے لیکن پھر ۔۔۔۔،
لیکن پھر یکا یک کیا ہوا ایک ہی رات میں جیسے دنیا ہی بدل گئی جہاں ببول اگائے جارہے تھے وہاں گل و گلزار کی خبریں آنا شروع ہوگئیں وہ تجزیہ کار اور سیاسی اداکار جو ٹیلی ویژنوں کی زینت بنے رہتے ہیں، ایک بار پھر پینترا بدل کر سامنے آئے ڈیل ڈیل ، ڈھیل ڈھیل کی آوازیں بلند کرنے لگے ان میں وہ آوازیں بھی شامل ہوگئیں جو پہلے بانی پی ٹی آئی کے ہر جرم کو سزائے موت سے کم کی سزا کا تصور بھی نہیں کر پارہے تھے، وہ بھی ڈیل کا راگ الاپ رہے ہیں، سب سے زیادہ شور مچانے والوں میں سرفہرست نام اسٹیبلشمنٹ کے اپنے بندے سمجھے جانے والے (یہ تاثر عام ہے ) سینیٹر فیصل ووڈا ہیں، انہوں نے بشریٰ بی بی کی رہائی کو اس فکس میچ کی طرح پوٹرے کیا کہ جیسے سب کچھ ایک سکرپٹ کے تحت ہورہا ہے، انہوں نے ایک چینل پر بیٹھ کر یہ بھی بتایا کہ بشریٰ بی بی کی رہائی سے ایک ہفتے قبل بنی گالہ کا رنگ و روغن بھی کرایا گیا ہے یہ خبر ضرور رنگ پینٹ کرنے والے کاریگر نے ان تک پہنچائی ہوگی یہ میرا گمان ہے لیکن عام تاثر یہی ہے کہ عمران خان نے ڈیل کے لیے کبھی کسی سیاسی جماعت یا حکومت کی بات نہیں کی وہ تیسری قوت کو ہی پکارا کرتے ہیں، دھرنے کے امپائر سے لیکر ، باجوہ ابو تک اور پھر نیوٹرل والی غیر منطقی منطق تک وہ ایک ہی گھر یا یوں کہہ لیں در کے سوالی رہے ہیں اور اگر فیصل ووڈا کہہ رہے ہیں تو صاف ظاہر اس سے یہ تاثر تو تقویت پکڑے گا کہ فوج اور عمران میں فاصلے کم ہوئے ہیں ۔

ضرورپڑھیں:منصور علی شاہ کا قاضی کو خط ، قرآن اُٹھاؤ سچ بولو
بشریٰ بی بی کو ضمانت پر رہائی ملی ہے لیکن کیا کیا جائے ضمانت کو بھی میڈیا رہائی چلاتا ہے اور گمراہی پھیلاتا ہے کیس تو ابھی باقی ہے، ضمانت ملی ہے اور جس انصاف پسند جج نے یہ ضمانت دی ہے وہ عمر گوہر ایوب رہنما پی ٹی آئی کے پھوپھی زاد ، پاکستان کے پہلے فیلڈ مارشل لاء ایڈمنسٹریٹر آمر ایوب خان کے نواسے ہیں اُن کا فیصلہ ظاہر ہے انصاف پر مبنی ہی ہوگا لیکن چند ناہنجار افراد انصاف کی تحریک کا فیصلہ قرار دیتے ہیں ، کوئی فیصل ووڈا سے پوچھے کے اُن کا سورس کون ہے کہ ڈیل ہوگئی ہے یا ہو رہی ہے۔ فیصل ووڈا پیر علی مردان پیر پگاڑا کا کوئی نیا ورژن ہیں جو ایک ہی واقعہ پر مختلف اوقات میں مختلف پیش گوائیاں کرتے اور جو بھی صحیع ہوتی اسے اپنے کھاتے میں ڈال لیتے ۔
اب خبریں نکالی جارہی ہیں کہ عالمی دباؤ بڑھ رہا ہے۔ امریکی کانگریس کے 62 ارکان نے صدر بائیڈن کو لکھے گئے خط میں عمران خان اور پاکستان میں دیگر سیاسی قیدیوں کی رہائی کا مطالبہ کیا ہے، حامد میر نے بھی کہا ہے کہ آنے والے دنوں میں مزید سیاسی قیدی (یہاں مراد سانحہ نو مئی کے دہشت گرد ہیں جنہیں سیاسی قیدی کہا جاتا ہے ) کو رہا کیا جائے میرا خیال ہے کہ وائس آف امریکہ کہ اس خبر کے بعد اب تجزیہ نگار یہی کہیں گے جو کرا رہا ہے امریکہ کرا رہا ہے ۔
اب آئیں قاضی فائز عیسیٰ کی روانگی پر ہونے والے عدالتی فُل کورٹ ریفرنس کی جس میں انصاف پسند ججز نے سید منصور علی شاہ کی تقلید میں شرکت نہیں کی، جسٹس منصور علی شاہ نے شرکت نا کرنے کی وجوہات پر مبنی خط بھی تحریر کیا جس میں قاضی فائز عیسیٰ کو آڑے ہاتھوں لیا، یہاں تک کہا کہ انہوں نے عدلیہ کا دفاع نہیں کیا وہ عدلیہ پر پڑنے والے بیرونی دباؤ کو دیکھ کر شتر مرغ بن گئے اور منہ ریت میں دے دیا ، منصور علی شاہ نے یہ بھی لکھا کہ سابق چیف جسٹس ثاقب نثار کے فیئر ویل ریفرنس میں شرکت نہیں کی تھی کہ اُنہوں نے بھی ہٹ دھرمی کا مظاہرہ کیا جس سے انصاف کو نقصان پہنچا، خط لمبا اور مندرجات طویل ہیں جسے یہاں درج کرنے سے قاضی فائز عیسیٰ جیسے بلند کردار جج پر گندگی کے چھینٹے نہیں اڑائے جا سکتے۔ قاضی فائز عیسیٰ نے سو موٹو اور بنچز کی تشکیل کے آمرانہ قانون کو بدلا، پارلیمانی طرز حکومت کی روح کے مطابق نظام انصاف کو چلانے دیا نا زیادہ مراعات لین نا لینے دیں، یہاں تک کہ سرکاری فیئر ویل لنچ بھی سرکاری پیسوں سے منعقد کرنے کا انکار کیا۔ انہوں نے ایسے فیصلے کیے جو بولتے ہیں اور تاریخ انہیں اُن کے والد قاضی محمد عیسیٰ کی طرح بلند مرتبہ دے گی ۔

نوٹ:بلاگر کے ذاتی خیالات سے ادارے کا متفق ہونا ضروری نہیں۔ایڈیٹر

فل کورٹ میں کیوں شریک نہیں ہوا؟جسٹس منصور علی شاہ نے وجوہات بتادیں

(24 نیوز)سپریم کورٹ کے جج جسٹس منصور علی شاہ نے فل کورٹ میں شریک نہ ہونے کی وجوہات بتا دیں ، رجسٹرار سپریم کورٹ کے نام خط میں لکھا ہے کہ چیف جسٹس کا کام عدلیہ کا دفاع کرنا ہے،اوور سٹیپنگ پر سابق چیف جسٹس ثاقب نثار کے ریفرنس میں بھی شریک نہیں ہوا تھا ،چیف جسٹس قاضی فائز عیسیٰ نے عدلیہ پر بیرونی دباؤ برداشت نہ کیا،چیف جسٹس قاضی فائز عیسیٰ نے شترمرغ کی طرح سر ریت میں دبائے رکھا،جسٹس منصور علی شاہ نے لکھا کہ میرا خط فل کورٹ ریفرنس کے ریکارڈ پر رکھا جائے۔

جسٹس منصور علی شاہ نے رجسٹرار سپریم کورٹ کو ایک اور خط لکھ دیا جس میں انہوں نے کہا کہ دنیا بھر میں جانے والے چیف جسٹس کو الوداعی تقریب دینے کا رواج ہے، جانے والے چیف جسٹس کی خدمات کو الوداعی تقریب میں سراہا جاتا ہے، اداروں کی طرح افراد کے میرٹس پر روایات انحصار کرتی ہیں۔

سابق چیف جسٹس ثاقب نثار نےاپنے آئینی کردار کی حدود سےتجاوز کیا، اسی سبب جسٹس ثاقب نثارکے ریفرنس میں شرکت نہ کرنے کا فیصلہ کیا، جسٹس ثاقب نثارکے ریفرنس میں نہ جانے پر17 جنوری 19 کو خط میں وجوہات بتائیں۔

جسٹس منصور علی شاہ نے خط میں لکھا کہ میں نے اوور اسٹیپنگ پر سابق چیف جسٹس ثاقب نثار کے ریفرنس میں بھی شرکت نہیں کی تھی، چیف جسٹس قاضی فائز عیسٰی کا ریفرنس بھی اٹینڈ نہیں کروں گا۔

ضرورپڑھیں:چیف جسٹس قاضی فائز کی ریٹائرمنٹ پرفل کورٹ ریفرنس جاری، متعدد ججز کی عدم شرکت

چیف جسٹس پاکستان قاضی فائز عیسیٰ کیلئے الوادعی ریفرنس میں شریک نہ ہونے کی وجوہات بیان کی ہیں۔اپنے خط میں جسٹس منصور علی شاہ نے لکھا کہ چیف جسٹس کا کردار عوام کے حقوق، عدلیہ کی آزادی اور سب کے لیے انصاف کا تحفظ کرنا ہوتا ہے، چیف جسٹس فائز عیسیٰ کا الوداعی ریفرنس اٹینڈ نہ کرنے کی وجوہات مزید پریشان کن ہیں، چیف جسٹس قاضی فائز عیسیٰ کے ریفرنس میں نہ جانے کے فیصلے پر خود کو مجبور پاتا ہوں۔

جسٹس منصور علی شاہ نے لکھا کہ چیف جسٹس قاضی فائز عیسیٰ شتر مرغ کی طرح ریت میں سر رکھے عدلیہ پر بیرونی اثرات اور دباؤ سے لاتعلق رہے اور انہوں نے عدلیہ میں مداخلت کے دروازے کھول دیے، جسٹس فائز عیسیٰ نے عدلیہ کا چیک اینڈ بیلنس نہیں رکھا اور عدلیہ کا دفاع کرنے کی ہمت نہیں دکھائی، موجودہ چیف جسٹس قاضی فائز عیسیٰ نے عدلیہ کو کمزور کرنے والوں کو گراؤنڈ دیا۔

انہوں نے اپنے خط میں لکھا کہ چیف جسٹس فائز عیسیٰ عدالتی رواداری و ہم آہنگی کیلئے لازمی احترام قائم کرنے میں ناکام رہے، وہ عدلیہ میں مداخلت پر ملی بھگت کے مرتکب رہے، انکی نظر میں عدلیہ کے فیصلوں کی کوئی قدر اور عزت نہیں۔

اپنے خط میں جسٹس منصور علی شاہ نے کہا کہ چیف جسٹس نے شرمناک انداز میں کہا کہ فیصلوں پر عملدرآمد نہ کیا جائے، جسٹس قاضی فائز عیسیٰ نے اپنے ساتھی ججز میں تفریق پیدا کی، ججز میں تفریق کے اثرات تا دیر عدلیہ پر رہیں گے۔

انہوں نے مزید لکھا کہ فل کورٹ ریفرنس میں شرکت اور ایسے دور کا جشن منانا پیغام دےگا کہ چیف جسٹس اپنے ادارے کو نیچا کر سکتا ہے، ادارے کو نیچا کرنے کے باوجود سمجھا جائےگا کہ ایسا چیف جسٹس عدلیہ کے لیے معزز خدمت گار رہاہے، میں ایسے چیف جسٹس کے ریفرنس میں شرکت نہیں کرسکتا۔

12:26:PM

October 10, 2024

10:31:AM

October 10, 2024

پی ٹی آئی کی ڈیل؟چیف جسٹس یحییٰ آفریدی کی تعیناتی چیلنج ہوگی؟حامد خان کے انکشافات

(24 نیوز)پی ٹی آئی پر بڑا سوال یہ اُٹھ رہا ہے کہ اُس نے جسٹس منصور علی شاہ کی بطور چیف جسٹس تعیناتی میں خود رکاوٹیں کھڑی کی ۔اب ظاہر ہے پی ٹی آئی یہ دعوی کرتی رہی کہ اگر جسٹس مںصور علی شاہ چیف جسٹس بنتے ہیں تو پھر الیکشن کو کالعدم قرار دے کر حکومت کو رخصت کیا جاسکتا ہے۔جس کے بعد حکومت نے یہ طے کرلیا کہ جسٹس منصور علی شاہ کو کسی صورت چیف جسٹس نہیں بننے دیا جائے گا۔اگر یہ شور نہ ڈالا جاتا تو شاید حکومت کا آئینی ترامیم لانے پر دھیان ہی نہ جاتا ۔لیکن اِس سے بھی اہم بات یہ ہے کہ پی ٹی آئی نے پارلیمانی کمیٹی کا بائیکاٹ کرکے حکومت کو فری ہینڈ دےدیا کہ وہ جس کو چاہیں چیف جسٹس منتخب کرلیں اور پھر ہوا بھی یہی کہ حکومت نے جسٹس یحییٰ آفریدی کو چیف جسٹس نامزد کردیا۔اب آج فیصل صدیقی اور شعیب شاہین نے بانی پی ٹی آئی سے جیل میں ملاقات کی ۔جس میں دونوں وکلاء نے بانی پی ٹی آئی کو 26 ویں آئینی ترامیم اور نئے چیف جسٹس کی نامزدگی کے بارے میں بتایا۔جس پر بانی پی ٹی آئی نے افسوس کا اظہار کیا ۔

اب ایک طرف پی ٹی آئی جسٹس یحییٰ آفریدی کی چیف جسٹس نامزدگی پر اظہار افسوس کرتی ہے وہیں وہ جسٹس منصور علی شاہ کو چیف جسٹس دیکھنے میں سنجیدہ بھی نظر نہیں آئی کیونکہ اگر پی ٹی آئی کے تین اراکین پارلیمانی کمیٹی میں شرکت کرلیتے تو شاید معاملہ کچھ اور ہی ہوتا کیونکہ پیپلزپارٹی اور جے یو آئی ف تو متفق تھی کہ چیف جسٹس منصور علی شاہ ہی ہوں لیکن ن لیگ نے اپنی سیاسی گیم سے بازی پلٹ دی ۔بلاول بھٹو کہتے ہیں کہ مجھے نہیں معلوم تھا کہ منصور علی شاہ چیف جسٹس نہیں ہوں گے۔پی ٹی آئی کے حامد خان کیا کہتے ہیں؟دیکھئے اس ویڈیو میں

بنگلہ دیش میں ایک بار پھر سٹوڈنٹس سڑکوں پر آگئے،صدر کے استعفے کا مطالبہ

(24 نیوز)بنگلہ دیش میں ایک بار پھر سٹوڈنٹس سڑکوں پر آگئے،صدر کے استعفے کا مطالبہ کردیا۔

بنگلادیشی میڈیا کے مطابق طلبہ صدر محمد شہاب الدین کے خلاف سڑکوں پر نکل آئے ہیں اور گزشتہ روز سیکڑوں طلبہ نے صدارتی محل کے باہر احتجاج کرتے ہوئے صدر سے استعفے کا مطالبہ کیا۔

صدر شہاب الدیں نے گزشتہ دنوں ایک انٹرویو میں کہا تھا کہ ان کے پاس سابق وزیراعظم شیخ حسینہ واجد کے استعفے سے متعلق کوئی دستاویزی ثبوت نہیں ہے جب کہ 5 اگست کو اپنی تقریر میں صدر نے دعویٰ کیا تھا کہ شیخ حسینہ نے استعفیٰ جمع کرادیا ہے۔

ضرورپڑھیں:سپریم کورٹ:پہلا کیس آئینی بینچ منتقل،مزید کتنے مقدمات بھیجے جائیں گے؟

بنگلادیشی میڈیا کے مطابق صدر کے بیان کے بعد شیخ حسینہ کے خلاف احتجاج کرنے والے طلبہ پھر سڑکوں پر آگئے ہیں اور صدر سے استعفیٰ دینے کا مطالبہ کررہے ہیں، بنگلادیشی عبوری حکومت کے قانونی مشیر ڈاکٹر آصف نذرل نے کہا کہ صدر نے ایک متضاد بیان دیا کہ 'ان کے پاس شیخ حسینہ کے استعفے کی دستاویز نہیں ہے'۔

14:05:PM

October 10, 2024

12:59:PM

October 10, 2024

پی ٹی آئی میں فارورڈ بلاک،رہنماء آمنے سامنے

(24 نیوز)پی ٹی آئی آئینی ترامیم کی شدید انداز میں مزاحمت کر رہی ہے ۔تحریک انصاف سمجھتی ہے کہ یہ ترامیم عدلیہ کی آزادی پر حملہ ہے ۔در اصل تحریک انصاف کا یہ ماننا ہے کہ حکومت نے آئینی ترامیم اِس مقصد سے منظور کروائی تاکہ جسٹس منصور علی شاہ کا بطور چیف جسٹس بننے کا راستہ روکا جاسکے ۔ایسا محسوس ہورہا ہے کہ تحریک انصاف کو یہ پختہ یقین ہوگیا ہے کہ اگر جسٹس منصور علی شاہ چیف جسٹس بن گئے تو بانی پی ٹی آئی کی رہائی کا کوئی راستہ نکل آئے گا ۔اِس لئے اب پی ٹی آئی احتجاج کے ذریعے حکومت پر پریشر ڈالنا چاہتی ہے۔ وزیر اعلی خیبر پختونخوا علی امین گنڈا پور نے تو آج پھر حکومت کو خبردار کردیا ہے۔وہ کہتے ہیں کہ اگر سینئر ترین جج کو چیف جسٹس نہ لگایا گیا تو بھرپور احتجاج کیا جائے گا ۔اور پورے ملک کو بلاک کیا جائے گا۔
پروگرام’10تک‘کے میزبان ریحان طارق نے کہا ہے کہ اب تحریک انصاف آئینی ترامیم پر اپنی حکمت عملی بتا رہی ہے اور وہ حکمت عملی احتجاج اور دھرنے کی صورت مومینٹم بنا کر حکومت پر پریشر بلڈ کرنا ہے ۔لیکن سوال یہ ہے کہ کیا تحریک انصاف اِس پوزیشن میں ہے کہ وہ حکومت کیخلاف مؤثر تحریک چلا سکے۔اِس سے پہلے پی ٹی آئی کی جانب سے جتنے بھی احتجاج کئے گئے وہ سب فلاپ ہوئے ۔اور سب سے بڑھ کر علی امین گنڈاپور کے سیاسی کردار پر تو سوال اُٹھائے جارہے ہیں ۔اُن کو مشکوک نظروں سے دیکھا جارہا ہے ۔علی امین گنڈا پور سے پارٹی کے اندر سے یہ سوال بار بار پوچھا جارہا ہے کہ جب بھی جلسہ یا احتجاج ہوتا ہےعلی امین گنڈاپور راہ فرار کیون اپنا لیتے ہیں ؟وہ پراسرار طور پر غائب کیوں ہوجاتے ہیں ؟جس کی وجہ سے جلسہ یا احتجاج ناکام ہوجاتا ہے ۔ایسے میں اِس بات کی کیا ضمانت ہے کہ اب کی بار علی امین گنڈاپور احتجاج کو کامیاب طریقے سے لیڈ کرسکیں گے۔ظاہر ہے کارکن کے اندر بھی بے چینی کی لہر دوڑ رہی ہے ۔کارکن اپنی اعلی قیادت سے یہ سوال پوچھ رہے ہیں کہ پولیس کے ڈنڈے کھانے کیلئے وہ موجود ہوتے ہیں لیکن قیادت مشکل وقت میں ساتھ چھوڑ جاتی ہے ۔

اب دیکھا جائے تو پی ٹی آئی اِس وقت لیڈر لیس ہے اور کسی تحریک یا احتجاج کو کامیاب بنانے کیلئے لیڈر کا ہونا اہمیت کا حامل ہے ۔اب اِن وجوہات کو دیکھیں تو یہ واضح ہوتا ہے کہ تحریک انصاف اِس پوزیشن میں نہیں کہ وہ حکومت پر چیف جسٹس کی تقرری کو لے کر کوئی دباؤ ڈال سکے ۔البتہ اگر وکلا کوئی تحریک چلاتے ہیں اور ایک منظم تحریک سر اُٹھاتی ہے تو پھر تحریک انصاف اُس میں شامل ہوکر شاید مطلوبہ مقصد حاصل کرلے۔دوسری جانب نواز شریف بھی آئینی ترامیم کی منظوری کا مقصد پورا کرکے لندن یاترا پر جارہے ہیں ۔ نواز شریف کا بیرون ملک دوروں کا شیڈول بھی مرتب کرلیاگیا ہے۔نوازشریف 25 اکتوبر کو لاہور سے پانچ ملک کے دوروں کےلئے روانہ ہوں گے۔نوازشریف دبئی، امریکہ، لندن اور یورپ کےلئے روانہ ہوں گےوزیر اعلیٰ پنجاب مریم نواز کا نواز شریف کے ساتھ لندن اور یورپ کے دوروں کا بھی شیڈول طے ہو گیا ہے.اب نواز شریف ایسے وقت میں ملک سے باہر جارہے ہیں جب وہ آئینی ترامیم کا معرکہ سر کرچکے ہیں ۔بظاہر اب ایسی کوئی مشکل نہ اُنہیں لاحق ہے نہ اُن کی حکومت کو کوئی خطرہ ہے۔ لیکن ایسا محسوس ہوتا ہے کہ اُن کے دل میں بہت کچھ موجود ہے جس کا وہ اظہار کرنا چاہتے ہیں ۔لیکن اظہار کرتے کرتے رک جاتے ہیں ۔اُنہوں نے قومی اسمبلی میں اپنے دل کا حال اشعار کے ذریعے سنانے کی کوشش کی لیکن اب کیا بات اشعار سے آگے بڑھے گی کیا نواز شریف کا بیرون ملک جانے کا مقصد کچھ اور ہے ۔کیا وہ وہاں جاکر کوئی بڑا سیاسی دھماکہ کرنے والے ہیں ۔اِس کا جواب ہمیں چند دنوں میں مل جائے گا۔

سپریم کورٹ:پہلا کیس آئینی بینچ منتقل،مزید کتنے مقدمات بھیجے جائیں گے؟

(24 نیوز)سپریم کورٹ آف پاکستان نے 26ویں آئینی ترمیم کے بعد پہلا کیس آئینی بینچ میں سماعت کے لیے بھیج دیا۔مزید کتنے مقدمات بھیجے جائیں گے؟

سپریم کورٹ آف پاکستان نے وزارت پیٹرولیم نیچرل ریسورس کے 7 ملازمین کی بحالی کی درخواستیں آئینی بینچ کو بھجوا دی ہیں،سپریم کورٹ کے جسٹس منصور علی شاہ کی سربراہی میں 3 رکنی بینچ نے وزارت پیٹرولیم نیچرل ریسورس کے 7 ملازمین کی ہائی کورٹ کے فیصلے کے خلاف اپیل پر سماعت کی۔

دوران سماعت درخواست گزاروں کے وکیل وسیم سجاد نے موقف اپنایا کہ پر سکون زندگی ہر شہری کا آئینی حق ہے،جسٹس منصور علی شاہ نے ریمارکس دیے کہ کیس میں آئینی سوال ہے، 26ویں آئینی ترمیم میں کہا گیا ہے کہ آئینی کیسز آئینی بینچز سنیں گے، اب آئینی بینچز بنیں گے اور وہی تعین کریں گے۔

جسٹس عائشہ ملک نے اپنے ریمارکس میں کہا کہ یہ کیس اہم ہے، آئینی بینچ ہی سنے گا، ہم یہ درخواستیں آئینی بینچ کو بھیج رہے ہیں،بعد ازاں، عدالت نے برطرف ملازمین بحالی کی درخواستیں آئینی بینچ کو بھیج دیں۔

واضح رہے کہ وزارت پٹرولیم نیچرل ریسورس کے 7 ملازمین نے ہائیکورٹ کے فیصلے کیخلاف سپریم کورٹ سے رجوع کیا تھا۔

ضرورپڑھیں:جسٹس یحییٰ آفریدی نئے چیف جسٹس آف پاکستان ، نوٹیفکیشن جاری
دوسری جانب 26ویں آئینی ترمیم کی منظوری کے بعد عدالتوں نے آئینی درخواستوں کی سماعت روک دی ہے،ملک بھر کی عدالتوں کےزیرسماعت 40فیصد درخواستیں آئندہ ماہ آئینی بینچوں کو ٹرانسفر کرنے کا عمل شروع کردیا جائے گا۔

سپریم کورٹ اور پانچوں ہائیکورٹس کی آئینی درخواستوں، رٹ پٹیشنز کے فیصلے آئینی بینچ کریں گے،آئینی ترمیم کے بعد 20 لاکھ سے زائد کیسوں کے سائلین کو کم وقت میں انصاف کی فراہمی ممکن ہوگی،ذرائع کے مطابق ضلع، ہائیکورٹ اور سپریم کورٹ میں زیر التواء مقدمات کی تعداد 20 لاکھ سے زائد ہے اور اس آئینی ترمیم کی منظوری نے عوام کو یہ امید باندھ دی ہے کہ اب مقدمات کے فیصلوں میں تیزی آئے گی۔

اس کی دو وجوہات ہیں ملک کی عدلیہ، ڈسٹرکٹ عدالتوں، ہائیکورٹس، سپریم کورٹ میں موجود کم وبیش 40فیصد مقدمات آئندہ ہفتے تشکیل پانے والے آئینی بینچوں میں منتقل ہو جائیں گے اور دوسری وجہ ہائیکورٹس کے ججوں کی کارکردگی کا جوڈیشل کمیشن وقتاً فوقتاً جائزہ لیا کرے گا۔

لوگوں کو جلد انصاف ملنے لگے گا کیونکہ سوموٹو کیس فرمائشی درخواستوں اور رٹ پٹیشنوں جن میں بال کی کھال اتاری جاتی ہے، ان میں عوام کو دلچسپی نہیں ہے اور نہ ہی عوام کی بہتری ہے،خاندانی وراثت، زمینوں کے جھگڑے کئی کئی عشروں میں ان کے فیصلے اب تک نہیں ہوئے۔

26 ویں آئینی ترمیم نافذ ہونے سے ملک بھر کے عوام کو توقع ہے کہ اس ترمیم کے نتیجے میں سپریم کورٹ اور ہائیکورٹ جس میں مقدمات کی سماعت میں تیزی آئے گی اور انصاف کے تقاضے بہتر طور پورے ہوں گے،یہ امر یاد رکھنے کی ضرورت ہے کہ آئین کے آرٹیکل37ڈی میں یہ بات درج ہے کہ ریاست سستے، سہل اور حصول انصاف کو یقینی بنائے گی۔

یاد رہے کہ پاکستان کے آئین کے مطابق نہ جج اسٹیٹ ہوتا ہے نہ کوئی اور۔ آئین کے آرٹیکل 7 میں واضح کر دیا گیا ہے کہ اسٹیٹ سے مراد کیا ہے، آرٹیکل 7 میں اسٹیٹ کی تعریف میں کہا گیا کہ مملکت سے وفاقی حکومت مجلس شوریٰ (پارلیمنٹ)، صوبائی حکومت، کوئی صوبائی اسمبلی اور پاکستان میں ایسی مقامی ہیت ہائے مجاز (اتھارٹی )مراد ہے جن کو از روئے قانون کوئی محصول (ٹیکس) یا چونگی عائد کرنے کا اختیار حاصل ہو۔

12:30:PM

October 10, 2024

10:14:AM

October 10, 2024

مجوزہ آئینی ترامیم کیخلاف سپریم کورٹ میں ایک اور درخواست دائر

(امانت گشکوری ) سپریم کورٹ آف پاکستان میں مجوزہ آئینی ترامیم کے خلاف ایک اور درخواست دائر کردی گئی۔

تفصیلات کے مطابق درخواست ایڈوکیٹ صائم چوہدری نے دائر کی ،جس میں استدعا کی گئی ہے کہ مجوزہ آئینی ترامیم کو خلاف آئین اور کالعدم قرار دیا جائے،عدلیہ سے متعلقہ کسی قسم کی ترمیم سکروٹنی کے بعد تمام اسٹیک ہولڈرز کو بھیجی جائے۔

درخواست میں مزید کہا گیا کہ وفاقی حکومت آئین سے متصادم ترامیم نہیں کر سکتی، درخواست میں موقف اپنایا گیا کہ عدلیہ سے متعلق ترامیم عدلیہ کی آزادی سلب کرنے کے مترادف ہے، مجوزہ آئینی ترامیم بنیادی حقوق کے خلاف ہیں ،حکومت آئینی ترامیم سے سپریم کورٹ اور ہائیکورٹ کے اختیارات ختم کرنا چاہتی ہے۔

یہ بھی پڑھیں : محکمہ زراعت، خوراک اور صنعت وتجارت ضم، نیا محکمہ قائم

درخواست میں وفاقی حکومت،اسپیکر قومی اسمبلی اور چیئرمین سینیٹ سمیت دیگر کو فریق بنایا گیا ہے۔

63 اے تشریح کیس: چیف جسٹس کا پی ٹی آئی وکیل کو کمرہ عدالت سے باہر نکالنے کا حکم

(24نیوز)آرٹیکل 63 اے نظرثانی اپیل کی سماعت کے دوران پاکستان تحریک انصاف (پی ٹی آئی) کے وکیل سید مصطفین کاظمی اور چیف جسٹس نے درمیان تلخ کلامی ہوئی، وکیل نے بینچ پر اعتراض کرتے ہوئے کہا باہر 500 وکلا کھڑے ہیں، دیکھتے ہیں کیسے ہمارے خلاف فیصلہ آتا ہے جس پر چیف جسٹس نے پی ٹی آئی وکیل کو کمرہ عدالت سے باہر نکالنے کا حکم دے دیا۔

سپریم کورٹ آف پاکستان میں آرٹیکل 63 اے تشریح نظر ثانی کیس کی سماعت شروع ہوگئی،چیف جسٹس قاضی فائز عیسیٰ کی سربراہی میں 5 رکنی بینچ سماعت کر رہا ہے، جسٹس امین الدین ،جسٹس جمال خان مندو خیل، جسٹس نعیم اختر افغان اور جسٹس مظہر عالم بینچ میں شامل ہیں۔

سماعت کے آغاز پر 63 اے تفصیلی فیصلہ سے متعلق رجسٹرار کی رپورٹ پیش کی گئی جس کے مطابق کیس کا تفصیلی فیصلہ 14 اکتوبر 2022 کو جاری ہوا،صدر سپریم کورٹ بار شہزاد شوکت روسٹرم پر آگئے، چیف جسٹس نے شہزاد شوکت سے استفسار کیا کہ آپ کے دلائل تو مکمل ہو چکے تھے۔

شہزاد شوکت نے عدالت کو بتایا کہ تفصیلی فیصلے کے انتظار میں نظر ثانی دائر کرنے میں تاخیر ہوئی، مختصر فیصلہ آ چکا تھا لیکن تفصیلی فیصلے کا انتظار کررہے تھے،جسٹس جمال خان مندوخیل نے ریمارکس دیے کہ عام بندے کا کیس ہوتا تو بات اور تھی، کیا سپریم کورٹ بار کو بھی پتہ نہیں تھا نظرثانی کتنی مدت میں دائر ہوتی ہے۔

شہزاد شوکت نے کہا کہ مفادِ عامہ کے مقدمات میں نظرثانی کی تاخیر کو نظر انداز کیا جاسکتا ہے، مفادِعامہ کے مقدمات کو جلد مقرر بھی کیا جاسکتا ہے، نظرثانی دو سال سے سماعت کے لیے مقرر نہیں ہوئی تھی۔

پاکستان تحریک انصاف (پی ٹی آئی) کے بانی چیئرمین عمران خان کے وکیل علی ظفر نے کہا میں پہلے ایک بیان دے دوں جس پر چیف جسٹس نے کہا کہ عدالت میں بیان نہیں گذارشات سنتے ہیں، بیان ساتھ والی عمارت پارلیمنٹ میں جا کر دیں،علی ظفر نے کہا کہ نظرثانی درخواست تاخیر سے دائر ہوئی جس کے باعث مقرر نہیں ہوئی، چیف جسٹس نے استفسار کیا کہ آپ بتائیں نظرثانی فیصلے کے خلاف ہوتی یا اس کی وجوہات کے خلاف ہوتی۔

چیف جسٹس قاضی فائز عیسیٰ نے استفسار کیا آپ ہمیں درخواست کا بتا دیں، آپ نے صبح دائر کی ہوگی، علی ظفر نے جواب دیا کہ میں نے درخواست دائر کی لیکن سپریم کورٹ کے آفس نے منظور نہیں کی، مجھے دلائل دینے کے لیے وقت درکار ہے، مجھے بانی پی ٹی آئی سے کیس پر مشاورت کرنی ہے۔

علی ظفر نے عدالت کو بتایا کہ آپ نے کہا تھا آئینی معاملہ ہے، عمران خان سابق وزیراعظم ہیں اور درخواست گزار بھی ہیں، انہیں آئین کی سمجھ بوجھ ہے اور انہیں معلوم ہے کہا کہنا ہے کیا نہیں۔

علی ظفر نے کہا کہ مجھے اجازت دیں کہ بانی پی ٹی آئی سے معاملے پر مشاورت کرلوں، جس پر چیف جسٹس نے کہا کہ آپ اپنے دلائل شروع کریں، علی ظفر نے کہا یعنی آپ میری عمران خان سے ملاقات کی درخواست کو مسترد کر رہے ہیں۔

جسٹس نعیم افغان نے کہا کہ آپ کل بھی ملاقات کرسکتے تھے، علی ظفر نے کہا کہ بانی پی ٹی آئی جیل میں ہیں، چیف جسٹس نے کہا کہ آپ نے مشاورت کرنی تھی تو کل بتاتے، عدالت کوئی حکم جاری کر دیتی، ماضی میں ویڈیو لنک پر بانی پی ٹی آئی کو بلایا تھا، وکلا کی ملاقات بھی کروائی تھی،علی ظفر نے چیف جسٹس سے مکالمہ کیا کہ مجھے یقین تھا آپ عمران خان سے ملاقات کی درخواست کو منظور نہیں کریں گے۔

کیس کی سماعت کے دوران پی ٹی آئی وکیل مصطفین کاظمی روسٹرم پر آگئے، چیف جسٹس نے استفسار کیا آپ کس کی طرف سے ہیں جس پر انہوں نے جواب دیا کہ میں پی ٹی آئی کی نمائندگی کر رہا ہوں،چیف جسٹس نے ہدایت دی کہ آپ بیٹھ جائیں اگر آپ نہیں بیٹھ رہے تو پولیس اہلکار کو بلا لیتے ہیں جس پر مصطفین کاظمی نے کہا کہ آپ کر بھی یہی سکتے ہیں، باہر ہمارے 500 وکیل کھڑے ہیں، دیکھتے ہیں کیسے ہمارے خلاف فیصلہ دیتے ہیں۔

مصطفین کاظمی نے کہا کہ یہ 5 رکنی لارجر بنچ غیر آئینی ہے، دو ججز کی شمولیت غیر آئینی ہے، پی ٹی آئی وکیل نے جسٹس نعیم اختر افغان اور جسٹس مظہر عالم میاں خیل پر اعتراض کردیا۔

چیف جسٹس نے عدالت میں سول کپڑوں میں موجود پولیس اہلکاروں کو ہدایت دی کہ اس جینٹل مین کو باہر نکالیں۔

چیف جسٹس قاضی فائز عیسیٰ نے کہا بیرسٹر علی ظفر صاحب یہ کیا ہورہا ہے؟ آپ آئیں اور ہمیں بے عزت کریں، ہم یہ ہرگز برداشت نہیں کریں گے، علی ظفر نے جواب دیا میں تو بڑے آرام سے بحث کررہا تھا اور آپ بھی آرام سے سن رہے رہے تھے۔

چیف جسٹس قاضی فائز عیسیٰ نے کہا کہ ججز سے بدتمیزی کا یہ طریقہ اب عام ہوگیا ہے، کمرہ عدالت سے یوٹیوبرز باہر جاکر اب شروع ہوجائیں گے۔

13:01:PM

October 10, 2024

12:24:PM

October 10, 2024

63 اے کیس: چیف جسٹس نےبنچ کی تشکیل پر اعتراض مسترد کر دیا

(24نیوز)آرٹیکل 63 اے تشریح نظرثانی کیس کی سماعت کے دوران چیف جسٹس نے بنچ کی تشکیل کے حوالے سے پی ٹی آئی وکیل علی ظفر کا اعتراض مسترد کر دیا، اپنے ریمارکس میں چیف جسٹس قاضی فائز عیسیٰ نے کہا کہ ہم سب کا مشترکہ فیصلہ ہے، بنچ کے اعتراض کو مسترد کرتے ہیں۔

چیف جسٹس آف پاکستان قاضی فائز عیسیٰ کی سربراہی میں سپریم کورٹ کا 5 رکنی بنچ آرٹیکل 63 اے کی تشریح کے فیصلے کیخلاف نظر ثانی کیس کی سماعت کر رہا ہے، جسٹس امین الدین، جسٹس جمال خان مندو خیل، جسٹس نعیم اختر افغان اور جسٹس مظہر عالم بنچ میں شامل ہیں۔

سماعت کے آغاز پر 63 اے تفصیلی فیصلے سے متعلق رجسٹرار کی رپورٹ پیش کی گئی جس کے مطابق کیس کا تفصیلی فیصلہ 14 اکتوبر 2022 کو جاری ہوا،دوران سماعت صدر سپریم کورٹ بار شہزاد شوکت روسٹرم پر آگئے، چیف جسٹس نے شہزاد شوکت سے استفسار کیا کہ آپ کے دلائل تو مکمل ہو چکے تھے جس پر شہزاد شوکت نے عدالت کو بتایا کہ تفصیلی فیصلے کے انتظار میں نظرثانی دائر کرنے میں تاخیر ہوئی، مختصر فیصلہ آ چکا تھا لیکن تفصیلی فیصلے کا انتظار کر رہے تھے۔

جسٹس جمال خان مندوخیل نے ریمارکس دیئے کہ عام بندے کا کیس ہوتا تو بات اور تھی، کیا سپریم کورٹ بار کو بھی پتہ نہیں تھا نظرثانی کتنی مدت میں دائر ہوتی ہے،شہزاد شوکت نے کہا کہ مفادِ عامہ کے مقدمات میں نظرثانی کی تاخیر کو نظر انداز کیا جا سکتا ہے، مفادِعامہ کے مقدمات کو جلد مقرر بھی کیا جا سکتا ہے، نظرثانی دو سال سے سماعت کیلئے مقرر نہیں ہوئی تھی۔

پی ٹی آئی کے وکیل علی ظفر نے کہا کہ میں پہلے ایک بیان دے دوں جس پر چیف جسٹس نے کہا کہ عدالت میں بیان نہیں گزارشات سنتے ہیں، بیان ساتھ والی عمارت پارلیمنٹ میں جا کر دیں۔

علی ظفر نے کہا کہ نظرثانی درخواست تاخیر سے دائر ہوئی جس کے باعث مقرر نہیں ہوئی، چیف جسٹس نے استفسار کیا کہ آپ بتائیں نظرِ ثانی فیصلے کے خلاف ہوتی ہے یا اس کی وجوہات کے خلاف؟

چیف جسٹس قاضی فائز عیسیٰ نے استفسار کیا آپ ہمیں درخواست کا بتا دیں، آپ نے صبح دائر کی ہوگی جس پر علی ظفر نے جواب دیا کہ میں نے درخواست دائر کی لیکن سپریم کورٹ کے آفس نے منظور نہیں کی، مجھے دلائل دینے کیلئے وقت درکار ہے، مجھے بانی پی ٹی آئی عمران خان سے کیس پر مشاورت کرنی ہے،علی ظفر نے عدالت کو بتایا کہ آپ نے کہا تھا آئینی معاملہ ہے، عمران خان سابق وزیراعظم ہیں اور درخواست گزار بھی ہیں، انہیں آئین کی سمجھ بوجھ ہے اور انہیں معلوم ہے کہا کہنا ہے کیا نہیں، مجھے اجازت دیں کہ بانی پی ٹی آئی سے معاملے پر مشاورت کر لوں۔

چیف جسٹس نے کہا کہ آپ اپنے دلائل شروع کریں، علی ظفر نے کہا یعنی آپ میری عمران خان سے ملاقات کی درخواست کو مسترد کر رہے ہیں،جسٹس نعیم افغان نے کہا کہ آپ کل بھی ملاقات کر سکتے تھے جس پر علی ظفر نے کہا کہ بانی پی ٹی آئی عمران خان جیل میں ہیں۔

چیف جسٹس نے کہا کہ آپ نے مشاورت کرنی تھی تو کل بتاتے، عدالت کوئی حکم جاری کر دیتی، ماضی میں ویڈیو لنک پر بانی پی ٹی آئی عمران خان کو بلایا تھا، وکلا کی ملاقات بھی کرائی تھی،علی ظفر نے چیف جسٹس سے مکالمہ کیا کہ مجھے یقین تھا آپ عمران خان سے ملاقات کی درخواست کو منظور نہیں کریں گے، آپ درخواست مسترد کر دیں۔

سماعت کے دوران پی ٹی آئی وکیل مصطفین کاظمی روسٹرم پر آگئے، چیف جسٹس نے استفسار کیا آپ کس کی طرف سے ہیں جس پر انہوں نے جواب دیا کہ میں پی ٹی آئی کی نمائندگی کر رہا ہوں۔

چیف جسٹس نے ہدایت دی کہ آپ بیٹھ جائیں اگر آپ نہیں بیٹھ رہے تو پولیس اہلکار کو بلا لیتے ہیں جس پر مصطفین کاظمی نے کہا کہ آپ کر بھی یہی سکتے ہیں، باہر ہمارے 500 وکیل کھڑے ہیں، دیکھتے ہیں کیسے ہمارے خلاف فیصلہ دیتے ہیں۔

اس موقع پر مصطفین کاظمی ایڈووکیٹ نے بنچ میں شریک دو ججز جسٹس نعیم اختر افغان اور جسٹس مظہر عالم میاں خیل پر اعتراض اٹھاتے ہوئے کہا کہ یہ 5 رکنی لارجر بنچ غیر آئینی ہے،چیف جسٹس نے عدالت میں سول کپڑوں میں موجود پولیس اہلکاروں کو ہدایت دی کہ اس جینٹل مین کو باہر نکالیں۔

چیف جسٹس قاضی فائز عیسیٰ نے کہا کہ بیرسٹر علی ظفر صاحب یہ کیا ہو رہا ہے؟ آپ آئیں اور ہمیں بے عزت کریں، ہم یہ ہرگز برداشت نہیں کریں گے جس پر علی ظفر نے جواب دیا میں تو بڑے آرام سے بحث کر رہا تھا اور آپ بھی آرام سے سن رہے تھے،چیف جسٹس قاضی فائز عیسیٰ نے کہا کہ ججز سے بدتمیزی کا یہ طریقہ اب عام ہوگیا ہے، کمرہ عدالت سے یوٹیوبرز باہر جا کر اب شروع ہوجائیں گے۔

وکیل علی ظفر نے کہا کہ اس کیس میں فریقین کو نوٹس جاری کرنا ضروری تھا جس پر چیف جسٹس نے کہا کہ ہم نے کل کہا تھا جو بھی آ کر دلائل دینا چاہے دے،علی ظفر نے ایک بار پھر بنچ پر اعتراض کرتے ہوئے کہا کہ یہ طریقہ کار درست نہیں ہے، بنچ قانونی نہیں ہے، بنچ ترمیمی آرڈیننس کے مطابق بھی درست نہیں جس پر چیف جسٹس نے کہا کہ اب آپ ہمیں دھمکی دے رہے ہیں۔

بیرسٹر علی ظفر نے کہا کہ ابھی جو کچھ عدالت میں ہوا اس کا ذمہ دار میں نہیں ہوں، چیف جسٹس نے کہا کہ آپ اس کے ذمہ دار ہیں، آپ کیس نہیں چلانا چاہتے تو نہ چلائیں جس پر علی ظفر نے کہا کہ میں اس معاملے پر آپ کے ساتھ ہوں مجھے اپنا دشمن نہ بنائیں،وکیل علی ظفر نے مزید کہا کہ پریکٹس اینڈ پروسیجر کیس میں یہ عدالت فیصلہ دے چکی، چیف جسٹس نے کہا کہ آپ کی جماعت نے اس ایکٹ کی مخالفت کی تھی جس پر علی ظفر نے کہا کہ دلائل میں کسی نے کیا کہا وہ اہم نہیں، آپ کا فیصلہ اہم ہے۔

چیف جسٹس نے ریمارکس دیئے کہ کل آپ کی جماعت ایسا قانون بنا دے تو کیا میں کہہ سکتا ہوں مجھے پسند نہیں، یہ ججز کی پسند یا ناپسند کی بات نہیں، قانون معطل تھا، اس کے باوجود میں نے چیف جسٹس بن کر دو سینئر ججز سے مشاورت کی، ہمارے پاس ترمیمی آرڈیننس چیلنج نہیں کیا گیا، ہم اس وقت نظر ثانی کی درخواست سن رہے ہیں۔

علی ظفر نے کہا کہ میں آرڈیننس کی قانونی حیثیت پر بات نہیں کر رہا، میں کہہ رہا ہوں بنچ کی تشکیل اس قانون کے مطابق نہیں ہوئی، قانون کہتا ہے 3 رکنی کمیٹی بیٹھ کر بنچ بنائے گی، قانون کے مطابق بنچ کثرت رائے سے بنائے جائیں گے، قانون میں کمیٹی کے دو ممبران کے بیٹھ کر بنچ بنانے کی گنجائش نہیں۔

عمران خان کے وکیل علی ظفر نے کہا کہ جسٹس منصور علی شاہ کمیٹی میں نہیں آئے اور خط لکھ دیا، میں وہ خط پڑھنا چاہوں گا جس پر چیف جسٹس نے کہا کہ آپ صرف متعلقہ پیراگراف پڑھیں، آپ نے وہ خط پڑھا تو اس کا جواب بھی پڑھنا ہوگا، آپ ججز کو یہاں شرمندہ کرنا چاہتے ہیں،علی ظفر نے کہا کہ جسٹس منصور علی شاہ نے ترمیمی آرڈیننس پر فل کورٹ کی بات کی۔

پی ٹی آئی وکیل علی ظفر نے کہا کہ جسٹس منصور نے آپ کا حوالہ بھی دیا جب آپ سینئر جج تھے، آپ بھی ایک عرصے تک چیمبر ورک پر چلے گئے تھے جس پر چیف جسٹس نے کہا کہ میرے اعمال میں شفافیت تھی۔

چیف جسٹس نے ریمارکس دیئے کہ میں سمجھتا تھا قانون کو بل کی سطح معطل نہیں ہونا چاہیے، کیا ہم فل کورٹ میٹنگ بلا کر ایک قانون کو ختم کر سکتے ہیں؟، میری نظر میں میرے کولیگ نے جو لکھا وہ آئین اور قانون کے دائرے میں نہیں تھا، کل میں میٹنگ میں بیٹھنا چھوڑ دوں تو کیا سپریم کورٹ بند ہو جائے گی۔

جسٹس جمال مندوخیل نے کہا کہ کل میرے کزن نے مجھے کہا سپریم کورٹ تو برباد ہو گئی ہے، میں نے پوچھا کیا وجہ ہے؟ کزن نے کہا پریکٹس اینڈ پروسیجر کی وجہ سے سپریم کورٹ برباد ہوئی، کزن سے پوچھا کیا آپ نے پریکٹس اینڈ پروسیجر پڑھا ہے، اس نے کہا نہیں، ہم لوگوں کو قانون پڑھا نہیں سکتے، صرف ضمیر کے مطابق قانون کے تحت فیصلے کر سکتے ہیں۔

علی ظفر نے کہا کہ جسٹس منیب 30 ستمبر کو بنچ کا حصہ نہیں بنے، جسٹس منیب کی غیر موجودگی میں بنچ کو بیٹھنا نہیں چاہیے تھا۔

چیف جسٹس نے کہا کہ علی ظفر صاحب آپ ججز کا انتخاب خود نہیں کر سکتے، ایسا طرز عمل تباہ کن ہے، کیا ماضی میں یہاں سنیارٹی پر بنچ بنتے رہے، آپ نے بار کی جانب سے کبھی شفافیت کی کوشش کیوں نہ کی؟

بیرسٹر علی ظفر نے کہا کہ پہلے یہ فیصلہ کیا جائے کہ بنچ قانونی ہے، یہ فیصلہ ہو جائے اس کے بعد ہی میں دلائل دے سکتا ہوں۔

عدالت نے بنچ کی تشکیل کے حوالے سے علی ظفر کا اعتراض مسترد کر دیا، چیف جسٹس نے بنچ کی تشکیل پر اعتراض مسترد کرتے ہوئے کہا کہ آپ نے کہا فیصلہ سنادیں تو ہم نے سنا دیا، ہم سب کا مشترکہ فیصلہ ہے، بنچ کے اعتراض کو مسترد کرتے ہیں۔

علی ظفر نے کہا کہ بنچ تشکیل دینے والی کمیٹی کے ممبران بنچ کا حصہ ہیں، وہ خود کیسے بنچ کی تشکیل کو قانونی قرار دے سکتے ہیں؟

چیف جسٹس نے کہا کہ اگر ایسا ہو تو ججز کمیٹی کے ممبران کسی بنچ کا حصہ ہی نہ بن سکیں، آپ ہمیں باتیں سناتے ہیں تو پھر سنیں بھی، ہم پاکستان بنانے والوں میں سے ہیں، توڑنے والوں میں سے نہیں، ہم نے وہ مقدمات بھی سنے جو کوئی سننا نہیں چاہتا تھا، پرویز مشرف کا کیس بھی ہم نے سنا۔

جسٹس جمال خان مندو خیل نے اپنے ریمارکس میں کہا کہ میں 63 اے کیس میں بنچ کا حصہ تھا، کیا اب میں نظر ثانی بنچ میں بیٹھنے سے انکار کر سکتا ہوں، کیا ایسا کرنا حلف کی خلاف ورزی نہیں ہوگی؟

چیف جسٹس قاضی فائز عیسیٰ نے کہا کہ یہاں تو فیصلوں کو رجسٹرار سے ختم کرایا جاتا رہا، میں نے بنچ میں انہی ججز کو شامل کرنے کی کوشش کی، کسی کو مجبور نہیں کر سکتا، فل کورٹ سے مجھے کوئی مسئلہ نہیں ہے لیکن لوگوں کو یہاں مگر مرضی کے بنچ کی عادت ہے مگر وہ زمانے چلے گئے، اب شفافیت آ چکی ہے، اب آمریت نہ ملک میں نہ ہی اداروں میں ہوگی۔

علی طفر نے کہا کہ بہت اچھی بات ہے سر، چیف جسٹس نے کہا کہ اچھی بات نہ کہیں، پہلے سابقہ کاموں کا کفارہ کریں، اب ہم جو کرتے ہیں بتا دیتے ہیں، سابقہ دور واپس نہیں آنے دیں گے، کیا ہمارے پاس اختیار ہے کہ زبردستی کسی کو پکڑ کر بنچ میں لائیں؟

وکیل علی ظفر نے بتایا کہ سپریم کورٹ کے فیصلے موجود ہیں، نظر ثانی اپیل میں فیصلے لکھنے والے جج کی موجودگی لازم ہے، اس کیس میں اتنی جلدی کیا ہے، پہلے بیٹھ کر اپنے رولز بنا لیں۔

چیف جسٹس نے علی ظفر سے مکالمہ کرتے ہوئے کہا کہ ہم نے سب نظر ثانی کے مقدمات لگا دیئے ہیں، ڈیڑھ بج چکا، آپ نے میرٹ پر ایک بات نہیں کی، سادہ سے آئینی سوالات ہیں ان کا جواب دیں، کیا 63 اے فیصلے کی وجہ سے عدم اعتماد سمیت کئی آئینی شقیں غیر فعال ہوگئیں؟

علی ظفر نے جواب میں کہا ٹھیک ہے مگر فیصلہ لکھنے والے جج کے بغیر یہ بنچ کیس نہیں سن سکتا، فیصلے کا دفاع کرنے کیلئے وہ جج موجود ہی نہیں، اس ادارے کیلئے کچھ کریں۔

چیف جسٹس نے کہا آپ دلائل نہیں دے رہے، میرٹ پر دلائل دیں جس پر علی ظفر نے کہا کہ اگر آپ نے فیصلہ کر لیا کہ فیصلہ لکھنے والے جج کو نہیں بٹھانا تو مجھے اپنے موکل سے ملنے دیں۔

سپریم کورٹ نے علی ظفر کی استدعا منظور کر لی، عدالت نے ایڈیشنل اٹارنی جنرل عامر رحمان کو علی ظفر کی بانی پی ٹی آئی عمران خان سے فوری ملاقات کرانے کے احکامات بھی جاری کر دیئے۔

چیف جسٹس قاضی فائز عیسیٰ نے ایڈیشنل اٹارنی جنرل کو علی ظفر کی بانی پی ٹی آئی عمران خان سے ملاقات کرانے کے انتظامات کرنے کی ہدایت کرتے ہوئے کہا کہ کوشش کریں آج رات تک ملاقات ہو جائے۔

بعد ازاں عدالت نے آرٹیکل 63 اے نظر ثانی اپیلوں پر سماعت کل ساڑھے گیارہ بجے تک ملتوی کر دی ۔

لاہور ہائیکورٹ کا فیصلہ کالعدم،سپریم کورٹ نےپنجاب میں الیکشن ٹربیونلز سے متعلق کیس کا فیصلہ سنادیا

(امانت گشکوری)پنجاب میں الیکشن ٹربیونلز کی تشکیل سے متعلق کیس کا فیصلہ سنا دیا گیا،الیکشن کمیشن کی اپیل منظور کر لی گئی،لاہور ہائیکورٹ کا فیصلہ کالعدم قراردے دیا گیا ۔
سپریم کورٹ آف پاکستان کے چیف جسٹس قاضی فائز عیسیٰ نے پنجاب میں الیکشن ٹربیونلز کی تشکیل سے متعلق کیس کا مختصر فیصلہ پڑھ کر سنایا،جسٹس جمال مندوخیل اور جسٹس عقیل عباسی نے اضافی نوٹ تحریر کیے۔

سپریم کورٹ کا فیصلہ 5 صفر سے آیا -

ضرورپڑھیں:بانی پی ٹی آئی کی 9مئی کے مقدمات پر سماعت آج ہو گی

چیف جسٹس قاضی فائز عیسیٰ کی سربراہی میں پانچ رکنی لارجر بنچ نے 24 ستمبر کو فیصلہ محفوظ کیا تھا،سپریم کورٹ نے فیصلہ محفوظ کرتے ہوئے الیکشن کمیشن کو ٹربیونلز فعال کرنے کی ہدایت کی تھی،الیکشن کمیشن اور چیف جسٹس لاہور ہائیکورٹ کی مشاورت سے ٹربیونلز کی تشکیل پر رضامندی کے بعد فیصلہ محفوظ کیا گیا تھا۔

واضح رہےکہ لاہور ہائیکورٹ نے 12 جون کو پنجاب میں الیکشن ٹربیونلز کے لیے مزید 4 ججز کی تعینات کی درخواست کو مسترد کردیا تھا جس پر الیکشن کمیشن نے سپریم کورٹ سے رجوع کیا تھا۔

09:29:AM

September 09, 2024

12:36:PM

September 09, 2024

قاضی فائز عیسیٰ پاکستان کے چیف جسٹس بننے کے اہل نہیں

جی ہاں جو میں نے لکھا ہے صحیح لکھا ہے اور یہ میں خود لکھ رہا ہوں گو یہ الفاط مستعار لیے ہیں اپنے دوست و کولیگ عرفان ملک سے ،جنہوں نے اپنی سوشل میڈیا پوسٹ کو یہی عنوان دیا ہے، عرفان مختصر بات کرتا ہے لیکن الفاظ کا چناو ایسا ہوتا ہے کہ سامنے والا لاجواب ہوجاتا ہے اور کچھ ایسا ہی اُس نے اپنی پوسٹ کے ساتھ بھی کیا ۔بات لمبی نہ ہوجائے تو پہلے اس کے الفاظ جو ہیں جیسے ہیں کی بنیاد پر لکھ رہا ہوں :
"قاضی فائز عیسیٰ کسی طور پاکستان کا چیف جسٹس رہنے کے اہل نہیں ہیں اور انھیں فی الفور استعفی دینا چاہیے.جو بیوقوف آدمی اپنی اور اپنی عورتوں کی عزت نہیں سنبھال سکتا وہ قانون کی عزت خاک سنبھالے گا.
‏جس کو یہ نہیں پتا کے جس ملک میں چیف جسٹس دس دس گاڑیوں کے پروٹوکول میں پھرتا ہے یہ وہاں تن تنہا ڈونٹ کھانے چل پڑا. یہی اسکے ساتھ چیف جسٹس والی سیکورٹی ہوتی تو میں دیکھتا یہ دو ٹکے کا یوتھیا کتا، ایک چیف جسٹس کے ساتھ اس طرح بات کیسے کرتا،نہ یہ ملتا، نہ اس کا کیمرہ، نہ یہ ویڈیو وائرل ہوتی اور نہ یوتھئیے کی زندگی کبھی نارمل ہوتی.
‏مگر قاضی صاحب کو ہیرو بننے کا شوق ہے، کتوں کو انسان سمجھنے کا شوق ہے، دفتر پیدل جاتے ہیں، پروٹوکول کے بغیر گھومتے ہیں، اپنے اختیارات بڑھانے کے بجائے چھوڑ دیتے، رشوت لے کر فیصلے نہیں کرتے، پاکستان میں اصول بانٹتے پھرتے ہیں.
‏جس آدمی کو اس عمر تک کتے کی خصلت ہی سمجھ نہیں آئی، وہ چیف جسٹس رہنے کے قابل نہیں ہے اور اسے فورا جا کے کسی ایدھی سنٹر میں ملنگ بننا چاہیے اور چیف جسٹس کسی دبنگ کو بنایا جائے جو فل پروٹوکول کیساتھ ان کتوں کو اپنی جوتی کی نوک پر رکھ سکے اور چیف جسٹس کے عہدے کا وقار لوٹا سکے"
پڑھیں تو بہت تلخ باتیں ہیں لیکن ہیں حقیقت کہ یہاں بیرونی ٹکڑوں پر جو بھونکنے والی مشینیں تیار کی گئی ہیں جنہیں "گھاتک ناسور" (ناقابل علاج زخم ) جیسا چیف جسٹس چاہیے تھا جو کہتا کہ دو تین ایم این اے تو میں ہی بٹھا لوں گا ، کبھی کسی ہوٹل کے مالک سے ناراض ہوتا تو ہوٹلز کے کچن پر چھاپے مارتا ، جیلر سے ناراضگی ہوتی تو بیروکوں میں گھس جاتا ، پاگل خانے کا ایم ایس بدلنا چاہتا تو مینٹل ہسپتال کی اینٹ سے اینٹ بجا دیتا ،برتن اٹھا اٹھا کر باہر پھینکتا ، ڈیم فنڈ کے دس دس روپے غریبوں سے اکھٹا کرتا ، بیرون ملک جائیدادیں بناتا اپنے بچوں کی شاہانہ شادیوں پر اتنے پیسے خرچ کرتا کہ مہیش امبانی بھی شرما جاتا ، جو الیکشنز میں اپنے بیٹے کے ذریعے تحریک انصاف کی ٹکٹیں فروخت کرتا ، جو پانامہ میں سے اقامہ نکالتا ، جو پی کے ایل آئی جیسے عوامی فلاحی منصوبے کے ڈاکٹر کو بلا کر صرف اس لیے بے عزت کرتا کہ اُس کا بھائی بھارتی ہسپتالوں میں پیوند کاری کا پاکستان میں سول ڈسٹری بیوٹر تھا ،جو پی کے ایل آئی کے ڈاکٹر سے پوچھتا کہ کیا قابلیت تھی کہ تمہیں اتنی تنخواہ دی جارہی ہے اور جب داکٹر بتاتا کہ اس سے چار گناہ تنخواہ امریکہ سے چھوڑ کر آیا ہوں تو کہتا وہیں واپس چلے جاو ، ان کو ایک ایسا چیف جستس چاہیے تھا جو چُن چُن کر سیاسی وابستگی والے جونیئر ججز کو سپریم کورٹ میں لاتا ، ملک کے منتخب وزیر اعظم کے نام نہاد کرپشن پہ "ہیروں " پر مشتمل کمیٹی بناتا (یہ ہیرے ہیرا منڈی والے تھے یا نہیں اس کا فیصلہ آپ خود کرلیں ) جو انصاف پسند ججز کا گلا گھونٹتا اور رشوت خور بلکہ ٹرک خور ججز کو اوپر لاتا ، جو سیشن کورٹ میں مرضی کے فیصلے کرانے کے لیے نگران جج مقرر کراتا (سلام آباد پلازے والا جج ) جب منتخب وزیر اعظم کے کیس میں کرپشن نہ ملے تو پانامہ سے اقامہ اور پھر " بلیک ڈکشنری " نکال کر فیصلے کراتا ، جو ججز کی تنخواہوں میں 100 فیصد اور پینشن میں 200 فیصد اضافہ کرتا ، جو الیکشن میں دھاندلی کو سپورٹ کرتا حق کی ہر آواز کو دباتا اور جھوٹ کو پروان چڑھاتا ۔

ضرورپڑھیں:سپریم کورٹ سے دو استعفے،قاضی کا خط قیامت ڈھا گیا
یا انہیں ایسا چیف جسٹس چاہیے تھا جو "گارڈ فادر " نامی ناول پڑھ کر خیالی جرائم پر حقیقی سزائیں دیتا ، پی ٹی آئی کے کسی سیاسی مخالف کی ضمانت نہ ہونے دیتا جو کرپشن کا دلدادہ اور انصاف کا قاتل ہوتا ، یا ان کو ایسا چیف جسٹس چاہیے تھا جو اداکارہ شبنم کے ساتھ ریپ کرنے والے خاندان سے ہوتا ، جس کی ساس ، بیوی ، بہو بانی تحریک انصاف کی عاشق ہوتی جو اپنے ساتھی جج کی بیوی پر لگنے والے الزامات کو اتنی ہوا دلاتا کہ وہ استعفیٰ دے جاتا ۔ لیکن جج ڈھیٹ نکلا اس نے الزامات کے مقابلے کا فیصلہ کیا اور خود کو بے گناہ قرار دلوایا ۔
جناب قاضی فائز عیسیٰ صاحب آپ جیسا انصاف پسند بندہ انہیں کہا ں راس آنا ہے جس نے خود کی اور اپنی بیوی کی ایمانداری ثابت کرنے کے لیے وقت کے نمرودوں کے سامنے آگ میں جل کر اپنا آپ ثابت کیا ہے ، انہیں وہ قاضی فائز عیسیٰ کب درکار ہے جو قاضی محمد عیسیٰ کا بیٹا ہے اس قاضی فائز عیسیٰ کا بیٹا جو قائد اعظم کا ساتھی اور محب تھا جس نے قائد اعظم کو اُس وقت سونے میں تولا تھا جب مسلم لیگ کو مالی مشکلات درپیش تھیں ، جس نے تحریک پاکستان اور پاکستان کے لیے سب کچھ لٹا دیا ایسا چیف جسٹس بقول عرفان ملک "کتوں " کو نہیں چاہیے۔

نوٹ:بلاگر کے ذاتی خیالات سے ادارے کا متفق ہونا ضروری نہیں۔ایڈیٹر

’ایسا جسٹس منصور آپ کے اصرار پر کیا گیا‘چیف جسٹس قاضی فائز عیسیٰ نے جوابی خط لکھ دیا

(24نیوز)چیف جسٹس آف پاکستان قاضی فائز عیسیٰ نے سپریم کورٹ آف پاکستان کے سینئر ترین جج جسٹس منصور علی شاہ کے خط کا جواب دیدیا۔

ذرائع کے مطابق چیف جسٹس آف پاکستان کا جوابی خط 4 صفحات پر مشتمل ہے، چیف جسٹس نے اپنے جوابی خط میں لکھا کہ جسٹس یحییٰ آفریدی کو ججز کمیٹی میں شامل ہونے کا کہا گیا تو انہوں نے ججز کمیٹی میں شامل ہونے سےمعذرت کی، جسٹس یحییٰ آفریدی کی معذرت پر جسٹس امین الدین خان کو ججز کمیٹی میں شامل کیا گیا۔

ذرائع کے مطابق خط میں چیف جسٹس نے جسٹس منیب کو کمیٹی میں شامل نہ کرنے کی 11وجوہات بتادیں،چیف جسٹس نے جوابی خط میں لکھا کہ سینئرججزسے انکارویہ انتہائی درشت تھا اورایسا جسٹس منصور آپ کے اصرار پر کیا گیا، قانون کےتحت آپ اس بات پرسوال نہیں اٹھاسکتےکہ چیف جسٹس کس جج کوکمیٹی میں شامل کرے۔

خط کے متن میں چیف جسٹس نے کہا کہ میں ہمیشہ احتساب اور شفافیت کا داعی رہا ہوں۔

یاد رہے کہ خط میں جسٹس منصور علی شاہ نے پریکٹس اینڈ پروسیجر کمیٹی اجلاس میں شرکت سے انکار کرتے ہوئے صدارتی آرڈیننس پر تحفظات کا اظہار کیا تھا۔

12:59:PM

September 09, 2024

13:00:PM

September 09, 2024

"الیکشن کمیشن کا فیصلہ آئین سے متصادم ہے"، سپریم کورٹ نے مخصوص نشستوں پر تفصیلی فیصلہ جاری کردیا

(امانت گشکوری)تحریک انصاف مخصوص نشستوں کی حق دار ہے،الیکشن کمیشن قومی اسمبلی میں مخصوص نشستوں کیلئے پی ٹی آئی امیدواروں کو نوٹیفائی کرے،مخصوص نشستوں سے متعلق کیس میں سپریم کورٹ نے تفصیلی فیصلہ جاری کردیا ،فیصلے میں کہاگیا پشاور ہائیکورٹ کے فیصلے کو کالعدم قرار دیتے ہیں،الیکن کمیشن کا یکم مارچ کافیصلہ بھی آئین سے متصادم ہے،تفصیلی فیصلے میں کہاگیاکہ یہ سمجھنے کی کوشش کی کہ اتنے آزاد امیدوار کیسے جیت گئےلیکن کوئی تسلی بخش جواب نہیں دیاگیا۔ 13 رکنی فل کورٹ میں سے 8 ججز نے اکثریتی فیصلہ دیا۔70صفحات پرمشتمل تفصیلی فیصلہ جسٹس منصورعلی شاہ نے جاری کیا۔

مخصوص نشستوں سے متعلق تفصیلی فیصلہ 70 صفحات پر مشتمل ہے، تفصیلی فیصلہ جسٹس منصور علی شاہ نے تحریر کیا ہے۔سپریم کورٹ نے مخصوص نشستوں سے متعلق اکثریتی فیصلہ اردو زبان میں بھی جاری کرنے کا حکم دے دیا، احکامات کے مطابق اردو ترجمے کو کیس ریکارڈ کا حصہ بنایا جائے اور ویب سائٹ پر بھی اپ لوڈ کیا جائے۔

تفصیلی فیصلے میں بتایا گیا ہے کہ سپریم کورٹ پشاور ہائی کورٹ کے فیصلے کوکالعدم قرار دیتی ہےالیکشن میں سب سے بڑا اسٹیک عوام کا ہوتا ہے، انتخابی تنازع بنیادی طور پر دیگر سول تنازعات سے مختلف ہوتا ہے، یہ سمجھنے کی بہت کوشش کی کہ سیاسی جماعتوں کے نظام پر مبنی پارلیمانی جمہوریت میں اتنے آزاد امیدوار کیسے کامیاب ہو سکتے ہیں؟

فیصلے کے مطابق اس سوال کا کوئی تسلی بخش جواب نہیں دیا گیا، پی ٹی آئی کا یہ دعویٰ تھا کہ آزاد امیدوار بھی پی ٹی آئی کے امیدوار تھے، پی ٹی آئی کے مطابق ووٹرز نے ان کے پی ٹی آئی امیدوار ہونے کی وجہ سے انہیں ووٹ دیا۔

یہ بھی پڑھیں:این اے 97 دوبارہ گنتی کیس فیصلہ سنانے والے دو رکنی بینچ کو واپس بھیج دیا گیا

تحریری فیصلے میں بتایا گیا کہ الیکشن کمیشن کے یکم مارچ کے فیصلے کی کوئی قانونی حیثیت نہیں، الیکشن کمیشن کا یکم مارچ کا فیصلہ آئین سے متصادم ہے۔

فیصلے میں کہا گیا ہے کہ الیکشن کمیشن ملک میں جمہوری عمل کا ضامن اور حکومت کا چوتھا ستون ہے، الیکشن کمیشن فروری 2024 میں اپنا یہ کردار ادا کرنے میں ناکام رہا۔تفصیلی فیصلے میں 8 ججز نے 2 ججز کے اختلافی نوٹ پر تحفظات کا اظہار کر دیا، جسٹس امین الدین خان اور جسٹس نعیم اختر افغان نے 12 جولائی کے اکثریتی فیصلے کو آئین سے متصادم قرار دیا تھا۔

2 ججز کے تحفظات کے حوالے سے فیصلے میں بتایا گیا کہ جس انداز میں دو ججز نے اکثریتی فیصلے پر اختلاف کا اظہار کیا وہ مناسب نہیں۔فیصلے کے مطابق ایسا لگتا ہے کہ 2 ججز اپنی حدود سے تجاوز کر گئے، انہوں نے 80 ریٹرن امیدواروں کو انتبا دہا اور الیکشن کمیشن کو اکثریتی حکم کی تعمیل نہ کرنے کا حکم دیا جو کہ اس عدالت کے 13 رکنی فل کورٹ بینچ کا فیصلہ تھا، ایسے مشاہدات انصاف کے اعلیٰ ترین ادارے کی سالمیت کو نقصان پہنچاتے ہیں، ایسا لگتا ہے کہ یہ عمل عدالتی کارروائی میں رکاوٹ ڈالنے کی کوشش ہے۔

70 صفحات کے تفصیلی فیصلے میں 8 ججز نے سپریم کورٹ کے دو ججوں کی اپنے 12 جولائی کے فیصلے کو غیر آئینی قرار دینے کے ریمارکس کو سخت تنقید کا نشانہ بھی بنایا ہے اور کہا ہے کہ جسٹس امین الدین اور جسٹس نعیم اختر افغان کا عمل سپریم کورٹ کے ججز کے منصب کے منافی ہے۔

بڑی قانون سازی سے پہلے بڑی مشاورت،وزیراعظم نے اتحادیوں کو عشائیے پربلالیا

(24 نیوز)بڑی قانون سازی سے پہلے بڑی مشاورت،حکومت کا ججز کی ریٹائرمنٹ کی عمر بڑھانے اور آئینی اصلاحاتی پیکج لانے کا مشن،وزیراعظم نے اتحادیوں اور دیگر ارکان پارلیمنٹ کوعشائیے پربلالیا،جے یوآئی ف کو بھی دعوت،شہبازشریف مجوزہ قانون سازی اور معاشی صورتحال پراعتمادمیں لیں گے،صدر آصف علی زرداری بھی پیپلز پارٹی کے ارکان پارلیمنٹ کو عشائیہ دیں گے،حکومتی اتحادقومی اسمبلی میں دوتہائی اکثریت حاصل کرنے کے قریب پہنچ گیا۔سینیٹ میں حکومت کو مطلوبہ64 ووٹ ملنے کی بھی قوی اُمید ہے۔

رواں ہفتے اہم قانون سازی کے معاملے پر وزیراعظم شہباز شریف نے آج اتحادی جماعتوں کے اراکین پارلیمنٹ کو عشائیے پر مدعو کر لیا جبکہ جمعیت علمائے اسلام (ف) کو بھی دعوت دی گئی ہے۔

ضرورپڑھیں:چیف جسٹس کا توسیع لینے سے ایک بارپرپھرانکار،رانا ثناءاللہ کو میرے سامنے لے آئیں،جسٹس قاضی فائز عیسیٰ

پارلیمنٹ میں رواں ہفتے اہم قانون سازی کے معاملے پر وزیر اعظم شہباز شریف اتحادیوں کے اعزاز میں آج شام ساڑھے سات بجے عشائیہ دیں گے۔عشائیے میں تمام اتحادی جماعتوں کے علاوہ جمعیت علمائے اسلام (ف) کو بھی دعوت دی گئی ہے۔

ذرائع کے مطابق جے یو آئی (ف) نے ابھی شرکت کرنے یا نہ کرنے کے حوالے سے کوئی فیصلہ نہیں کیا۔حکومتی ذرائع کے مطابق وزیراعظم ملکی معاشی صورت حال اور مجوزہ قانون سازی پر اراکین کو اعتماد میں لیں گے۔حکومت ججز کی تعداد بڑھانے سمیت ایک آئینی اصلاحاتی پیکج بھی لانا چاہتی ہے۔

اس سے قبل 3 ستمبر کو اسپیکر قومی اسمبلی ایاز صادق نے سپریم کورٹ میں ججز کی تعداد میں اضافے سے متعلق بل کو مؤخر کر دیا تھا، بل حکومتی رکن بیرسٹر دانیال چوہدری نے پیش کیا تھا۔انہوں نے بتایا تھا کہ ترمیمی بل کا مقصد فوری انصاف کی فراہمی کو یقینی بنانا ہے، بعد ازاں پی ٹی آئی نے بیرسٹر دانیال کے بل کی مخالفت کردی تھی۔28 اگست کو وفاقی حکومت نے سپریم کورٹ کے ججز کی تعداد بڑھا کر 23 کرنے کا فیصلہ کیا تھا۔ چیف جسٹس کے علاوہ سپریم کورٹ کے ججز کی تعداد 22 کرنے کی تجویز دی گئی تھی۔

بل کے مطابق ججز کی تعداد بڑھانے سے سپریم کورٹ کے زیر التوا کیسز حل کرنے میں مدد ملے گی، ججز کی تعداد بڑھانے سے سپریم کورٹ سائلین کو انصاف کی بروقت یقین دہانی کرا سکے گی۔بل میں مؤقف اختیار کیا گیا تھا کہ ججز تعیناتی میں ان کی ماحولیات، بین الاقوامی تجارت اور سائبر کرائم کے قوانین میں مہارت مدنظر رکھی جائے گی، 24 جولائی کو سینیٹ کی قائمہ کمیٹی برائے قانون و انصاف کے بیشتر ارکان نے اجلاس میں سپریم کورٹ کے ججوں کی منظور شدہ تعداد میں اضافے کی ضرورت پر اتفاق کیا تاہم اس حوالے سے بل پر غور ان کے اگلے اجلاس تک موخر کر دیا گیا تھا۔

وزیر قانون اعظم نذیر تارڑ کا کہنا تھا کہ ججز کی تعداد کا تعین زیر التوا تفصیلات کی بنیاد پر کیا جا سکتا ہے،ہمیں اسے 17 سے بڑھا کر 24 کرنے کی ضرورت پڑ سکتی ہے۔27 اپریل کو سپریم کورٹ میں فیصلوں کے منتظر مقدمات کی تعداد 57 ہزار سے تجاوز کر گئی تھی۔2022 میں سامنے آنے والی ایک رپورٹ میں کہا گیا تھا کہ ملک کی اعلیٰ اور نچلی عدالتیں 21 لاکھ 44 ہزار زیر التوا مقدمات کے ایک بڑے بیک لاگ سے نمٹ رہی ہیں کیونکہ 2021 کے دوران 41 لاکھ 2 ہزار مقدمات کا فیصلہ کیا گیا اور 40 لاکھ 60 ہزار نئے مقدمات دائر کیے گئے۔2021 کے آغاز میں تمام عدالتوں میں مجموعی طور پر 21 لاکھ 60 ہزار مقدمات زیر التوا تھے۔

16:06:PM

September 09, 2024

15:07:PM

September 09, 2024

چیف جسٹس کا توسیع لینے سے ایک بارپرپھرانکار،رانا ثناءاللہ کو میرے سامنے لے آئیں،جسٹس قاضی فائز عیسیٰ

(24 نیوز)چیف جسٹس قاضی فائز عیسیٰ کا توسیع لینے سے ایک بارپرپھرانکار ،صحافی نے سوال کیا کہ رانا ثنااللہ کاکہناہے، تمام ججز کی عمر بڑھا دی جائے،آپ توسیع لیں گے؟چیف جسٹس قاضی فائز عیسیٰ نے رانا ثنا اللہ کی بات کی تردید کر دی ۔

صحافیوں سے غیر رسمی گفتگو میں چیف جسٹس کا کہنا تھا کہ ایک ملاقات میں اعظم نذیر تارڑ،جسٹس منصور علی شاہ اور اٹارنی جنرل موجود تھے۔ رانا ثنا اللہ نہیں تھے۔چیف جسٹس پاکستان قاضی فائز عیسیٰ نے ایک بار پھر وضاحت کی ہے کہ وہ اپنی مدت ملازمت میں کسی قسم کی توسیع نہیں چاہتے۔

صحافیوں سے غیر رسمی گفتگو کے دوران ایک صحافی نے کہا راناثناءاللہ کہہ رہے ہیں اگر تمام جج صاحبان کی عمر بڑھا دی جائے تو آپ بھی ایکسٹینشن لینے پر متفق ہیں، جس پر جسٹس قاضی فائز عیسیٰ نے جواب دیا رانا ثناءاللہ کو میرے سامنے لے آئیں۔

چیف جسٹس قاضی فائز عیسیٰ کا کہنا تھا ایک میٹنگ ہوئی تھی جس میں اعظم نذیر تارڑ، جسٹس منصور علی شاہ اور اٹارنی جنرل موجود تھے، میٹنگ میں رانا ثناءاللہ موجود نہیں تھے، میٹنگ میں بتایا گیا تمام چیف جسٹس صاحبان کی مدت ملازمت میں توسیع کر رہے ہیں، میں نے کہا کہ باقیوں کی کر دیں، میں مدت ملازمت میں توسیع قبول نہیں کروں گا، مجھے تو یہ بھی نہیں پتہ کل میں زندہ رہوں گا بھی یا نہیں۔

ضرورپڑھیں:پہلے بینچ دیکھ کر ہی بتا دیا جاتا تھا کہ کیس کا فیصلہ کیا ہو گا:چیف جسٹس آف پاکستان

ججز کے خط کا معاملہ سماعت کیلئے مقرر نہ ہونے سے متعلق سوال پر چیف جسٹس پاکستان کا کہنا تھا 6 ججز کے خط کا معاملہ کمیٹی نے مقرر کرنا ہے، جسٹس مسرت ہلالی ناسازی طبعیت کے باعث نہیں آرہی تھیں جس وجہ سے بینچ تشکیل نہیں پا رہا تھا۔

یاد رہے کہ چند روز قبل قومی اسمبلی کے اجلاس میں بھی وزیر قانون اعظم نذیر تارڑ اس بات کی وضاحت کر چکے ہیں کہ چیف جسٹس اپنی مدت ملازمت میں توسیع نہیں چاہتے۔

’پارلیمان قانون بناتا ہے اور ہمارا کام قانون کی تشریح کرنا ہے‘

(24 نیوز)چیف جسٹس آف پاکستان جسٹس قاضی فائز عیسیٰ نے کہا ہے کہ پارلیمان قانون بناتا ہے اور ہمارا کام قانون کی تشریح کرنا ہے،ذاتی نوعیت کے الزام میں جج کو اجازت دی گئی کہ وہ اس کا جواب دے سکیں۔
فل کورٹ ریفرنس سے خطاب کرتے ہوئے چیف جسٹس نے کہا ہے کہ تنقید کریں مگر گالی گلوچ نہ کریں، ہمیں آزادی رائے پر پورا یقین ہے اور ہم نے اس پر قدغن نہیں لگائی، پارلیمان قانون بناتا ہے اور ہمارا کام قانون کی تشریح کرنا ہے، اور اگر سمجھیں کہ قانون آئین کے برعکس ہے تو اسے روک دیں۔

جسٹس قاضی فائز عیسی نے جسٹس مظاہر علی نقوی کیس کے حوالے سے بات کرتے ہوئے کہا کہ دوسروں سے شفافیت اور احتساب مانگیں اور خود کا نہ کریں تو بات کی وزن نہیں ہوتی اور فیصلوں کی اہمیت بھی نہیں ہوتی، ہمارے جج پر الزام لگائے گئے، جوڈیشل کونسل نے کارروائی کی اور ان کو برطرف کیا گیا، ہم نے کیس کھلی عدالت میں چلایا اور سپریم کورٹ کے جج کو بد انتظامی پر برطرف کیا گیا پہلی دفعہ پاکستان میں۔

ان کا مزید کہنا تھا کہ غلطی بھی ہوتی ہے، اور اس عدالت نے بھی غلطیاں کی ہیں، جب تک ہم اس کا اعتراف نہیں کریں گے درست سمت کی طرف نہیں جاسکیں گے، زوالفقار علی بھٹو کا مشہور کیس تھا انہیں سزائے موت دی گئی لاہور ہائی کورٹ کی جانب سے اور سپریم کورٹ نے اس فیصلے کو برقرار رکھا اور نظر ثانی اپیل خارج کردی بھٹو کی، پھر اس وقت کے صدر پاکستان جو آج بھی صدر مملکت ہیں نے ایک ریفرنس بھیجی اور تقاضا کیا کہ اس فیصلے کی درستگی کی ضرورت ہے، ہم نے کیس سنا، اور فیصلہ ہوا کہ کیس کو غیر منصفانہ طرز پر نہیں چلایا گیا، یہ ہماری رائے تھی، اس عدالت نے اعتراف کیا، اسی طرح ایک جج کو برطرف کیا گیا تھا غلط طریقے سے تو ہم انہیں بحال نہیں کرسکے لیکن ہم نے فیصلہ کیا کہ ان کو نکالے گئے جج نہیں بلکہ ریٹائرڈ جج کی طرح لکھنے کا حکم دیا۔

ضرورپڑھیں:الیکشن کے فیصلے میں سپریم کورٹ نے اختیارات سے تجاوز نہیں کیا:چیف جسٹس

مزید بتایا کہ ایک آئینی کی شق ہے غداری پر، ایک مقدمہ چلا تھا آئین شکن پر، جنرل مشرف پر ٹریبونل بنا، لاہور ہائی کورٹ نے کہا یہ سزا تریبونل نہین دے سکات تھا جبکہ ہائی کورٹ کے پاس ایسا اختیار نہیں تھا کیونکہ اس کی اپیل سپریم کورٹ میں کی جاتی ہے تو ہم نے اس فیسلے کو کالعدم قرار دیا اور آئین شکن کو قصور وار ٹھہرایا، کراچی میں نسلہ والوں کو معاوضہ دلوایا اور تجاوزات کو ہٹانے کا حکم دیا، سپریم کورٹ کے سامنے سڑک پر بیرئیرز رکھے گئے تھے ہم نے وہ ہٹوا دیے، اور دوسروں کو حکم دیا کہ وہ بھی اس کے تابع ہیں کہ وہ ہٹائیں ورنہ جو اس ادارے کا سربراہ ہوگا وہ ذمہ دار ہوگا۔

ان کا کہنا تھا کہ مارگلہ پہاڑی کا کیس بھی بہت اہم تھا، کچھ کیسز بہت زیادہ اہم ہوتے ہیں، چیف جسٹس کے گھر میں مور رکھے گئے تھے پنجروں میں تو چیف جسٹس کے گھر میں موروں کا کیا کام؟ ان کی رہائی کروائی گئی، موروں کو جنگلوں میں ناچنے دیں، ہم نے وفاقی جوڈیشل اکیڈمی کو مؤثر بنایا، اسے فعال ادارہ بنایا۔

انہوں نے بتایا کہ سپریم کورٹ قانون کے مطابق 17 ججز پر مشتمل ہوتا ہے، سپریم کورٹ کئی سالوٓں سے مکمل نہیں تھا تو جوڈیشل کمیشن کے ذریعے ججز کی تعداد پوری کی گئی، ہم نے ایڈہاک ججز لیے، اس میں ہمارے بااعتماد ججز تھے، ہم پر جائز تنقید ہے کہ جو چیزیں نمٹائے گئے وہ 15 ہزار 660 کیسز ہیں، یہ ایک بڑا نمبر ہے لیکن یہ ایک اچھی بات نہیں، یہ 44 کیسز بنتے ہیں ایک دن کے، اس میں چھٹیاں شامل نہیں ہیں، اگر چھٹیاں لکالیں تو نمبر بڑھے گا اور ہماری کوشش ہے کہ ہم زیادہ سے زیادہ کیسز نمٹائیں۔

ان کا کہنا تھا کہ ایک اور ادارہ ہے شریعت اپیلیٹ بینچ، اس میں دو عالم جج کا ہونا شامل ہے، ہمارے پاس ایک ہی جج رہ گئے تھے تو ایک جج ڈاکٹر قبلہ ایاز صاحب کو تعینات کیا گیا اور یہ ادارہ 4 سال بعد فعال ہوگیا، یہ ججز بھی دانشور ہیں، انہوں نے بھی چھٹیوں میں کام کیا۔

چیف جسٹس نے کہا کہ روزانہ ججز پر جھوٹے اور سچے الزام لگا دیے جاتے ہیں اور جج پہلے کچھ کہہ نہیں سکتے تھے تو ہم نے جوڈیشل کونسل کے اکوڈ آف کندکٹ کے آرٹیکل میں ترمیم کی اور کہا کہ الزام لگایا جائے اگر ذاتی نوعیت کا تو جج کو اجازت دی گئی کہ وہ اس کا جواب دے سکیں، وکیلوں کے نمائندوں سے ہماری میٹنگ ہوئی، انہوں نے مشورے دیے، سپریم کورٹ پریس ایسو سیایشن سے بھی ملاقات ہوئی اور کہا گیا کہ تنقید کریں پر جھوٹی خبر نہ چلائیں، ہم مان لیتے ہیں جب غلطی کرتے ہیں مگر کچھ لوگ نہیں مانتے۔

ان کا کہنا تھا کہ ہم نے موس گرما کی چھٹی میں ایک ماہ کم کردیا اور چھٹیوں میں بھی کیس چلائے گئے اور کوئی دن ایسا نہیں تھا کہ سپریم کورٹ کی کسی بینچ نے کام نہیں کیا ہو، بہت سے کام لیکن ابھی بھی ہونے باقی ہیں،ہر چیز ہماری سپریم کورٹ کی ویب سائٹ پر ہے، ہم اس رپورٹ میں اپنی کارکردگی بتاتے ہیں۔

13:38:PM

September 09, 2024

12:28:PM

September 09, 2024

الیکشن کے فیصلے میں سپریم کورٹ نے اختیارات سے تجاوز نہیں کیا:چیف جسٹس

(24نیوز)چیف جسٹس آف پاکستان جسٹس قاضی فائز عیسیٰ نے کہا ہے کہ الیکشن کے فیصلے میں سپریم کورٹ نے اختیارات سے تجاوز نہیں کیا۔
فل کورٹ اجلاس سے خطاب کرتے ہوئے ان کا کہنا تھا کہ اب کچھ فیصلوں کی بات کرتے ہیں، جو ایک اہم فیصلہ تھا وہ انتخابات کا تھا، سب کو پتا ہے کہ نگران حکومت تھی اور الیکشن نہیں ہورہے تھے، الیکشن پٹیشن یہاں آئی، تین دن سنوائی ہوئی اور 12 دن میں فیصلہ ہوگیا، ہم نے اختیارات سے تجاوز نہیں کیا، صدر مملکت کہہ رہے تھے کہ تاریخ دینے کا اختیار میرا ہے جبکہ الیکشن کمیشن کہہ رہا تھا کہ تاریخ ہم دیں گے مگر کسی نے بھی تاریخ نہیں دی تھی، پھر یہ معاملہ آیا اور ہم نے الیکشن کمیشن سے کہا کہ صدر کے پاس جائیں اور تاریخ لے کر آئیں، انہوں نے فروری کا فیصلہ کیا، ہم نے اسے آرڈر میں لکھا اور کہا کہ اب اس میں کوئی رکاوٹ نہیں آئی گی۔

چیف جسٹس کے مطابق رکاوٹ ڈالنے والے رکاوٹ ڈھونڈ لیتے ہیں اور لاہور ہائی کورٹ کا فیصلہ آگیا کہ تمام پاکستان کے آر او اور ڈی آر اوز کو روک دیا گیا نا صرف پنجاب میں بلکہ پورے پاکستان میں اور انہوں نے کہا کہ یہ ریٹرننگ افسر نہیں ہوسکتے اور انہیں عدالت سے فراہم کیا جائے، الیکشن کمیشن لکھ چکی تھی ہائی کورٹس کے چیف کو کہ آپ ہمیں ریٹرننگ افسر دینا فرمائیں گے کیونکہ قانون یہی کہتا ہے تو کورٹس نے منع کردیا کہ ہم نہیں دے سکتے کیونکہ ہمارے پاس کیسز ہیں، قانون یہ کہتا ہے کہ الیکشن کمیشن نے مخصوص لوگ نہیں لگائے جہاں ڈی سی تھا اسی کو لگا دیا تو سپریم کورٹ نے اسے سراہا اور اس فیصلے کو ہٹایا راستے سے، الیکشن جمہوریت کے ساتھ منسلک ہیں۔

ضرورپڑھیں:پہلے بینچ دیکھ کر ہی بتا دیا جاتا تھا کہ کیس کا فیصلہ کیا ہو گا:چیف جسٹس آف پاکستان

ان کا کہنا تھا کہ فاروق ایچ نائیک نے منیر بھٹی کیس کی بات کی، اس فیصلے میں میں اقلیت میں تھا، میں اس کیس کی آرا سے اتفاق نہیں کرتا تھا، ایک اور اہم بات یہ ہے کہ 184 -3 کا جو استعمال کیا جارہا ہے ازخود نوٹس کا یہ کسی پیمانے کے تحت ہونا چاہیے اور میں اس بات پر متفق ہوں کیونکہ آئین بھی یہی کہتا ہے، آئین ازخود معاملے پر کہتا ہے کہ یا تو وہ بہت اہم ہو عوام کے لیے اور دوسرا یہ ہو کہ اس کا تعقلق بنیادی حقوق کے نفاذ پر، توہین کا بھی کہا گیا تو میں نے اپنی ذات کے حوالے سے بھی توہین کا نوٹس نہیں لیا، بس ایک دفعہ میں نے توہین کا نوٹس لیا اور جنہوں نے کیا تھا انہوں نے بھی معذرت کرلی، یہ بس ایک دفعہ ہوا ہے مگر اس کا مطلب نہیں کہ آپ معاشرے میں گالی گلوچ شروع کردیں۔

پہلے بینچ دیکھ کر ہی بتا دیا جاتا تھا کہ کیس کا فیصلہ کیا ہو گا:چیف جسٹس آف پاکستان

(امانت گشکوری)چیف جسٹس قاضی فائز عیسٰی نے کہا ہے کہ پہلے بینچ دیکھ کر ہی بتا دیا جاتا تھا کہ کیس کا فیصلہ کیا ہو گا۔

فل کورٹ ریفرنس سے خطاب کرتے ہوئے ان کا کہنا تھا کہ اس طرح کے مواقع پر اس بات پر نظر ڈالی جاتی ہے کہ ادارے کی کارگردگی کیسی رہی، اٹارنی جنرل اور بار کے نمائندوں نے بتایا کہ کس طرح کارگردگی بہتر کی جا سکتی ہے، مجھے 9 دن بعد بطور چیف جسٹس ایک سال مکمل ہو جائے گا، میں جب چیف جسٹس بنا تو 4 سال میں پہلی مرتبہ فل کورٹ بلایا۔

انہوں نے کہا کہ میں نے سپریم کورٹ کی پروسیڈنگ کو براہ راست نشر کرنے کا آغاز بھی کیا، پہلا مقدمہ براہ راست دکھایا گیا وہ پریکٹس ایند پروسیجر ایکٹ کا تھا جو فل کورٹ نے ہی سنا، اس فیصلہ کے بعد اختیار چیف جسٹس سے لے کر 3 ججز کو سونپے گئے۔

ان کا کہنا تھا کہ پہلے بینچ دیکھ کر ہی بتا دیا جاتا تھا کہ کیس کا فیصلہ کیا ہو گا، اب تو مجھے خود بھی معلوم نہیں ہوتا کہ میرے دائیں بائیں جانب کون سے ججز کیس سنیں گے۔ پہلے کاز لسٹ منظوری کے لیے چیف جسٹس کے پاس جاتی رہی، اب ایسا نہیں ہوتا، ہر جج کا کچھ نہ کچھ رجحان ہوتا ہے اس لیے اندازہ کیا جا سکتا ہے کہ اگر کیس اس جج کے پاس لگے گا تو کسے فائدہ ہو سکتا ہے، ہر وکیل یہ چاہتا تھا کہ اس کا کیس فلانے جج کے پاس لگ جائے، یہ بھی ختم ہوگیا، اس کا مطلب یہ نہیں کہ وکیل کا جج کے ساتھ کوئی رابطہ ہے لیکن ان کو پتا کہ اس جج کا رجحان کس طرف ہے تو یہ سسٹم ہم نے ختم کردیا۔

جسٹس قاضی فائز عیسی نے کہا کہ اب بینچز بنانے کا اختیار صرف چیف جسٹس کا نہیں ہے، دوسری چیز جو ختم ہوگئی وہ ماہانہ کاز لسٹ تھی، ایک دم سے کیس لگ جاتا تھا، مجھے اچانک بتایا جاتا تھا کہ کل کیس لگ گیا، اب رجسٹری میں کیس سننے کی سہولت موجود ہے، لیکن اب ماہانہ کاز لسٹ شروع ہوگئی ہے، اب وکیلوں کو پتا ہوتا کہے کہ مقدمہ کب لگے گا، ہم کوشش کریں گے کہ وکیلوں کی سہولت کے لیے ہر دو ہفتے بعد کاز لسٹ جاری کی جائے۔

انہوں نے بتایا کہ کچھ لوگ پراسیکیوشن کی بات زیادہ مانتے ہیں، کچھ شک کی نظر سے دیکھتے ہیں، یہ چیزٰن دنیا کے ہر سسٹم میں موجود ہے، یہ چیزیں آپ تجربے سے سیکھتے ہیں، اگر سوچ سمجھ کے کیسز لگائے جائیں تو شفافیت نہیں ہوگی۔ہر شخص چاہتا ہے کہ اس کا کیس فورا لگ جائے، قطاریں ہوتی ہیں، اگر کوئی فرد قطار میں لگا ہے تو اسے کوئی تکلیف نہیں ہے کہ اس کو نمبر دو سال بعد آئے یا تین سال بعد، اس کو تکلیف ہوتی ہے جب کوئی اچانک سے میرے سامنے آجائے قطار میں، کچھ مخصوص قسم کے کیسز جن کا قانون میں اندراج ہے کہ وہ جلد سنیں جائیں تو ان کو ترجیح جاتی ہے، اس میں بچوں کی سر پرستی کے معاملات وغیرہ شامل ہیں ان میں ہوتا ہے کہ ان کو جلدی لگایا جائے۔

چیف جسٹس قاضی فائز عیسیٰ کا اپنے خطاب میں کہنا تھا کہ اس سلسلے میں پہلے آئیں کا فارمولا استعمال ہوتا ہے، اب ہمیں سپریم کورٹ پروسیجر ایکٹ میں جو تقاضے ہوتے ہیں وہ پورے کرنے ہوتے ہیں، کچھ پرانے صحافی کہتے ہیں کہ چیف جسٹس نے مقدمہ نہیں لگایا تو چیف جسٹس اب مقدمہ نہیں لگا سکتے، اب کمیٹی لگاتی ہے اور شفافیت کے لیے کمیٹی کے فیصلے سپریم کورٹ کی ویب سائٹ پر لگائے جاتے ہیں، ان کو خود پڑھا جاسکتا ہے، تبصرے حقیقت کی بنیاد پر کریں مفروضوں پر نہیں، صحافیوں کی ذمہ داری ہے کہ سچ بولیں، میں جج کی حیثیت سے نہیں کہہ رہا یہ بات۔

انہوں نے کہا کہ پہلے میں نے فل کورٹ میٹنگ کی، فل کورٹ تشکیل دیا گیا، اگلا اقدام میرا کتنے ڈیپیوٹیشنسٹ یہاں بیٹھے تھے سپریم کورٹ میں ان کو میں نے رخصت کیا، ان کا قانون کہتا ہے ڈیپیوٹیشنسٹ تین سال کے لیے آسکتا ہے، اس میں ایک سال کا اضافہ کیا جاسکتا ہے اس سے زیادہ نہیں، ان کت بیٹھے ہونے سے جو منفی نتیجہ نکلتا تھا وہ یہ تھا کہ سپریم کورٹ کے ملازمین کی اپنی ترقی رک جاتی تھی، ان کے بعد 146 ملازمین کو ترقی ملی۔

چیف جسٹس کے مطابق ایک بات جس پر توجہ نہیں دی جاتی وہ یہ ہے کہ آپ اور ہم عوام کے لیے ہیں، عوام چاہتی ہے کہ ہمارے مقدمے جلد سے جلد تعین ہوں اور پیسے فضول خرچ نہ ہوں، یہ فضول خرچی بھی روکی گئی، یہ بات کہتے ہوئے شرمندگی بھی ہوتی ہے لیکن بتایا ضروری ہے کہ چیف جسٹس کے لیے 3000 سی سی کی مرسڈیذ بینز کی ضرورت نہیں میرے حساب سے، بلٹ پروف لینڈ کروزر کو بھی لوٹا دیا گیا اور حکومت سے درخواست کی کہ مناسب پوگا کہ انہیں بیچ کر عوام کے لیے بسیں خریدی جائیں، ہمیں ٹویوٹا چلانے میں کوئی مسئلہ نہیں، یہ بھی کروڑوں کی گاڑیاں ہوتی ہے تو یہ چھوٹی باتیں ہیں اور ہم یہی کرسکتے ہیں۔

ان کا کہنا تھا کہ یہ پیسے عوام کی امانت ہے اور ہمیں دیکھنا ہے کہ ہم پیسے بچا سکتے ہیں یا نہیں، اٹارنی جنرل نے ذکر کیا مختلف عدالتوں کا، اس میں سول کورٹ، ڈسٹرکٹ کورٹ، ہائی کورٹس ہیں پھر ایک اور عدالتیں ہوتی ہیں وفاق کی جن میں کسٹم اپیلیٹ ٹریبونل، نیب کورٹ، سیلز ٹیکس اپیلٹ ٹریبونل، احتساب کورٹ وغیرہ شامل ہیں، صرف کراچی میں 36 ایسی وفاقی عدالتیں ہیں، نہ کوئی ان کی عمارتیں صحیح ہیں نہ ان کا ریکارڈ محفوظ ہیں، ایک دو ان میں سے سرکاری بلدنگز میں ہیں لیکن باقی پرائیوٹ بلڈنگز میں موجود ہیں تو عوام پر ان کے کرائے وغیرہ دینے کا بھی بوجھ ہے۔

انہوں نے بتایا کہ ایک بہت بڑا پروجیکٹ بن رہا تھا کراچی میں جو ہائی کورٹ کے سامنے الیکشن کمیشن ہوتا تھا کراچی کے دل میں وہاں تقریبا 7 ایکڑ تھی زمین، یہ سپریم کورٹ کو دی گئی کہ یہاں رجسٹری بنائی جائے، میں نے سوچا کہ کراچی میں رجسٹری کی کیا ضرورت، اگر بینچ جاتی بھی ہے 2،4 دفعہ تو یہ پروجیکٹ تھا 6 ارب کا، یہ پروجیکٹ بلڈنگ کمیٹی جس کا میں ممبر ہوں تو اس میں فیصلہ ہوا کہ اسے سرکار کو واپس لوٹایا جائے اور اس شرط پر کہ جو 36 عدالتیں ہیں ان کو ایک جگہ منجمد کردیا جائے، اس کا فائدہ یہ ہوا کہ پروجیکٹ کا آغاز تو ہوگیا تھا لیکن بیسمنٹ ہی بنا تھا اور اب اس کے پلان پر کام بھی کرنا ہوگا اور ہم جہاں کراچی میں تھے وہاں ہی کام کریں گے، ہمیں 6 ارب کی زمین کی ضرورت نہیں۔

چیف جسٹس کے مطابق ایک بات جس پر توجہ نہیں دی جاتی وہ یہ ہے کہ آپ اور ہم عوام کے لیے ہیں، عوام چاہتی ہے کہ ہمارے مقدمے جلد سے جلد تعین ہوں اور پیسے فضول خرچ نہ ہوں، یہ فضول خرچی بھی روکی گئی، یہ بات کہتے ہوئے شرمندگی بھی ہوتی ہے لیکن بتانا ضروری ہے کہ چیف جسٹس کے لیے 3000 سی سی کی مرسڈیذ بینز کی ضرورت نہیں میرے حساب سے، بلٹ پروف لینڈ کروزر کو بھی لوٹا دیا گیا اور حکومت سے درخواست کی کہ مناسب پوگا کہ انہیں بیچ کر عوام کے لیے بسیں خریدی جائیں، ہمیں ٹویوٹا چلانے میں کوئی مسئلہ نہیں، یہ بھی کروڑوں کی گاڑیاں ہوتی ہے تو یہ چھوٹی باتیں ہیں اور ہم یہی کرسکتے ہیں۔

ان کا کہنا تھا کہ یہ پیسے عوام کی امانت ہے اور ہمیں دیکھنا ہے کہ ہم پیسے بچا سکتے ہیں یا نہیں، اٹارنی جنرل نے ذکر کیا مختلف عدالتوں کا، اس میں سول کورٹ، ڈسٹرکٹ کورٹ، ہائی کورٹس ہیں پھر ایک اور عدالتیں ہوتی ہیں وفاق کی جن میں کسٹم اپیلیٹ ٹریبونل، نیب کورٹ، سیلز ٹیکس اپیلٹ ٹریبونل، احتساب کورٹ وغیرہ شامل ہیں، صرف کراچی میں 36 ایسی وفاقی عدالتیں ہیں، نہ کوئی ان کی عمارتیں صحیح ہیں نہ ان کا ریکارڈ محفوظ ہیں، ایک دو ان میں سے سرکاری بلڈنگز میں ہیں لیکن باقی پرائیوٹ بلڈنگز میں موجود ہیں تو عوام پر ان کے کرائے وغیرہ دینے کا بھی بوجھ ہے۔

انہوں نے کہا کہ کچھ ملازمین میں خوش ہوتے ہیں کچھ ناراض ہوتے ہیں، مجھ سے پہلے والے سال میں سپریم کورٹ ملازمین کو 3 مزیدگراس تنخواہیں دی گئیں، سپریم کورٹ ملازمین کی تنخواہیں سب سے زیادہ ہیں سرکاری تنخواہوں سے، یہ ایک بڑی رقم تھی، میں نے اسے ایک بیسک سیلری کردی، اس سے جو پیسے بچے ہم نے کمپیوٹر خریدے، موٹر سائیکلز خریدیں رائیڈرز کے لیے، کوسٹرز خریدیں، بسیں خریدیں، الیکٹرک وہیکلز خریدیں، پھر 25 ہزار کا بونس سب کو دیا گیا۔

چیف جسٹس کا کہنا تھا کہ مزید یہ ہوا کہ پارلیمان نے ایک مفید اضافہ ہمارے آئین میں کیا، انہوں نے 19 الف کی شق ڈالی اور اس میں کہا کہ رائٹ ٹو انفارمیشن بنیادی حق ہے شہری کا اور جتنا ہم کھولیں گے خود کو اتنا آپ ہم پر تنقید کرسکتے ہیں، اگر شخص تھے مختار احمد علی نے خط لکھا رجسٹرار سپریم کورٹ کو کہ کہ مجھے تفصیلات بتائی جائیں ملازمین وگیرہ کا، رجسٹرار نے اپیل دائر کی اور اسلام آباد ہائی کورٹ نے فیصلہ کیا کہ استثنیٰ حاصل ہے سپریم کورٹ کو ، سپریم کورٹ 19 اے کے ضمرے میں نہیں آتی، جب کیس ہمارے پاس آیا تو ہم نے کہا کہ اسلام آباد ہائی کورٹ کا فیصلہ درست نہیں، یہ حقوق کا معاملہ ہے اور بنیادی حق کے راستے میں کچھ نہیں آتا، تو ہمیں جو استثنی دی تھی اسے ہٹایا اور جنہوں نے ہم سے تفصیلات مانگی تھیں ہم نے ان کو دیں۔

جسٹس قاضی فائز عیسی کا کہنا تھا کہ تنقید کرنے والے بتادین کہ کیا دنیا میں ایسا فیصلہ کہیں ہوا ہے؟ اگر ہوا ہے تو بتائیں اور اگر نہیں تو سر بلند کر کے بتائیں کہ آپ کی سپریم کورٹ نے بنیادی حقوق کو اہمیت دی، ہم سمجھتے ہیں کہ اہم لوگوں کے بنیادی حقوق ہی اہم ہیں لیکن سب کے بنیادی حقوق اہم ہوتے ہیں، تو یہ ہم نے کر دکھایا، اور کوئی بھی ہمیں خط لکھ سکتا ہے، مفروضوں پر نہ جائیں۔

10:34:AM

September 09, 2024

10:18:AM

September 09, 2024

نیب ترامیم بحال، انٹرا کورٹ اپیلیں منظور، سپریم کورٹ نے 3رکنی بینچ کا فیصلہ کالعدم قرار دیدیا

(امانت گشکوری)سپریم کورٹ نے حکومت کی انٹرا کورٹ اپیل منظور کرتے ہوئے نیب ترامیم بحال کر دیں۔ عدالت نے3رکنی بینچ کا فیصلہ کالعدم قراردیدیا

چیف جسٹس قاضی فائز عیسیٰ کی سربراہی میں سپریم کورٹ کے 5 رکنی بینچ نے نیب ترامیم کیس کا فیصلہ 5 صفر سے سناتے ہوئے نیب ترامیم بحال کر دیں,چیف جسٹس قاضی فائز عیسیٰ کی جانب سے نیب ترامیم کیس کا فیصلہ سناتے ہوئے کہا گیا کہ بانی پی ٹی آئی عمران خان ثابت نہیں کرسکے کہ نیب ترامیم غیر آئینی ہیں۔

جسٹس اطہر من اللہ اور جسٹس حسن اظہر رضوی نے اضافی نوٹ بھی لکھا، جسٹس اطہرمن اللہ نے وفاقی حکومت کی انٹرا کورٹ اپیل مسترد کی، جسٹس اطہر من اللہ نے اکثریتی فیصلے سے اتفاق کیا,فیصلے میں کہا گیا کہ 3رکنی بینچ کا فیصلہ ثابت نہیں کر سکا کہ نیب ترامیم آئین سے متصادم تھیں،حکومت اور متاثرہ فریقین کی جانب سے 2،2انٹراکورٹ اپیلیں دائر کی گئی تھیں،زوہیر احمد اور زاہد عمران نے متاثرہ فریق کے طور پر انٹراکورٹ اپیلیں دائر کی تھیں۔

چیف جسٹس کی سربراہی میں 5رکنی لارجر بینچ نے 6 جون کو فیصلہ محفوظ کیا تھا، جسٹس امین الدین، جسٹس جمال مندوخیل، جسٹس اطہر من اللہ اور جسٹس حسن اظہر رضوی بینچ کا حصہ تھے۔

واضح رہے کہ پی ڈی ایم کے دور حکومت میں نیب ترامیم منظور کی گئی تھیں۔ نیب قوانین کے سیکشن 2، 4، 5، 6، 14, 15, 21, 23، 25 اور 26 میں ترامیم کی گئی تھیں۔نیب ترامیم کے خلاف بانی پی ٹی آئی عمران خان نے سپریم کورٹ میں درخواست دائر کی تھی۔ سابق چیف جسٹس عمر عطا بندیال کی سربراہی میں 3 رکنی بینچ نے 5 ستمبر 2023 کو کیس کا فیصلہ محفوظ کیا تھا۔

سپریم کورٹ نے 15 ستمبر 2023 کو بانی پی ٹی آئی کی درخواست منظور کرتے ہوئے نیب ترامیم کالعدم قرار دے دی تھیں۔ سپریم کورٹ نے نیب ترامیم کی 10 میں سے 9 ترامیم کالعدم قرار دی تھیں۔

عدالت عظمیٰ کے فیصلے پر وفاقی اور صوبائی حکومتوں نے سپریم کورٹ میں انٹراکورٹ اپیلیں دائر کی تھیں۔

روسی صدر ، جوبائیڈن کے حواس پر سوار ، یوکرین کے صدر کو ’پیوٹن‘پکار گئے

(24 نیوز)روسی صدر پیوٹن امریکی صدر جوبائیڈن کے حواس پر سوار ،نیٹو کی تقریب میں یوکرین کے صدر کو ’پیوٹن‘پکار گئے۔

امریکی صدر جو بائیڈن کی ایک ویڈیو وائرل ہے جس میں وہ دوران تقریر یوکرین کے صدر کا نام غلط پکار گئے۔فوجی اتحاد نیٹو کی ایک تقریب میں گفتگو کرتے ہوئے امریکی صدر نے کہا کہ میں یوکرین کے صدر کا بختہ ارادے کو سراہتا ہوں ،خواتین و حضرات مسٹر پریذیڈنٹ پیوٹن ‘۔یاد آنے پر ڈائس کی طرف واپس مڑے اور کہا کہ وہ صدر پیوٹن کو شکست دینے والے ہیں ،ان کا نام صدر زیلنسکی ہے۔

View this post on Instagram

A post shared by TRT World (@trtworld)

امریکی صدر جوبائیڈن کو اپنے ملک کی خدمت کے لیے فٹنس مسائل کا سامنا ہے۔

یاد رہے کہ امریکا، برطانیہ، فرانس اور کینیڈا سمیت 32 ممالک کے فوجی اتحاد نارتھ اٹلانٹک ٹریٹی آرگنائزیشن (نیٹو) نے روس کے خلاف جنگ لڑنے والے ملک یوکرین کو اپنے دفاع کے لیے 43 ارب ڈالر کی فوجی امداد کا اعلان کیا ہے۔

امریکا کے صدر جو بائیڈن کی زیر صدارت واشنگٹن میں ہونے والے نیٹو کے اجلاس میں یوکرین کو مغربی فوجی اتحاد میں رکنیت کے لیے باضابطہ طور پر ایک "ناقابل واپسی راستے" پر گامزن کرنے کا اعلان بھی کیا۔

16:44:PM

July 07, 2024

16:03:PM

July 07, 2024

سپریم کورٹ کے فیصلے کے بعد پارٹی پوزیشن تبدیل،حکمران اتحاد کی دوتہائی اکثریت چھن گئی

(عثمان خان)مخصوص نشستوں سے متعلق فیصلے کے بعد قومی اسمبلی میں پارٹی پوزیشن تبدیل ،پاکستان تحریک انصاف کے ارکان کی تعداد 84 سے بڑھ کر 106تک پہنچ جائے گی ،اپوزیشن اتحاد کی تعداد 125 تک پہنچ جائے گی ،جبکہ اپوزیشن اتحاد میں پی ٹی آئی کے ساتھ پختونخوا میپ، ایم ڈبلیو ایم شامل ہیں ۔جے یو آئی، بی این پی بھی اپوزیشن اتحادکا حصہ ہیں۔

سپریم کورٹ کے فیصلے سے وفاق میں حکمران اتحاد کی دو تہائی اکثریت برقرار نہیں رہ سکے گی ۔سپریم کورٹ کے فیصلے کے بعد حکومت کے پاس تاحال 210 ارکان ہیں ۔اپوزیشن بینچوں کی تعداد دو درجن کے قریب بڑھ جائے گی ،اپوزیشن اتحاد میں ایک مرتبہ پاکستان تحریک انصاف بطور پارٹی شامل ہوجائے گی ۔ذرائع کے مطابق وفاقی حکومت کو مستقبل میں قانون سازی خصوصاََ آئینی ترمیم میں بڑی رکاوٹ کھڑی ہوگی۔

پارلیمانی ذرائع کا کہنا ہے آئینی ترمیم کیلئے حکمران اتحاد کیلئے دو تہائی اکثریت لازم درکار تھی،شہباز حکومت کو مستقبل میں قومی اسمبلی میں ایوان چلانا بھی مشکل ہوگا،حکمران اتحاد میں مسلم لیگ نون 108، پیپلز پارٹی 68، متحدہ قومی موومنٹ پاکستان 22، مسلم لیگ ق 5، آئی پی پی کی 4 نشستیں ہیں۔قومی اسمبلی میں بلوچستان عوامی پارٹی، مسلم لیگ ضیا اور نیشنل پارٹی کا ایک ایک رکن ہے۔

ضرورپڑھیں:پی ٹی آئی مخصوص نشستوں کیلئے اہل قرار ،مخصوص نشستوں سے متعلق سپریم کورٹ نےفیصلہ سنادیا

اپوزیشن اتحاد میں سنی اتحاد کونسل کے 84، تحریک انصاف کے حمایت یافتہ آزاد 8، جے یو آئی کے 8 ارکان ہیں، بی این پی ایک، ایم ڈبلیو ایم ایک پختون خواہ ملی عوامی پارٹی کا ایک رکن ہے،اس وقت 22 مخصوص نشستوں پر رکنیت معطل ہے ۔

یاد رہے کہ سپریم کورٹ کی طرف سے پشاور ہائیکورٹ کا فیصلہ کالعدم قرار دیا گیا ہے،عدالت عظمیٰ کے فیصلے میں پی ٹی آئی کو بطور پارلیمانی پارٹی تسلیم کیا گیا ہے۔

سنی اتحاد کونسل کی مخصوص نشستوں کا معاملہ ،کیس میں کب کیا ہوا؟

(24 نیوز)سنی اتحاد کونسل نے مخصوص نشستوں کے حصول کیلئے 21 فروری کو الیکشن کمیشن میں درخواست دائر کی،28 فروری کو الیکشن کمیشن نے سنی اتحاد کونسل کی مخصوص نشستوں سے متعلق کیس پر فیصلہ محفوظ کیا،4 مارچ کو الیکشن کمیشن نے سنی اتحاد کونسل کی مخصوص نشستوں کی درخواست پر 1-4 کے تناسب سے فیصلہ سنایا۔

ضرورپڑھیں:سپریم کورٹ ، سنی اتحاد کونسل کی مخصوص نشستوں سے متعلق فیصلہ آج سنایا جائے گا
6 مئی کو جسٹس منصور علی شاہ کی سربراہی میں تین رکنی بینچ نے پشاور ہائیکورٹ اور الیکشن کمیشن کا فیصلہ معطل کر دیا،تین رکنی بینچ نے آئینی معاملہ ہونے کے باعث لارجر بینچ کی تشکیل کیلئے معاملہ ججز کمیٹی کو بھیج دیا۔
31 مئی کو سنی اتحاد کونسل کی مخصوص نشستوں کے کیس کی سماعت کیلئے فل کورٹ تشکیل دیا گیا،فل کورٹ نے 3 جون کو سنی اتحاد کونسل کی مخصوص نشستوں سے متعلق کیس کی پہلی سماعت کی
چیف جسٹس قاضی فائز عیسی کی سربراہی میں فل کورٹ نے 9 سماعتوں کے بعد 9 جولائی کو فیصلہ محفوظ کیا تھا۔

12:02:PM

July 07, 2024

10:08:AM

July 07, 2024

پی ٹی آئی مخصوص نشستوں کیلئے اہل قرار ،سپریم کورٹ نے5-8 سے فیصلہ سنادیا

( امانت گشکوری،فرزانہ صدیق )پی ٹی آئی مخصوص نشستوں کیلئے اہل قرار، سپریم کورٹ نے 5-8 کے تناسب سے فیصلہ سنادیا، سپریم کورٹ نے پشاور ہائیکورٹ کا فیصلہ کالعدم قرار دیدیا،الیکشن کمیشن کا فیصلہ بھی کالعدم قرار، مخصوص نشستوں کانوٹیفکیشن کینسل کردیا، سپریم کورٹ نے فیصلے میں کہا ہے کہ انتخابی نشان واپس لینا سیاسی جماعت کو انتخابات سے باہر نہیں کرسکتا،الیکشن کمیشن نے سپریم کورٹ کے فیصلے کی غلط تشریح کی،پی ٹی آئی ایک سیاسی جماعت تھی اور ہے،عدالت کا پی ٹی آئی کو 15 روز میں لسٹیں جمع کرانے کا حکم دیدیا۔

جمعہ کے روز سنی اتحاد کونسل کی مخصوص نشستوں کے متعلق کیس کی سماعت شروع ہوئی تو چیف جسٹس قاضی فائز عیسیٰ نے جسٹس منصور علی شاہ کو فیصلہ پڑھنے کی ہدایت کی ، جسٹس منصور علی شاہ نے فیصلہ سناتے ہوئے کہا کہ یہ اکثریتی فیصلہ ہے،سپریم کورٹ نے پشاور ہائیکورٹ کا فیصلہ کالعدم قراردیا، الیکشن کمیشن کا فیصلہ بھی کالعدم قرار دے دیا گیا،الیکشن کمیشن کا مخصوص نشستوں سے متعلق نوٹیفکیشن بھی کالعدم قرار دے دیا گیا،سپریم کورٹ نے فیصلے میں کہا ہے کہ انتخابی نشان واپس لینا سیاسی جماعت کو انتخابات سے باہر نہیں کر سکتا، الیکشن کمیشن نے سپریم کورٹ کے فیصلے کی غلط تشریح کی۔

فیصلے میں کہا گیا ہے کہ پی ٹی آئی ایک سیاسی جماعت تھی اور ہے،80 آزاد ارکان میں سے 41 تحریک انصاف کے تھے،عدالت کا پی ٹی آئی کو 15 روز میں لسٹیں جمع کرانے کا حکم دیدیا ہے۔عدالت نے حکم دیا ہے کہ پی ٹی آئی میں شامل ہونے کے بعد آزاد ارکان کے حساب سے مخصوص نشستیں دی جائیں۔

سنی اتحاد کونسل نے انتخابات میں حصہ نہیں لیا،مخصوص نشستوں کیلئے اہل نہیں:جسٹس یحیی آفریدی

جسٹس یحیی آفریدی نے الگ سے مختصر فیصلہ تحریر کیا، جسٹس یحیی آفریدی نے فیصلے میں لکھا کہ سنی اتحاد کونسل نے انتخابات میں حصہ نہیں لیا،مخصوص نشستوں کیلئے اہل نہیں،مخصوص نشستیں سنی اتحاد کونسل کے بجائے پی ٹی آئی کو دی جائیں،دیگر جماعتوں میں شامل ہونے والوں نے ووٹرز کو دھوکہ دیا،سنی اتحاد کونسل کی مخصوص نشستوں سے متعلق اپیلیں مسترد کی جاتی ہیں۔

جسٹس امین الدین خان اور جسٹس نعیم اختر افغان نے پشاور ہائیکورٹ کا فیصلہ برقرار رکھا، جسٹس امین الدین اور جسٹس نعیم اختر افغان نے سنی اتحاد کونسل کی اپیلیں مسترد کر دیں، چیف جسٹس نے ریمارکس دئیےکہ میں نے اور جسٹس جمال مندوخیل نے ایک جیسا فیصلہ دیا ،چیف جسٹس اور جسٹس جمال مندوخیل نے الیکشن کمیشن کا فیصلہ برقرار رکھا، سپریم کورٹ کے چار ججز نے پشاور ہائیکورٹ کا فیصلہ برقرار رکھا۔چیف جسٹس اور جسٹس جمال مندوخیل نے فیصلہ دیا کہ سنی اتحاد کونسل کے امیدواروں کی مخصوص نشستیں خالی تصور ہوں گی ۔

یاد رہے کہ گزشتہ روز سپریم کورٹ کی جانب سے سنی اتحاد کونسل کی مخصوص نشستوں سے متعلق کیس کی کاز لسٹ جاری کی گئی تھی جس میں بتایا گیا تھا کہ کیس کا فیصلہ 12 جولائی کی صبح 9 بجے سنایا جائے گا تاہم بعد میں فیصلہ سنانے کا وقت تبدیل کر کے دوپہر 12 بجے رکھ دیا گیا تھا۔

چیف جسٹس پاکستان قاضی فائز عیسیٰ کی سربراہی میں 13 رکنی بینچ نے سنی اتحاد کونسل کی مخصوص نشستوں سے متعلق درخواست پر 3 روز قبل فیصلہ محفوظ کیا تھا۔سپریم کورٹ کے باہرسکیورٹی ہائی الرٹ کردی گئی ،پولیس کی اضافی نفری تعینات کر دی گئی ، سپریم کورٹ کے باہر قیدیوں کی وین بھی منگوا لی گئی ۔

کیس میں کب کیا ہوا؟
سنی اتحاد کونسل نے مخصوص نشستوں کے حصول کیلئے 21 فروری کو الیکشن کمیشن میں درخواست دائر کی،28 فروری کو الیکشن کمیشن نے سنی اتحاد کونسل کی مخصوص نشستوں سے متعلق کیس پر فیصلہ محفوظ کیا،4 مارچ کو الیکشن کمیشن نے سنی اتحاد کونسل کی مخصوص نشستوں کی درخواست پر 1-4 کے تناسب سے فیصلہ سنایا۔

6 مارچ کو سنی اتحاد کونسل نے مخصوص نشستوں کیلئے پشاور ہائیکورٹ سے رجوع کیا،14 مارچ کو پشاور ہائیکورٹ نے سنی اتحاد کونسل کی مخصوص نشستوں کیلئے دائر درخواستیں خارج کر دیں،پشاور ہائیکورٹ کے 5 رکنی لارجر بنچ نےمتفقہ طور پر سنی اتحاد کونسل کی مخصوص نشستیں نہ ملنے کے خلاف درخواست کو مسترد کیا،2 اپریل کو مخصوص نشتوں کیلئے سنی اتحاد کونسل نے سپریم کورٹ میں درخواست دائر کی۔
6 مئی کو جسٹس منصور علی شاہ کی سربراہی میں تین رکنی بینچ نے پشاور ہائیکورٹ اور الیکشن کمیشن کا فیصلہ معطل کر دیا،تین رکنی بینچ نے آئینی معاملہ ہونے کے باعث لارجر بینچ کی تشکیل کیلئے معاملہ ججز کمیٹی کو بھیج دیا۔
31 مئی کو سنی اتحاد کونسل کی مخصوص نشستوں کے کیس کی سماعت کیلئے فل کورٹ تشکیل دیا گیا،فل کورٹ نے 3 جون کو سنی اتحاد کونسل کی مخصوص نشستوں سے متعلق کیس کی پہلی سماعت کی
چیف جسٹس قاضی فائز عیسی کی سربراہی میں فل کورٹ نے 9 سماعتوں کے بعد 9 جولائی کو فیصلہ محفوظ کیا تھا۔

آبادی کے مسائل کے بارے میں بیداری کو فروغ دیں، ثمن رائے کا پیغام

(ویب ڈیسک)آبادی کے عالمی دن کے موقع پر ڈائریکٹر جنرل بہبود آبادی پنجاب ثمن رائے نے کہا ہے کہ 11 جولائی 2024 عالمی یوم آبادی کے طور پر منایا جا رہا ہے۔

محکمہ بہبود آبادی سالوں سے اس کوشش میں ہے کہ لوگوں کو معیاری صحت اور اس سے متعلق تمام سہولیات سے مستفید کیا جا سکے۔ان کا کہنا تھا کہ ’’ہمارا جتنا بھی سٹاف ہے،میڈیکل یا نان میڈیکل، آج ان کی خدمات کا اعتراف کرنا بہت ضروری ہے،ہمارا پورا سٹاف پوری تندہی سے خدمات انجام دے رہا ہے‘‘۔

آبادی کے اس عالمی دن پرہم سب کو عہد کرنا ہو گا کہ آبادی کے مسائل کے بارے میں بیداری کو فروغ دیں۔ خاندانی منصوبہ بندی اور تولیدی صحت کی خدمات کو سپورٹ کریں۔ خواتین اور لڑکیوں کو باخبر انتخاب کرنے کا اختیار دیں۔ غربت، عدم مساوات، اور سماجی ناانصافی کو دور کریں۔اپنے ماحول اور قدرتی وسائل کی حفاظت کریں۔ہم سب مل کرباہمی رضا مندی سے سب کے لیے ایک پائیدار مستقبل بنا سکتے ہیں۔

امید ہے آئندہ سالوں میں ان خدمات کی بدولت آبادی کی شرح کو کنٹرول کرنے میں بہت مدد ملے گی،متوازن خاندان ہو گا تو خوشحال پاکستان ہو گا۔

17:07:PM

July 07, 2024

12:18:PM

June 06, 2024

پنجاب کے اسکولوں میں ہفتہ کے دن کی چھٹی کا اعلان

(جنید ریاض)پنجاب کے اسکولوں میں ہفتہ کے دن کی چھٹی کا اعلان کر دیا گیا۔

وزیر تعلیم پنجاب رانا سکندر کا کہنا تھا کہ ٹیچرز کی آسانی کے لیے ہفتہ کے دن کو ہفتہ وار چھٹی قرار دے رہے ہیں۔

رانا سکندر نے کہا کہ اساتذہ تعلیم کی خدمت کر رہے ہیں،ان کا خیال رکھنا ہماری ذمہ داری ہے، اساتذہ پرورک لوڈ زیادہ ہونے پر ہفتہ کے دن کی چھٹی کا فیصلہ کیا جا رہا ہے۔

وزیرتعلیم پنجاب کا کہنا تھا کہ اسکولوں میں پیر سےجمعہ تک تدریسی اوقات کار بڑھائے جائیں گے۔

ضرورپڑھیں:تاریخ رقم، بنگلہ دیش کو شکست دیکر افغانستان پہلی بار سیمی فائنل کھیلے گا

دوسری جانب پبلک سکولوں کیساتھ پرائیویٹ سکولزمیں بھی کھیلوں کےمقابلےمنعقدکرائےجائینگے،محکمہ تعلیم نےکھیلوں کےانعقادکیلئےپرائیویٹ سکولوں سےپلےگراؤنڈ کاریکارڈمانگ لیا۔
محکمہ تعلیم کا کہنا ہے کہ کھیلوں کےانعقادکیلئےپلےگراؤنڈکی تصاویربھجوائی جائیں،سرکاری و پرائیویٹ سکولوں کے درمیان ضلعی و صوبائی سطح پرکھیلوں کےمقابلےکروائےجائینگے،اسکولوں کے مابین کھیلوں کا انعقاد اگست میں کیا جائے گا۔

ن لیگ چھوڑنے والے محمد زبیر نے ’یوٹرن‘لے لیا

(ویب ڈیسک)سابق گورنر اور مسلم لیگ ن کے رہنماء محمد زبیر نے پی ٹی آئی میں شامل ہونے سے پہلے’یوٹرن‘لے لیا ،کہتے ہیں کہ اُن کے پاس نواز شریف اور اُس وقت کے آرمی چیف جنرل قمر جاوید باجوہ کے درمیان 2022ء کے اوائل میں ہونے والی ملاقات کے بارے میں کوئی مستند معلومات نہیں ہیں۔

انگریزی اخبار سے بات کرتے ہوئے محمد زبیر نے کہا کہ ایک ٹی وی ٹاک شو میں انہوں نے جو کہا وہ قیاس آرائی پر مبنی تھا اور یہ بات کوئی ایسی حقیقت نہیں جسے وہ حلفیہ بیان کر سکیں۔اُن دنوں کیا قیاس آرائیاں ہو رہی تھیں، انہوں نے ٹاک شو میں یہ بھی کہا تھا کہ وہ نواز باجوہ ملاقات کے حوالے سے تصدیق نہیں کرسکتے تاہم محمد زبیر نے اصرار کیا کہ عمران خان کی حکومت کو اپریل 2022 میں اس وقت کی ملٹری اسٹیبلشمنٹ کی حمایت سے ختم کیا گیا تھا۔

ضرور پڑھیں:مخصوص نشستوں سے متعلق کیس کی سماعت ،پی ٹی آئی نے دوسری جماعت میں شمولیت اختیار کر کے خودکشی کیوں کی؟چیف جسٹس

محمد زبیر کا ایک ٹی وی ٹاک شو میں تازہ ترین بیان پی ٹی آئی والوں نے نمایاں کرکے پیش کیا اور اس کے سوشل میڈیا نے ان کے موقف کی تائید کی تاہم ن لیگ نے محمد زبیر کے بیان کی تردید کرتے ہوئے کہا کہ 2017 میں نواز شریف کی حکومت کے خاتمے کے بعد نواز اور باجوہ کی کبھی ملاقات نہیں ہوئی۔

10:08:AM

June 06, 2024

09:37:AM

June 06, 2024

بڑی عدالت،بڑا کیس،بڑا فیصلہ،قاضی کی عدالت میں کیا ہوگا؟

(24 نیوز)مخصوص نشستیں جو تحریک انصاف کیلئے انتہائی اہمیت کی حامل ہیں کیونکہ اگر تحریک انصاف اِن نشستوں کو حاصل کرلیتی ہے تو پھر حکومتی اتحاد اپنی دو تہائی اکثریت کھو دے گا۔کل سپریم کورٹ میں سنی اتحاد کونسل کی مخصوص نشستوں سے متعلق کیس کی سماعت چیف جسٹس قاضی فائز عیسیٰ کی سربراہی میں فل کورٹ کررہا ہے جبکہ سنی اتحاد کونسل کے وکیل فیصل صدیقی نے دلائل دیے۔دوران سماعت وکیل فیصل صدیقی نے کہا کہ سب سے کچھ عدالتی فیصلوں کا حوالہ دینا چاہتا ہوں، عدالتی فیصلوں میں آئینی تشریح کیلئے نیچرل حدود سے مطابقت پرزوردیا گیا۔

پروگرام ’10 تک ‘کے میزبان نے کہا ہے کہ وکیل نے دلائل دیتے ہوئے کہا کہ آزاد امیدوارکسی بھی سیاسی جماعت میں شامل ہوسکتے ہیں، الیکشن کمیشن نے سیاسی جماعت کی غلط تشریح کی، الیکشن کمیشن نے مخصوص نشستوں سے متعلق آئین کونظراندازکیا۔جس پر چیف جسٹس نے ریمارکس دیے کہ الیکشن کمیشن کا فیصلہ غلط ہے توآئین کی درست وضاحت کردیں، الیکشن کمیشن کوچھوڑدیں اپنی بات کریں، آئین وقانون کے مطابق بتائیں کہ سنی اتحاد کونسل کوکیسے مخصوص نشستیں مل سکتی ہیں۔ہم آئین و قانون کے مطابق بات سنیں گے،چیف جسٹس نے فیصل صدیقی سے مکالمہ کرتے ہوئے کہا کہ آپ سنی اتحاد کونسل کے وکیل ہیں، پی ٹی آئی کے نہیں،آپ کے پی ٹی آئی کے حق میں دلائل مفاد کے ٹکراؤمیں آتا ہے۔

وکیل فیصل صدیقی نے دلائل دیتے ہوئے کہا کہ کہیں نہیں لکھا کہ عام انتخابات سے قبل کوئی لسٹ دی جائے،مخصوص نشستوں کیلئے ترمیم شدہ شیڈول بھی دیا جاسکتا ہے،آزاد امیدوار کسی جماعت میں شامل ہوتے ہیں تو ان کی فہرست بعد میں دی جاسکتی ہے۔چیف جسٹس نے ریمارکس دیے کہ آپ کے مفروضے کو مان لیں تو ایک نیا نظام آجائے گا،پی ٹی آئی نے خود اپنا قتل کیا ہے۔اگرپی ٹی آئی سیاسی جماعت ہے توآزاد امیدوارپی ٹی آئی سے الگ کیوں ہوئے،پی ٹی آئی کے امیدواروں نے آزاد ہوکر کیا خودکشی کی ہے۔آج اس کیس کی پھر سماعت ہوگی ۔دیکھئے یہ ویڈیو

جنہوں نے پریس کانفرنسز نہیں کیں، انھیں اٹھا لیا گیا:جسٹس اطہر من اللہ

(24 نیوز)سپریم کورٹ کے جج جسٹس اطہر من اللہ نے کہا ہے کہ جو کچھ 2018 میں ہوا وہی ابھی ہوا، جنہوں نے پریس کانفرنسز نہیں کیں، انھیں اٹھا لیا گیا، یہ باتیں سب کے علم میں ہیں۔

سپریم کورٹ میں چیف جسٹس قاضی فائز عیسیٰ کی سربراہی سنی اتحاد کونسل کو مخصوص نشستوں کے کیس میں جسٹس اطہر من اللہ نے ریمارکس دیتے ہوئے کہا الیکشن پر سوالات اٹھائے گئے، جو کچھ 2018 میں ہوا وہی ابھی ہوا، جنہوں نے پریس کانفرنسز نہیں کیں، انھیں اٹھا لیا گیا، یہ باتیں سب کے علم میں ہیں، کیا سپریم کورٹ اس پر اپنی آنکھیں بند کر لے؟ اس پر وکیل سنی اتحاد کونلس فیصل صدیقی نے کہا کہ میں آپ کی باتوں سے مکمل متفق ہوں۔

اس پر جسٹس اطہرمن اللہ نے کہا کہ لیول پلیئنگ فلیڈ نہ ملنے کا کہا گیا، جسٹس جمال مندوخیل نے ریمارکس دیے کہ جس کو لیول پلئینگ فیلڈ نہیں ملی وہ ہمارے سامنے آئے ہی نہیں۔

چیف جسٹس نے کہا کہ جب ضرورت ہوتی ہے ہمارے پاس آتے ہیں، وہ وقت بھی یاد رکھیں جب الیکشن کے انتخابات کی تاریخ ہم نے دی تھی، الیکشن کس نے کروائے؟ الیکشن رکوانے کی کوشش پی ٹی آئی نے کی، صدر مملکت اس وقت کون تھے؟ عارف علوی تھے۔

اپنی بات جاری رکھتے ہوئے جسٹس قاضی فائز عیسی کا کہنا تھا کہ کیا پی ٹی آئی کو ہم نے کہا انٹرا پارٹی الیکشن نہ کروائیں، منت، سماجت کی گئی الیکشن کمیشن کی جانب سے کہ پی ٹی آئی انٹرا پارٹی الیکشن کروائے، اس وقت وزیراعظم عمران خان تھے، عمران خان بطور وزیراعظم بھی الیکشن کمیشن پر اثرانداز ہو رہے تھے، سال بھر کی تاریخ دی گئی الیکشن کروانے کے لیے، یا تو پھر قانون کو ردی کی ٹوکری میں پھینک دیں، جب ہم ووٹر کی بات کر رہے ہیں تو ساڑھے آٹھ لاکھ پی ٹی آئی کے ممبران کا حق کدھر گیا؟ یہاں آدھی بات نہ کریں۔

ضرورپڑھیں:مجبوریوں پر جائیں تو ملک نہیں چلے گا،چیف جسٹس

اس پر وکیل فیصل صدیقی نے دلائل دیے کہ کہیں نہیں لکھا کہ عام انتخابات سے قبل کوئی لسٹ دی جائے، مخصوص نشستوں کے لیے ترمیم شدہ شیڈیول بھی دیا جاسکتا ہے، آزاد امیدوار کسی جماعت میں شامل ہوتے ہیں تو ان کی فہرست بعد میں دی جاسکتی ہے۔

کیس کی مکمل سماعت یہاں پڑھئے

16:28:PM

June 06, 2024

14:33:PM

June 06, 2024

کوئی بندہ ایک جماعت خرید کر آزاد امیدوار شامل کر لے تو ووٹرز کا کیا ہوگا؟ چیف جسٹس کا سوال

(امانت گشکوری) چیف جسٹس کا سلمان اکرم راجہ سے مکالمہ کرتے ہوئے کہنا تھا کہ کسی نے پی ٹی آئی امیدواروں کو غلط مشورہ دیا، مشورہ دینے والے پر کیس کریں،مجبوریوں پر جائیں تو ملک نہیں چلے گا۔جسٹس منصور علی شاہ نے کہا کہ اگر سنی اتحاد کونسل کو بھی سیاسی جماعت مان لیا جائے تو کیا حرج ہے،سیاسی جماعتوں کی تو حوصلہ افزائی ہونی چاہیے،آزاد امیدوار اگر ایسی جماعت میں شامل ہوں جو انتحابات نہ لڑی ہو تو کیا ہوجائے گا۔چیف جسٹس قاضی فائز عیسی ٰ بولے کہ اس طرح تو پیسے والے لوگ سیاسی جماعتیں خرید سکتے ہیں،کوئی بندہ ایک جماعت خرید کر آزاد امیدوار شامل کر لے تو ووٹرز کا کیا ہوگا۔

چیف جسٹس نے استفسار کیا کہ اس سب کے درمیان پی ٹی آئی کہاں ہے؟وکیل سلمان اکرم راجہ بولے کہ کنول شوزب پی ٹی آئی سے ہی ہیں،جسٹس محمد علی مظہر بولے کہ آپ نے کیس تو سنی اتحاد کونسل کا بنایا ہے، چیف جسٹس نے سلمان اکرم راجہ سے مکالمہ کیا کہ آپ فیصل صدیقی کا کیس تباہ کر رہے ، جسٹس اطہر من اللہ نے ریمارکس دئیے کہ راجہ صاحب آپ اس عدالت کے سامنے ہیں جو بنیادی حقوق کی محافظ ہے،اس عدالت کے سامنے 8 فروری کے الیکشن سے متعلق بھی کیس زیر التوا ہے،ہر غیر متعلقہ کیس پر از خود نوٹس لیا جاتا رہا مگر یہ تو پرفیکٹ کیس تھا۔

جسٹس منصور علی شاہ نے ریمارکیس دئیے کہ میں جسٹس اطہر من اللہ سے وسیع تناظر میں متفق ہوں، مگر میری رائے میں پی ٹی آئی کو ہمارے سامنے آنا چاہیے تھا، پی ٹی آئی کو آکر کہنا چاہئے تھا یہ ہماری نشستیں ہیں، جسٹس اطہر من اللہ بولے کہ کیا ایسے حالات تھے کہ پی ٹی آئی امیدواروں کو سنی اتحاد میں جانا پڑا؟کیا پی ٹی آئی کو پارٹی نہ ماننے کے فیصلے کیخلاف درخواست اسی کیس کے ساتھ نہیں سنی جانی چاہیے؟
سلمان اکرم راجہ نے دلائل دیتے ہوئے کہا ہے کہ لاہور ہائیکورٹ میں خود کو پی ٹی آئی امیدوار قرار دینے کیلئے رجوع کیا،ہائیکورٹ نے کہا انتخابات قریب ہیں مداخلت نہیں کر سکتے،الیکشن کمشین نے 2 فروری کا حکم 7 فروری کو جاری کیا،سپریم کورٹ نے ہماری اپیل واپس کر دی،یہ اہم ترین معاملہ تھا لیکن آپ نے اپیل دائر نہیں کی، چیمبر اپیل دائر نہ کرنے سے اہم ترین معاملہ غیرموثر ہوگیا۔
چیف جسٹس نے ریمارکس دئیے کہ آپ نے اپیل کی واپسی تسلیم کر لی تو بات ختم،اگر رجسٹرار آفس کے کسی اقدام پر اعتراض تھا تو چیلنج کر دیتے،رجسٹرار آفس اور سپریم کورٹ میں فرق ہوتا ہے،جسٹس عائشہ ملک بولیں کہ رجسٹرار آفس کا کیا اعتراض تھا؟سلمان اکرم راجہ نے جواب دیا کہ رجسٹرار آفس کے اعتراضات دور کر دیئے تھے، رجسٹرار آفس نے کہا انتخابی عمل نشان الاٹ کرنے سے آگے بڑھ چکا ہے۔
جسٹس جمال مندوخیل نے سوال اٹھایا کہ کیا چیمبر اپیل دائر کرنے کا وقت گزر چکا ہے؟ جسٹس اطہر من اللہ نے استفسار کیا کہ تکنیکی معاملات میں جانے کے بجائے عدالت 184/3 کا اختیار کیوں نہیں استعمال کر سکتی؟عدالت خود کو اپیلوں تک کیوں محدود کر رہی ہے،آرٹیکل 184/3 کا نوٹس لینے میں کیا امر مانع ہے؟جسٹس یحیی آفریدی بولے کہ سنی اتحاد کونسل اگر بیان دے کہ کنول شوزب انکی امیدوار ہونگی تو درخواست سن سکتے ہیں،جسٹس اطہر من اللہ نے ریمارکس دئیے کہ یہ بتائیں 86 امیدوار ایک فرد والی جماعت میں کیوں شامل ہوئے،کیا وجہ تھی کہ پی ٹی آئی کے امیدوار دوسری جماعت میں گئے۔
چیف جسٹس کا سلمان اکرم راجہ سے مکالمہ کرتے ہوئے کہنا تھا کہ مجبوری ہو تو کیا آئین و قانون کو نہیں مانا جاتا،کیا مجبوری میں تمام قوانین و اصول توڑ دیئے جاتے ہیں،سلمان اکرم راجہ نے جواب دیا کہ ہمیں بتایا گیا کہ انتخابی نشان واپس ہوگیا تو مخصوص نشستیں نہیں ملیں گی،پی ٹی آئی امیدواروں نے مجبوری میں سنی اتحاد کونسل میں شمولیت اختیار کی،وکلا نے یہ فیصلہ کیا کہ سنی اتحاد کونسل میں شمولیت میں کوئی حرج نہیں،میری رائے میں کسی آئینی تشریح کی ضرورت نہیں،آئین کسی بھی سیاسی جماعت میں شمولیت کا کہتا ہے پارلیمانی پارٹی میں نہیں۔

ضرورپڑھیں:’پی ٹی آئی نے انٹرا پارٹی انتخابات کیوں نہ کرائے‘
جسٹس منیب اختر بولے کہ پارلیمانی پارٹی تو اس وقت ابھی موجود نہیں ہوتی اس لیے ایسا ہے،وکیل سلمان اکرم راجہ نے کہا کہ الیکشن ایکٹ کے مطابق سیاسی جماعت وہ ہے جو رجسٹرڈ ہو، سیاسی جماعت کیلئے الیکشن میں حصہ لینا لازمی نہیں، جسٹس جمال مندوخیل بولے کہ الیکشن میں حصہ لیے بغیر کوئی جماعت سیاسی کیسے ہوگی،جسٹس منصور علی شاہ نے کہا کہ سلمان راجہ صاحب آپ کا دل پی ٹی آئی میں ہے بحث سنی اتحاد کونسل کی کر رہے ، یہ تضاد ہمیں نظر آرہا ہے،سلمان اکرم راجہ نے کہا کہ کہا جا رہا تھا پی ٹی آئی کالعدم ہو جائے گی، چیف جسٹس نے ریمارکس دئیے کہ پی ٹی آئی میں کوئی وکیل نہ ہوتا پہلا الیکشن لڑ رہی ہوتی تو ہم یہ مفروضے سنتے،مجبوریوں پر جائیں تو ملک نہیں چلے گا،کل کوئی کہے گا مجبوری ہے ٹریفک سگنل پر رک نہیں سکتا،کسی نے پی ٹی آئی امیدواروں کو غلط مشورہ دیا۔سلمان اکرم راجہ بولے کہ ایسا ہو سکتا ہے مگر یہ سب کا فیصلہ تھا،چیف جسٹس کا سلمان اکرم راجہ سے مکالمہ کرتے ہوئے کہنا تھا کہ مشورہ دینے والے پر کیس کریں،آئین پاکستان کے لوگوں کیلئے بنایا گیا ہے،آئین کو سمجھنے کیلئے کسی وکیل کی ضرورت نہیں،آئین کی اہمیت ہے 4 ججز بٹھا کر آئین کو بدلا نہیں جاسکتا۔

جسٹس اطہر من اللہ نے ریمارکس دئیے کہ یہاں عوام کے حق پر ڈاکہ ڈالا گیا،فاطمہ جناح نے انتخابات میں حصہ لیا تو تب بھی عوام سے حق چھینا گیا،مکمل سچ کوئی نہیں بولتا،وکیل سلمان اکرم راجہ نے جواب دیا کہ سیاسی بیانات میں نہیں جاؤنگا ،آئین و قانون پر دلائل دونگا،ہم نے سپریم کورٹ کا دروازہ کھٹکھٹایا الیکشن کمیشن بھی گئے،چیف جسٹس نے ریمارکس دئیے کہ سپریم کورٹ کے فیصلے کی کوئی غلط تشریح کرے تو ہم کیا کر سکتے ہیں،بار بار سپریم کورٹ کا نہ کہیں ،رجسٹرار کے پاس جوڈیشل پاور نہیں،جسٹس جمال مندوخیل بولے کہ رجسٹرار کے اعتراضات کیخلاف چیمبر اپیل دائر کیوں نہیں کی،چیف جسٹس قاضی فائز عیسیٰ نے سلمان اکرم راجہ کو آئین کی کتاب دکھا دی،چیف جسٹس قاضی فائز عیسیٰ نے کہا کہ یہ آئین عوام کے منتخب نمائندوں نے بنایا ہے،آئین جو واضح ہے اس پر عمل کریں یہ سیدھا سادہ آئین ہے،آپ بار بار عوامی منشا کی بات کر رہے ہیں پھر تو سب نشستوں پر الیکشن ہونا چاہیے،جسٹس یحییٰ آفریدی نے کہا کہ عوامی منشا کی ہی بات کریں لوگوں نے ووٹ تو پی ٹی آئی کو دیا تھا،کیا ووٹرز کو پتہ تھا آپ سنی اتحاد کونسل میں جائیں گے؟ جسٹس اطہر من اللہ نے ریمارکس دئیے کہ سلمان اکرم راجہ صاحب سچ بول دیں۔مجھے سمجھ نہیں آتا کہ ہر کوئی سچ کو دبانا کیوں چاہتا ہے؟

سلمان اکرم راجہ نے کہا ہے کہ ایسا کہنا کہ 86 ممبران کی کوئی حیثیت نہیں اسمبلی کو غیر متوازن بناتا ہے، آزاد امیدوار کسی بھی وقت اسمبلی جوائن کر سکتا ہے، آئین کا مقصد پارلیمنٹ کو کسی سیاسی جماعت سے نمائندگی کروانا ہے، جسٹس منیب اختر نے ریمارکس دئیے کہآزاد امیدواروں کو سیاسی جماعت میں شامل ہونا چاہیے اور ایسی بات سمجھ بھی آتی ہے،جسٹس عائشہ ملک نے کہا کہ آزاد امیدواروں کو بھی ووٹ دیا جاتا ہے،دیکھنا ہوگا آزاد امیدواروں کا کسی جماعت سے منسلک ہونا ضروری ہے یا نہیں۔

جسٹس جمال مندوخیل نے ریمارکس دئیے ہیں کہ تین روز میں آزاد امیدواروں کو کسی جماعت میں شامل ہونا ہے لیکن کچھ ہوگا تو شامل ہوں گے، سلمان اکرم راجہ نے کہا ہے کہ آزاد امیدوار 3 روز بعد بھی شامل ہوسکتے یہ آزاد امیدواروں کی مرضی ہے،آزاد امیدوار کوئی سیٹ نہ جیتنے والی سیاسی جماعت میں بھی شامل ہوسکتے ہیں،چیف جسٹس نے ریمارکس دئیے کہ آپ نے کیا غلط جماعت منتخب کی کہ آپ کو تحریک انصاف میں شامل ہونا چاہیے تھا، ہر سیاسی جماعت کا اپنا منشور ہوتا ہے،ملک کیلئے کیا اچھا ہے وہ سوچنا چاہیے۔

جسٹس منصور علی شاہ نے کہا کہ اگر سنی اتحاد کونسل کو بھی سیاسی جماعت مان لیا جائے تو کیا حرج ہے،سیاسی جماعتوں کی تو حوصلہ افزائی ہونی چاہیے،آزاد امیدوار اگر ایسی جماعت میں شامل ہوں جو انتحابات نہ لڑی ہو تو کیا ہوجائے گا،چیف جسٹس نے ریمارکس دئیے کہ اس طرح تو پیسے والے لوگ سیاسی جماعتیں خرید سکتے ہیں،کوئی بندہ ایک جماعت خرید کر آزاد امیدوار شامل کر لے تو ووٹرز کا کیا ہوگا؟

جسٹس اطہر من اللہ نے ریمارکس دئیے کہ آپ کہیں کہ آپ سیاسی جماعت کے امیدوار کے طور پر انتخاب لڑے،اگر آزاد امیدوار تھے تو ایسی سیاسی جماعت میں شامل ہوں جس نے کوئی سیٹ جیتی ہو،سلمان اکرم راجہ نے کہا کہ جو آزاد امیدوار شامل ہوں گے وہ جیتی ہوئی سیٹیں تصور ہوں گی، چیف جسٹس نے ریمارکس دئیے کہ عوام کو معلوم ہونا چاہیے کون امیدوار ہیں کون سی سیاسی جماعتیں ہیں،عوام کو معلوم ہو سنی اتحاد ہے کون؟ کبھی حکومت میں نہیں آئی،جسٹس منصور علی شاہ نے کہا کہ 25 چھوٹی بڑی سیاسی جماعتیں ہیں،عوام نے سیاسی جماعتوں کے منشور نہیں پڑھے ہوئے۔

وقفے کے بعد کیس کی سماعت میں کنول شوزب کے وکیل سلمان اکرم راجہ نے دلائل دیتے ہوئے کہا کہ ایسا کہنا کہ 86 ممبران کی کوئی حیثیت نہیں اسمبلی کو غیر متوازن بناتا ہے،آزاد امیدوار کسی بھی وقت اسمبلی کو جوائن کر سکتا ہے، آئین کا مقصد پارلیمنٹ کو کسی سیاسی جماعت سے نمائندگی کروانا ہے،جسٹس منیب اختر نے ریمارکس دئیے کہ آزاد امیدواروں کو سیاسی جماعت میں شامل ہونا چاہیے اور ایسی بات سمجھ بھی آتی ہے،جسٹس عائشہ ملک نے کہا کہ آزاد امیدواروں کو بھی ووٹ دیا جاتا ہے،دیکھنا ہوگا کہ آزاد امیدواروں کا کسی جماعت سے منسلک ہونا ضروری ہے یا نہیں،

جسٹس جمال مندوخیل بولے کہ تین روز میں آزاد امیدواروں کو کسی جماعت میں شامل ہونا ہے لیکن کچھ ہوگا تو شامل ہوں گے،سلمان اکرم راجہ نے کہا کہ آزاد امیدوار تین روز بعد بھی شامل ہوسکتے یہ آزاد امیدواروں کی مرضی ہے،آزاد امیدوار کوئی سیٹ نہ جیتنے والی سیاسی جماعت میں بھی شامل ہوسکتے ہیں۔

چیف جسٹس پاکستان نے ریمارکس دئیے کہ آپ نے کیا غلط جماعت منتخب کی کہ آپ کو تحریک انصاف میں شامل ہونا چاہیے تھا، ہر سیاسی جماعت کا اپنا منشور ہوتا ہے،ملک کیلئے کیا اچھا ہے وہ سوچنا چاہیے،جسٹس منصور علی شاہ نے کہا کہ اگر سنی اتحاد کونسل کو بھی سیاسی جماعت مان لیا جائے تو کیا حرج ہے،سیاسی جماعتوں کی تو حوصلہ افزائی ہونی چاہیے،آزاد امیدوار اگر ایسی جماعت میں شامل ہوں جو انتحابات نہ لڑی ہو تو کیا ہوجائے گا۔چیف جسٹس قاضی فائز عیسی ٰ بولے کہ اس طرح تو پیسے والے لوگ سیاسی جماعتیں خرید سکتے ہیں،کوئی بندہ ایک جماعت خرید کر آزاد امیدوار شامل کر لے تو ووٹرز کا کیا ہوگا۔

جسٹس اطہر من اللہ نے کہا کہ آپ کہیں کہ آپ سیاسی جماعت کے امیدوار کے طور پر انتخابات لڑے،اگر آزاد امیدوار تھے تو ایسی سیاسی جماعت میں شامل ہوں جس نے کوئی سیٹ جیتی ہو،وکیل سلمان اکرم راجہ نے کہا ہے کہ جو آزاد امیدوار شامل ہوں گے وہ جیتی ہوئی سیٹیں تصور ہوں گی،چیف جسٹس پاکستان نے ریمارکس دئیے کہ عوام کو معلوم ہونا چاہیے کون امیدوار ہیں کون سی سیاسی جماعتیں ہیں،عوام کو معلوم ہو سنی اتحاد ہے کون کبھی حکومت میں نہیں آئی۔

جسٹس منصور علی شاہ نے ریمارکس دئیے کہ 25 چھوٹی بڑی سیاسی جماعتیں ہیں،عوام نے سیاسی جماعتوں کے منشور نہیں پڑھے ہوئے۔

کیس کی مکمل سماعت یہاں پڑھئے

سنی اتحاد کونسل کا وکیل سپریم کورٹ کے سوالات کے جواب دینے سے قاصر

(24 نیوز)الیکشن کمیشن کے مطابق سنی اتحاد کا آئین خواتین اور غیر مسلم کو ممبر نہیں بناتا کیا یہ درست ہے؟جسٹس یحیی آفریدی نے سوال اٹھادیا۔چیف جسٹس نے ریمارکس دئیے کہ پاکستان کا جھنڈا دیکھیں اس میں کیا اقلیتوں کا حق شامل نہیں؟قائد اعظم کا فرمان بھی دیکھ لیں،کیا آپ کی پارٹی کا آئین آئین پاکستان کی خلاف ورزی نہیں؟فیصل صدیقی نے جواب دیا کہ میں اس سوال کا جواب اس لئے نہیں دے رہا کہ یہ اتنا سادہ نہیں۔

سپریم کورٹ میں سنی اتحاد کونسل کی مخصوص نشستوں سے متعلق کیس کی سماعت،چیف جسٹس کی سربراہی میں فل کورٹ سماعت کررہا ہے۔

فیصل صدیقی نے دلائل دیتے ہوئے کہا کہ چیف جسٹس صاحب نے ایک سوال پوچھا تھا اس کا جواب بھی دیتا ہوں،چیف جسٹس نے استفسار کیا کہ میرے سوال کا جواب دینے کیلئے آپ کو باقی ججز کی اجازت چاہیے؟جسٹس یحیی آفریدی بولے کہ الیکشن کمیشن کے مطابق سنی اتحاد کا آئین خواتین اور غیر مسلم کو ممبر نہیں بناتا کیا یہ درست ہے؟ فیصل صدیقی نے جواب دیا کہ خواتین کو نہیں غیر مسلم کی حد تک یہ پابندی ہے،چیف جسٹس نے ریمارکس دئیے کہ پاکستان کا جھنڈا دیکھیں اس میں کیا اقلیتوں کا حق شامل نہیں؟قائد اعظم کا فرمان بھی دیکھ لیں،کیا آپ کی پارٹی کا آئین آئین پاکستان کی خلاف ورزی نہیں؟فیصل صدیقی نے جواب دیا کہ میں اس سوال کا جواب اس لئے نہیں دے رہا کہ یہ اتنا سادہ نہیں۔

کیس کی مکمل سماعت یہاں پڑھئے

13:02:PM

June 06, 2024

12:30:PM

June 06, 2024

اگر سنی اتحاد کونسل سیاسی جماعت نہیں تو آزاد امیدواروں کی مخصوص نشستوں کا کیا ہوگا؟:جسٹس منصور علی شاہ

(امانت گشکوری)سپریم کورٹ کے جج جسٹس منصور علی شاہ نے ریمارکس دئیے ہیں کہ اگر سنی اتحاد سیاسی جماعت نہیں تو آزاد امیدواروں کی مخصوص نشستوں کا کیا ہوگا؟متناسب نمائندگی کا اصول سنی اتحاد پر کیسے لاگو ہوگا،کیا آزاد امیدواروں کی مخصوص نشستیں خالی رہیں گی؟

جسٹس منصور علی شاہ نےفیصل صدیقی سے مکالمہ کرتے ہوئے کہا کہ کیا آپ کی جماعت سیاسی ہے؟اگر سنی اتحاد سیاسی جماعت نہیں تو آزاد امیدواروں کی مخصوص نشستوں کا کیا ہوگا؟متناسب نمائندگی کا اصول سنی اتحاد پر کیسے لاگو ہوگا،کیا آزاد امیدواروں کی مخصوص نشستیں خالی رہیں گی؟وکیل فیصل صدیقی نے جواب دیا کہ پی ٹی آئی کی مخصوص نشستیں خالی نہیں چھوڑی جاسکتیں،جسٹس منصور علی شاہ نے پھر پوچھا کہ جو جماعت سیاسی نہیں اور الیکشن نہیں لڑی اس کی مخصوص نشستیں کہاں جائیں گیں،جسٹس منیب اختر نے ریمارکس دئیے کہ میرے خیال میں پی ٹی آئی کے آزاد امیدواروں کو مخصوص نشستیں مل سکتی ہیں،سنی اتحاد کونسل کو مخصوص نشستیں دینے کیلئے طریقہ کار دیکھنا پڑے گا۔

چیف جسٹس کا فیصل صدیقی سے مکالمہ کرتے ہوئے کہنا تھا کہ آپ سیکشن سے ایک لفظ لے کر اپنے کیس کو نہیں چلا سکتے،فیصل صدیقی نے جواب دیا کہ مخصوص نشستیں الیکشن کے بعد ملتیں ہیں تو الیکشن کمیشن نیا شیڈول جاری کرے،جسٹس منصور علی شاہ بولے کہ آپ نے بتانا کہ آپ سیاسی جماعت ہیں لسٹ کو ہم بعد میں دیکھ لیتے،فیصل صدیقی نے کہا سیاسی جماعت کو جیتی گئی نشستوں سے زیادہ نہیں مل سکتیں، میرا نقطہ یہ ہے کہ مخصوص نشستیں خالی نہیں چھوڑی جا سکتیں۔

ضرورپڑھیں:’پی ٹی آئی نے انٹرا پارٹی انتخابات کیوں نہ کرائے‘

جسٹس منصور علی شاہ نے ریمارکس دئیے کہ جو نشستیں جیتی گئی ہیں انہی کے حساب سے مخصوص نشستیں ملیں گی،اگر آپ سیاسی جماعت نہیں تو خالی نشستیں کہاں جائیں گی،اگر10 لوگ کسی پارٹی میں شامل نہیں ہوتے تو کیا ان کی سیٹیں خالی رہ جائیں گی؟ جو سیاسی جماعت ہی نہیں اس کو مخصوص نشستیں نہ ملیں تو کہاں جائیں گیں،وکیل نے جواب دیا کہ سپریم کورٹ کو دیکھنا ہے کہ خالی نشستوں کو کیسے پر کرنا ہے، سپریم کورٹ کو پھر دیکھنا ہوگا کہ آزاد امیدوار کون ہیں،اگر سنی اتحاد کونسل کو مخصوص نشستیں نہیں مل سکتیں تو وہ نشستیں خالی رہیں گی۔

چیف جسٹس نے کہا کہ آپ نے کہا تھا کہ ایک رکن بھی پارلیمنٹ میں خالی نہیں چھوڑا جا سکتا،کیا سنی اتحاد کونسل اور پی ٹی آئی کا منشور ایک ہے،وکیل نے جواب دیا کہ نہیں سنی اتحاد کونسل کا منشور پی ٹی آئی سے الگ ہے،چیف جسٹس نے ریمارکس دئیے کہ کل کو سنی اتحاد کونسل کے ارکان یہ جماعت بھی چھوڑ جائیں تو کیا ہوگا،وکیل فیصل صدیقی بولے کہ سنی اتحاد سیاسی جماعت ہے یا نہیں اس پر سوال اٹھا ہی نہیں،الیکشن کمیشن نے اقرار کیا کہ سنی اتحاد کونسل سیاسی جماعت ہے،اگر سپریم کورٹ اپیل منظور کرتی تو پھر 3 روز میں فہرست دینے سے کام شروع ہوگا۔

کیس کی مکمل سماعت یہاں پڑھئے

’پی ٹی آئی نے انٹرا پارٹی انتخابات کیوں نہ کرائے‘

(امانت گشکوری)سپریم کورٹ میں سنی اتحاد کونسل کی مخصوص نشستوں سے متعلق کیس کی سماعت،چیف جسٹس کی سربراہی میں فل کورٹ سماعت کررہا ہے،چیف جسٹس نے ریمارکس میں استفسار کیا کہ پی ٹی آئی نے دوسری جماعت میں شمولیت اختیار کر کے خودکشی کیوں کی؟پی ٹی آئی نے انٹرا پارٹی انتخابات کیوں نہ کرائے۔

کیس کی سماعت کے دوران چیف جسٹس نے ریمارکس دئیے کہ اگر پارلیمان میں 90 فیصد آزاد امیدوار جیتتے ہیں تو مخصوص نشستیں باقی10 فیصد جیتنے والی سیاسی جماعتوں کو ملیں گی،بتائیں الیکشن کمیشن منتیں کرتا رہا ،پی ٹی آئی نے انٹرا پارٹی انتخابات کیوں نہ کرائے؟ فیصل صدیقی بولے کہ بلے کے نشان کیس کی نظرثانی زیر التوا ہے اس بارے میں بات نہیں کر سکتا، چیف جسٹس نے استفسار کیا کہ جب آپ کا دل کرتا ہے اس بارے میں بات کر لیتے ہیں،بتایا کیوں نہیں کہ بلے کے انتخابی نشان سے متعلق نظرثانی زیر التوا ہے؟ حامد خان اکثر پیش ہوتے ہیں مگر ایک مرتبہ نہیں بتایا کہ نظرثانی دائر کی ہے۔

جسٹس اطہر من اللہ نے ریمارکس دئیے کہ الیکشن پر سوالات اٹھائے گئے، جو کچھ 2018 میں ہوا وہی موجودہ انتخابات میں ہوا،جنھوں نے پریس کانفرنس نہیں کیں انھیں اٹھا لیا گیا، یہ باتیں سب کے علم میں ہیں،کیا سپریم کورٹ اس پر اپنی آنکھیں بند کر لے،آئین اور بنیادی حقوق کی جو پامالی کی گئی کیا اس پر خاموش رہا جائے،میں آپکی باتوں سے مکمل متفق ہوں۔

کیس کی مکمل سماعت یہاں پڑھئے

12:11:PM

June 06, 2024

09:55:AM

June 06, 2024

مخصوص نشستوں سے متعلق کیس کی سماعت ،پی ٹی آئی نے دوسری جماعت میں شمولیت اختیار کر کے خودکشی کیوں کی؟چیف جسٹس

(امانت گشکوری)پی ٹی آئی امیدواروں نے آزاد ہوکرکیوں خودکشی کی؟آزاد امیدوار پی ٹی آئی میں رہتے تو آج مسئلہ ہی نہ ہوتا،چیف جسٹس کے سنی اتحاد کونسل کو مخصوص نشستیں نہ دینے کے کیس کی سماعت کے دوران ریمارکس،چیف جسٹس نے کہا کہ آئین سے ہٹ کر کوئی جج فیصلہ نہیں دے سکتا،یہ نہیں دیکھیں گے الیکشن کمیشن نے کیا کیا،مخصوص نشستوں سے متعلق آئین واضح ہے،جس پر وکیل فیصل صدیقی نے کہاکہ اس ملک میں متاثرہ فریقین کیلئے کوئی چوائس نہیں ہے،چیف جسٹس نے فیصل صدیقی سے مکالمہ کرتے ہوئے کہا کہ سیاسی باتیں نہ کریں۔

الیکشن کمیشن نےسپریم کورٹ میں اپنا تحریری جواب جمع کروا رکھا ہے۔کیس کی کاروائی سپریم کورٹ کے یوٹیوب چینل پر براہ راست نشر کی جارہی ہے۔
سنی اتحاد کونسل کے وکیل فیصل صدیقی نے دلائل دیتے ہوئے کہا ہے کہ سب سے پہلے کچھ عدالتی فیصلوں کا حوالہ دینا چاہتا ہوں،عدالتی فیصلوں میں آئینی تشریح کیلئے نیچرل حدود سے مطابقت پر زور دیا گیا،آزاد امیدوار کسی بھی سیاسی جماعت میں شامل ہوسکتے ہیں،الیکشن کمیشن نے سیاسی جماعت کی غلط تشریح کی،الیکشن کمیشن نے مخصوص نشستوں سے متعلق آئین کو نظرانداز کیا۔

چیف جسٹس کافیصل صدیقی سے مکالمہ

چیف جسٹس نےفیصل صدیقی سے مکالمہ کرتے ہوئے کہا کہ الیکشن کمیشن کا فیصلہ غلط ہے تو آپ آئین کی درست وضاحت کر دیں،الیکشن کمیشن کو چھوڑ دیں اپنی بات کریں،آئین و قانون کے مطابق بتائیں کہ سنی اتحاد کونسل کو کیسے مخصوص نشستیں مل سکتی ہیں۔
جسٹس جمال مندوخیل نے ریمارکس دئیے کہ آزاد امیدوار انتخابات میں حصہ لینے والی کسی بھی جماعت میں شامل ہوسکتے ہیں،جو سیاسی جماعتیں الیکشن لڑ کر آئی ہیں انکو عوام نے ووٹ دیا ہے،ایسی سیاسی جماعت جس نے انتخابات میں حصہ ہی نہیں لیا اسے مخصوص نشستیں کیسے دی جاسکتی ہیں۔

فیصل صدیقی کی جانب سے آرٹیکل 51 اور آرٹیکل 106 کا حوالہ دیا گیا کہتے ہیں کہ آئینی شقوں کے کچھ بنیادی پہلو ہیں،ایک پہلو تو یہ ہے کہ مخصوص نشستیں متناسب نمائندگی کے اصول پر ہوں گی،دوسرا پہلو یہ ہے کہ یہ نشستیں ہر جماعت کی دی گئی فہرست پر دی جائیں گی،تیسرا پہلو یہ ہے کہ ہر جماعت کو یہ نشستیں آزاد امیدواروں کی شمولیت کے بعد ملیں گی۔

جسٹس عرفان سعادت بولے کہ آپ کہہ رہے جو نشستیں جیت کر آئے انکو مخصوص نشستیں ملنی چاہئیں،جب سنی اتحاد کونسل نے الیکشن ہی نہیں لڑا تو نشستیں جیتنے والی بات تو ختم ہوگئی،جسٹس اطہر من اللہ نے ریمارکس دئیے کہ الیکشن کمیشن نے پی ٹی آئی کو سیاسی جماعت تسلیم کیا،انتحابی نشان واپس لینے سے سیاسی جماعت ختم تو نہیں ہوجاتی،چیف جسٹس نے ریمارکس دئیے کہ اگر پی ٹی آئی سیاسی جماعت ہے تو آزاد امیدوار پی ٹی آئی سے الگ کیوں ہوئے،پی ٹی آئی امیدواروں نے آزاد ہوکر کیا خودکشی کی ہے،آزاد امیدوار پی ٹی آئی میں رہ جاتے تو آج کوئی مسئلہ نہ ہوتا۔

جسٹس جمال مندوخیل نے ریمارکس دئیے کہ جس سیاسی جماعت نے انتخابات لڑنے کی زحمت ہی نہیں کی اسے مخصوص نشستیں کیسے مل سکتی ہیں؟جسٹس محمد علی مظہر بولے کہ آزاد امیدواروں کی سیاسی جماعت میں شمولیت کے بعد ان نشستوں کو جوائن کرنا کہیں گے یا جیت کر آنا؟ جسٹس اطہر من اللہ نے کہا کہ ایک رجسٹرڈ سیاسی جماعت کیلئے ایک ہی انتخابی نشان پر الیکشن لڑنا شرط نہیں ،چیف جسٹس نے ریمارکس دئیے کہ ہم یہ نہیں سنیں گے کہ الیکشن کمیشن نے پی ٹی آئی سے زیادتی کی،ہم آئین و قانون کے مطابق بات سنیں گے۔

بانی پی ٹی آئی وزیر اعظم تھے انھوں نے انٹرا پارٹی انتخابات نہیں کرائے:چیف جسٹس

چیف جسٹس کا فیصل صدیقی سے مکالمہ کرتے ہوئے کہنا تھا کہ آپ سنی اتحاد کونسل کے وکیل ہیں پی ٹی آئی کے نہیں،آپ کے پی ٹی آئی کے حق میں دلائل مفاد کے ٹکراؤ میں آتا ہے،سنی اتحاد کونسل سے تو انتحابی نشان واپس نہیں لیا گیا،آئین پر عمل نہ کر کے ملک کی دھجیاں اڑا دی گئی ہیں،میں نے آئین پر عملدرآمد کا حلف لیا ہے،ہم نے کسی سیاسی جماعت یا حکومت کے مفاد کو نہیں آئین کو دیکھنا ہے،پی ٹی آئی کے صدر تھے انھوں نے انتخابات کی تاریخ کیوں نہ دی،پی ٹی آئی نے تو انتخابات رکوانے کی کوشش کی تھی،پی ٹی آئی نے لاہور ہائیکورٹ میں درخواست دائر کی تھی،بانی پی ٹی آئی وزیر اعظم تھے انھوں نے انٹرا پارٹی انتخابات نہیں کرائے،کسی پر ایسے انگلیاں نہ اٹھائیں،سپریم کورٹ کا 3 رکنی بنچ تھا جو انتخابات نہ کروا سکا،ہم نے انتخابات کی تاریخ دلوائی تھی۔

چیف جسٹس نے کہا کہ آئین ہمارا زیادہ پرانا نہیں ہے،ہم اتنے ہوشیار ہیں کہ آئین سے ہٹ کر اپنی اصطلاح نکال لیں،مخصوص نشستوں سے متعلق آئین واضح ہے،آئین سے ہٹ کر کوئی بھی جج فیصلہ نہیں دے سکتا، جسٹس جمال مندوخیل نے کہا کہ الیکشن ایکٹ کے سیکشن 67 میں لکھا ہے کہ آزاد امیدوار وہ ہے جس کو پارٹی ٹکٹ نہ دے،الیکشن کمیشن سیاسی جماعت اور امیدوار کے درمیان کے معاملے میں اپنا اختیار کیسے استعمال کر سکتا ؟

چیف جسٹس نے ریمارکس دئیے ہیں کہ ہم یہ نہیں دیکھیں گے الیکشن کمیشن نے کیا کیا،وکیل فیصل صدیقی بولے کہ اس ملک میں متاثرہ فریقین کیلئے کوئی چوائس نہیں ہے،چیف جسٹس کا فیصل صدیقی سے مکالمہ کرتے ہوئے کہا کہ سیاسی باتیں نہ کریں،ایسے عظیم ججز بھی گزرے ہیں جنھوں نے پی سی او کے تحت حلف اٹھانے سے انکار کیا،وکیل فیصل صدیقی نے کہا کہ الیکشن سے ایک رات پہلے انتخابی نشان لے لیا گیا تھا،چیف جسٹس نے کہا کہ آپ سنی اتحاد کونسل کی نمائندگی کر رہے ہیں،سنی اتحاد کونسل کا انتخابی نشان کیا ہے؟وکیل فیصل صدیقی بولے کہ سنی اتحاد کونسل کا انتخابی نشان گھوڑا ہے، جسٹس منیب اختر بولے کہ پی ٹی آئی کہہ رہی ہے یہ امیدوار پی ٹی آئی کے ہیں،اگر الیکشن کے بعد بھی وہ پی ٹی آئی کے رکن ہیں تو دوبارہ شمولیت کی ضرورت کیوں ہے،آئین کا دیباچہ بڑا واضح ہے،آزاد اراکین کسی بھی وقت کسی سیاسی جماعت میں شمولیت اختیار کر سکتے ہیں،اگر 3 دنوں میں شمولیت اختیار کی جاتی تو متناسب نمائندگی کے تحت مخصوص نشستیں ملیں گی۔
جسٹس محمد علی مظہر نے ریمارکس دئیے کہ لوگوں نے تو پی ٹی آئی کو ووٹ دیا تھا،پی ٹی آئی کے امیدوار دوسری جماعت میں چلے گئے،جن لوگوں نے پی ٹی آئی کے امیدواروں کو ووٹ دیا انکا کیا ہوگا،سنی اتحاد کونسل کو تو ووٹ نہیں ملے۔

’پی ٹی آئی نے انٹرا پارٹی انتخابات کیوں نہ کرائے؟‘

چیف جسٹس نے ریمارکس ذئیے کہ اگر پارلیمان میں 90 فیصد آزاد امیدوار جیتتے ہیں تو مخصوص نشستیں باقی10 فیصد جیتنے والی سیاسی جماعتوں کو ملیں گی،بتائیں الیکشن کمیشن منتیں کرتا رہا ،پی ٹی آئی نے انٹرا پارٹی انتخابات کیوں نہ کرائے؟ فیصل صدیقی بولے کہ بلے کے نشان کیس کی نظرثانی زیر التوا ہے اس بارے میں بات نہیں کر سکتا، چیف جسٹس نے استفسار کیا کہ جب آپ کا دل کرتا ہے اس بارے میں بات کر لیتے ہیں،بتایا کیوں نہیں کہ بلے کے انتخابی نشان سے متعلق نظرثانی زیر التوا ہے؟ حامد خان اکثر پیش ہوتے ہیں مگر ایک مرتبہ نہیں بتایا کہ نظرثانی دائر کی ہے۔

جسٹس منصور علی شاہ نےفیصل صدیقی سے مکالمہ

الیکشن کمیشن کے مطابق سنی اتحاد کا آئین خواتین اور غیر مسلم کو ممبر نہیں بناتا کیا یہ درست ہے؟

جسٹس اطہر من اللہ نے ریمارکس دئیے کہ الیکشن کمیشن آج بھی پی ٹی آئی کو سیاسی جماعت مانتا ہے،ایوان کو نامکمل نہیں چھوڑا جا سکتا،میری نظر میں ایوان کو مکمل کرنا الیکشن کمیشن کی ذمہ داری ہے،الیکشن کمیشن ووٹرز کے حقوق کا محافظ ہونے کے بجائے مخالف بن گیا ، مخصوص نشستیں سنی اتحاد کو ملنی ہیں یا پی ٹی آئی کو یہ الیکشن کمیشن نے طے کرنا تھا،ہمارے ہوتے ہوئے بھی بنیادی حقوق پامال ہو رہے ہیں ان کا تحفظ ہماری ذمہ داری ہے، ملک آئین کے مطابق چلا ہی کب ہے؟چیف جسٹس نے ریمارکس دئیے کہ وقت آگیا ہے ملک آئین کے مطابق چلایا جائے،سنی اتحاد کونسل کے وکیل فیصل صدیقی کے دلائل مکمل ہوگئے۔
وکیل اسپیکرخیبر پختونخوا نے دلائل دیتے ہوئے کہا کہ الیکشن کمیشن کا فیصلہ خلاف آئین ہے،فیصل صدیقی تفصیل سے دلائل دے چکے،فیصل صدیقی بولے کہ میں اس کا دفاع نہیں کروں گا کہ پی ٹی آئی اور سنی اتحاد کونسل نے غلطیاں نہیں کیں، جسٹس جمال مندوخیل نے ریمارکس دئیے کہ پی ٹی آئی اور سنی اتحاد کا انضمام ہوجاتا تو معاملہ حل ہوتا مگر نہیں ہوا،جسٹس حسن اظہر رضوی بولے کہ کیا ووٹرز نے اعتراض کیا کہ آپ نے سنی اتحاد کونسل میں شمولیت کیوں کی؟کسی نے آرٹیکل لکھا ہو یا کوئی پریس کانفرنس یا احتجاج کیا ہو؟وکیل فیصل صدیقی نے جواب دیا کہ ہمارے خلاف احتجاج اور اعتراض صرف الیکشن کمیشن نے کیا،الیکشن کمیشن نے کبھی سنی اتحاد کونسل کو نوٹس نہیں کیا۔

ہر غیر متعلقہ کیس پر از خود نوٹس لیا جاتا رہا مگر یہ تو پرفیکٹ کیس تھا: جسٹس اطہر من اللہ

یاد رہے کہ الیکشن کمیشن نے سپریم کورٹ میں جواب جمع کرا رکھا ہے ۔جواب میں کہا گیا کہ 24 دسمبر کی ڈیڈ لائن گزرنے کے باوجود سنی اتحاد کونسل نے مخصوص نشستوں کی فہرستیں جمع نہیں کرائیں ،امیداروں نے پی ٹی آئی نظریاتی کا انتخابی نشان مانگا بعد میں خود ہی دستبردار ہو گئے،اس کے بعد یہ امیدوار آزاد قرار پائے اور الیکشن کے بعدسنی اتحاد کونسل میں شامل ہوگئے، الیکشن کمیشن نے مخصوص نشستیں نہ دینے کا چار ایک سے فیصلہ دیا، پشاور ہائی کورٹ نے بھی سنی اتحاد کونسل کی اپیل پر الیکشن کمیشن کا فیصلہ برقرار رکھا۔

بتائیں کونسا بنیادی حق نیب ترامیم سے متاثر ہوا؟باہر جاکر بڑے شیر بنتے ہیں سامنے آکر کوئی بات نہیں کرتا: چیف جسٹس

(امانت گشکوری)صرف سیاست دانوں کو نیب کے دائرہ اختیار میں کیوں رکھا گیا یہ سمجھ سے بالاتر ہے،بتائیں کونسا بنیادی حق نیب ترامیم سے متاثر ہوا؟چیف جسٹس آف پاکستان نے نیب ترامیم کیس کی سماعت کے دوران سوالات اٹھادئیے،چیف جسٹس نے ریمارکس دئیے کہ باہر جاکر بڑے شیر بنتے ہیں سامنے آکر کوئی بات نہیں کرتا۔جسٹس اطہرمن اللہ نے کہا نیب ترامیم کالعدم قرار دینے کا فیصلہ واپس نہ ہوا تو بانی پی ٹی آئی خود متاثر ہوں گے ۔جسٹس مندوخیل نے کہا کہ کیا رسید مانگنا کسی کو بلیک میل کرنے کے مترادف نہیں۔ سپریم کورٹ میں نیب ترامیم کالعدم قرار دینے کیخلاف کیس کی سماعت جاری، خواجہ حارث کوآج ہی دلائل مکمل کرنے کی ہدایت کی گئی ہے۔

سپریم کورٹ میں قومی احتساب بیورو (نیب) ترامیم کو کالعدم قرار دینے کیخلاف حکومتی اپیلوں پر سماعت کا آغاز ہوا تو سابق وزیر اعظم عمران خان کو بذریعہ ویڈیو لنک عدالت میں پیش کیا گیا، چیف جسٹس قاضی فائز عیسیٰ نے دریافت کیا کہ کونسا بنیادی حق نیب ترامیم سے متاثر ہوا ہے؟

چیف جسٹس قاضی فائز عیسٰی کی سربراہی میں 5 رکنی لارجر بینچ مقدمے کی سماعت کررہا ہے، جسٹس امین الدین،جسٹس جمال مندوخیل ،جسٹس اطہر من اللہ اور جسٹس حسن اظہر رضوی بینچ کا حصہ ہیں۔

سماعت کے آغاز پر عمران خان کے وکیل فاروق ایچ نائیک نے بتایا کہ میں نے اپنی تحریری معروضات تیار کر لی ہیں، چیف جسٹس قاضی فائز عیسی نے ریمارکس دیے کہ آپ اپنی معروضات عدالت میں جمع کروا دیں، کیا آپ فیصلے کو سپورٹ کر رہے ہیں ؟ فاروق ایچ نائیک نے بتایا کہ میں جسٹس منصور علی شاہ کے نوٹ کو سپورٹ کر رہا ہوں۔

چیف جسٹس نے استفسار کیا کہ کیا آپ مخدوم علی خان کے دلائل کو اپنا رہے ہیں؟ فاروق ایچ نائیک نے بتایا کہ میرا مؤقف وہی ہے لیکن دلائل اپنے ہیں، میں نے تحریری معروضات میں عدالتی فیصلے کے مختلف نکات کی نشاندہی کی ہے، میں نے سپریم کورٹ فیصلے پر اپنے دلائل تحریر کئے ہیں۔

فاروق ایچ نائیک کے بعد عدالتی معاون وکیل خواجہ حارث روسٹرم پر آگئے، خواجہ حارث نے دلائل کا آغاز کردیا، اس موقع پر چیف جسٹس نے ان سے استفسار کیا کہ بتائیں کونسا بنیادی حق نیب ترامیم سے متاثر ہوا ہے؟ وکیل خواجہ حارث نے بتایا کہ مرکزی کیس میں بنیادی حقوق کی خلاف ورزی تفصیل سے بتا چکا ہوں، نیب ترامیم آرٹیکل 9،14 ،25 اور 24 کی خلاف ورزی ہیں۔

خیال رہے کہ 30 مئی کو سپریم کورٹ میں قومی احتساب بیورو (نیب) ترامیم کے خلاف درخواستوں پر سماعت کے دوران سابق وزیر اعظم عمران خان نے کہا تھا کہ مجھے قید تنہائی میں رکھا ہوا ہے،اس پر گزشتہ سماعت پر چیف جسٹس قاضی فائز عیسی نے ریمارکس دیئے تھے کہ اگر آرڈیننس لانے ہیں تو پھر پارلیمان کو بند کر دیں۔

سپریم کورٹ میں نیب ترمیم کیس کی سماعت کے آغاز پر سابق وزیر اعظم عمران خان کو ویڈیو لنک کے ذریعے عدالت میں پیش کیا گیا، عمران خان نے نیلے رنگ کی قمیض پہنی ہوئی تھی، وہ تقریباً ڈھائی گھنٹے تک جاری رہنے والی سماعت میں حاضر رہے،14 مئی کو سپریم کورٹ نے قومی احتساب بیورو ترامیم کو کالعدم قرار دینے کے خلاف سماعت کے دوران سابق وزیر اعظم عمران خان کو بذریعہ وڈیولنک پیش ہونے کی اجازت دی تھی۔

چیف جسٹس پاکستان نےخواجہ حارث سے مکالمہ

چیف جسٹس پاکستان نےخواجہ حارث سے مکالمہ کرتے ہوئے کہا کہ کیا نیب قانون درست ہے،عدالتی معاون خواجہ حارث نے جواب دیا کہ کچھ نیب ترامیم کو چیلنج کیا گیا تھا،چیف جسٹس نے استفسارکیا کہ نیب قانون کب وجود میں آیا کس کی حکومت تھی،وکیل خواجہ حارث نے جواب دیا کہ پرویز مشرف کے دور میں 1999 میں نیب کا ادارہ قائم کیا گیا،چیف جسٹس قاضی فائز عیسیٰ بولے کہ کیا کرپٹ سیاست دانوں کو باہر کرنے کیلئے نیب قانون بنایا گیا،نیب قانون میں ججز اور جرنیلوں سمیت کچھ لوگوں کو استثنی دیا گیا،کیا صرف سیاست دانوں کی کرپشن ختم کرنا تھی،جب پی ٹی آئی کی حکومت تھی تو نیب قانون کو کیوں تبدیل نہیں کیا۔

وکیل خواجہ حارث نے بتایا کہ مشرف سے پہلے بھی احتساب ایکٹ موجود تھا،جسٹس اطہر من اللہ نے ریمارکس دئیے کہ صرف منتخب پبلک آفس ہولڈرز پر نائب کا اختیار کیوں رکھا گیا،غیر منتخب پبلک آفس ہولڈرز پر کیوں نیب کا اختیار نہیں رکھا گیا؟چیف جسٹس قاضی فائز عیسیٰ نے کہا کہ کیا آپ صرف سیاسی احتساب چاہتے ہیں؟وکیل خواجہ حارث بولے کہ ہم نے نیب آرڈیننس 1999 چیلنج نہیں کیا، ہم نے نیب ترامیم 2022 چیلنج کی تھیں، نیب ترامیم اس لیے کی گئیں کیونکہ مخصوص سیاسی رہنما اس وقت سلاخوں کے پیچھے تھے۔

چیف جسٹس پاکستان نے ریمارکس دئیے کہ صرف سیاست دانوں کو نیب کے دائرہ اختیار میں کیوں رکھا گیا یہ سمجھ سے بالاتر ہے،خواجہ حارث نے جواب دیا کہ انٹرا کورٹ اپیلوں کے قابل سماعت ہونے پر دلائل دوں گا،سپریم کورٹ میں مرکزی درخواست قابل سماعت تھی ، جسٹس اطہر من اللہ کا خواجہ حارث سے استفسار میں کہنا تھا کہ کیا آپ کو نیب پر مکمل اعتماد ہے،وکیل خواجہ حارث بولے کہ میں دلائل دوں گا کہ مرکزی کیس میں اقلیتی رائے درست نہیں تھی،جسٹس اطہر من اللہ نے پھر استفسار کیا کہ کیا آپ 90 دنوں کے نیب ریمانڈ سے مطمئن ہیں،کیا آپ 500 ملین سے کم کرپشن پر بھی نیب کاروائی کے حامی ہیں۔

منتخب نمائندے کے پاس پبلک فنڈز تقسیم کرنے کا اختیار کہاں ہوتا ہے کوئی ایک مثال بتائیں،جسٹس اطہرمن اللہ

وکیل خواجہ حارث نے جواب دیا کہ عوامی نمائندوں کے احتساب سے مراد صرف منتخب نمائندوں کا احتساب نہیں،جسٹس اطہر من اللہ نے ریمارکس دئیے کہ اگر کسی محکمے میں کرپشن ہوتی ہے تو ذمہ دار پرنسپل اکاؤنٹنگ آفیسر ہوتا ہے، منتخب نمائندے کے پاس پبلک فنڈز تقسیم کرنے کا اختیار کہاں ہوتا ہے کوئی ایک مثال بتائیں، جسٹس جمال مندوخیل بولے کہ کوئی منتخب نمائندہ یا وزیر متعلقہ سیکرٹری کی سمری کے بغیر کوئی منظوری نہیں دیتا۔

وکیل خواجہ حارث میں کوئی ایسا بیان تو نہیں دینا چاہتا کہ سیاستدان کرپٹ ہوتا ہے،جسٹس جمال مندوخیل نے ریمارکس دئیے ہیں کہ کیا کوئی سیکرٹری سمری میں لکھ دے کے یہ چیز رولز کے خلاف ہے تو وزیر منظوری دے سکتا ہے؟وکیل خواجہ حارث نے کہا ہے کہ نہیں مگر اس کے باوجود کرپشن ہوتی ہے،دبئی لیکس اور جعلی اکاؤنٹس ہمارے سامنے ہیں، جسٹس جمال مندوخیل بولے کہ کیا ہم زخم ٹھیک کریں مگر وجہ نہ دیکھیں۔چیف جسٹس پاکستان نے ریمارکس دئیے کہ آپ جو دلائل دینا چاہتے ہیں وہ دیں باقی نوٹ کروا دیں ہم پڑھ لیں گے،آپ بتائیں آپ کو کتنا وقت درکار ہوگا؟

وکیل خواجہ حارث نے جواب دیا کہ میں دلائل میں تین گھنٹے سے زیادہ وقت لوں گا،میں بتاؤں گا نیب ترامیم کا معاملہ بنیادی حقوق سے کیسے جڑا ہے،بینظیر کیس میں طے ہوا تھا درخواستگزار کی مرضی ہے وہ مفاد عامہ پر ہائیکورٹ یا سپریم کورٹ سے رجوع کرے،دونوں فورمز پر ایک ساتھ درخواست دائر کرنے پر پابندی ہے،بانی پی ٹی آئی کی درخواست پر ہائیکورٹ کے بجائے سپریم کورٹ آنے پر اعتراض نہیں بنتا تھا،جیف جسٹس پاکستان بولے کہ اسلام آباد ہائیکورٹ میں درخواست پھر کس نے دائر کی تھی۔

وکیل خواجہ حارث نے جواب دیا کہ اسلام آباد ہائیکورٹ میں درخواست ہائیکورٹ بار نے دائر کی تھی،چیف جسٹس پاکستان نے پھر پوچھا کہ ہمارے پاس ہائیکورٹ کا ریکارڈ آگیا ہے درخواست گزار پی ٹی آئی کے لوگ تھے،شعیب شاہین صاحب نے حامد خان کے ذریعے درخواست دائر کر رکھی ہے،وکیل خواجہ حارث نے بتایا کہ حامد خان کے پاس کوئی پارٹی عہدہ نہیں تھا،چیف جسٹس نے پھر پوچھا کہ شعیب شاہین صاحب نے ہائیکورٹ سے یہ کہہ کر التوا لیا تھا کہ ہمارا کیس اب سپریم کورٹ میں زیر التوا ہے۔

خواجہ حارث نے جواب دیا کہ سپریم کورٹ میں ہم درخواست جون 2022 میں دائر کر چکے تھے ہائیکورٹ میں درخواست جولائی میں دائر ہوئی،چیف جسٹس نے ریمارکس دئیے کہ سپریم کورٹ میں کیس لگنے سے پہلے ہائیکورٹ معاملہ پر اٹارنی جنرل کو نوٹس کر چکی تھی،آپ سپریم کورٹ میں پہلی سماعت پر کہہ سکتے تھے کہ اب ہائیکورٹ میں کیس شروع ہو چکا ہے،ہائیکورٹ بار کے صدر سپریم کورٹ کو آکر کہہ سکتے تھے کیس ہائیکورٹ میں چلنے دیں یا درخواست بھی یہاں منگوا لیں،شعیب شاہین اور بانی پی ٹی آئی کا آپس میں تعلق نہ ہو تو ہم کہتے چلو دونوں کو ایک دوسرے کی درخواست کا علم نہیں تھا،ٹی وی پر ججز کیخلاف بہت باتیں کی جاتی ہیں،شعیب شاہین سپریم کورٹ ٹہلتے ہوئے کیوں نہیں آئے کہ ہائیکورٹ میں کیس زیر التوا ہے،ہم ججز ٹی وی پر تنقید کا جواب نہیں دے سکتے، شعیب شاہین صاحب ٹی وی پر تو بات کرتے ہیں یہاں آکر ہمیں بھی جواب دیں ناں،مرکزی کیس میں سپریم کورٹ نے 53 سماعتیں کیں مگر شعیب شاہین ایک دن نہیں آئے،ٹی وی کیمرہ یہاں لگا دیں تو لمبی لمبی تنقید کریں گے۔

’باہر کیمرے پر جا کر گالیاں دیں گے یہاں آکر ہمارے سامنے تنقید کریں‘

جسٹس اطہر من اللہ نے ریمارکس دئیے کہ خواجہ صاحب چلیں آپ میرٹ پر دلائل دے دیں،چیف جسٹس پاکستان نے ریمارکس دئیے کہ پریکٹس اینڈ پروسیجر کے بعد نیب ترامیم پر بنچ کیسے بنا وجہ بتائیں۔خواجہ حارث نے کہا کہ جسٹس منصور علی شاہ کے نوٹ میں یہ نقطہ طے ہو چکا اور پریکٹس اینڈ پروسیجر کا بنچ اس فیصلے کا حصہ بن چکا، چیف جسٹس پاکستان نے کہا کہ پریکٹس اینڈ پروسیجر ایکٹ کیس کو کیوں نہیں چلایا گیا نیب ترامیم کیس چلتا رہا،ہائیکورٹ میں زیر التوا درخواست کو واپس لگانے کی کوشش کیوں نہیں ہوئی؟باہر کیمرے پر جا کر گالیاں دیں گے یہاں آکر ہمارے سامنے تنقید کریں۔

جسٹس جمال مندوخیل نے ریمارکس دئیے کہ ہائیکورٹ سے نوٹس اٹارنی جنرل کو بھی ہوا تھا اٹارنی جنرل نے کیوں وہاں کوشش نہیں کی کہ کیس دوبارہ لگے، اٹارنی جنرل بولے کہ اس وقت گرمی کی چھٹیاں شروع ہو چکی تھیں، چیف جسٹس نے ریمارکس دئیے کہ خواجہ صاحب انصاف ہو تو ہوتا نظر بھی آنا چاہیے،پریکٹس اینڈ پروسیجر ایکٹ معطل کرنے کے بعد اس ایکٹ کا کیس کیوں نہ سنا گیا؟ نیب ترامیم والا کیس چلانے میں ہی جلدی کیوں کی گئی؟ شاید انہی حربوں کی وجہ سے ہماری عدلیہ کی رینکنگ نیچے ہے؟پریکٹس اینڈ پروسیجر ایکٹ کو تو معطل کر دیا تھا میری رائے میں قانون معطل نہیں ہو سکتا۔

بعد ازاں عدالت نے کیس میں وقفہ کردیا۔وقفے کے بعد سماعت کے دوبارہ آغاز پر عمران خان کے وکیل خواجہ حارث نے دوبارہ دلائل کا آغاز کر دیا۔اس پر چیف جسٹس قاضی فائز عیسی نے دریافت کیا کہ خواجہ صاحب اور کتنا وقت چاہیے؟ خواجہ حارث نے کہا کہ مجھے دو گھنٹے چاہیے۔

جسٹس جمال مندو خیل نے دریافت کیا کہ کیا ترامیم کرنا پارلیمنٹ کا اختیار نہیں تھا؟ وکیل نے بتایا کہ اسفند یارولی کیس میں سپریم کورٹ نیب کی تمام شقوں کا جائزہ لے چکی ہے، چیف جسٹس نے ریمارکس دیے کہ اگر پی سی او نہ ہوتا تو شاید تب پورا نیب قوانین اڑا دیا جاتا، وفاقی حکومت کے وکیل مخدوم علی خان نے ایک لسٹ جمع کرائی تھی، لسٹ میں بتایا گیا تھا کہ 2019 میں اس وقت کی حکومت نے نیب ترامیم کی تھیں، مخدوم علی خان کے مطابق وہ ترمیم کریں تو غلط اگر پی ٹی آئی کرے تو ٹھیک۔

اس پر خواجہ حارث نے کہا کہ 2019 کی ترامیم پر بعد میں بات کروں گا، جسٹس جمال مندو خیل نے مزید دریافت کیا کہ جو مقدمات نیب سے نکلیں گے وہ کہاں جائیں گے؟ جسٹس اطہر من اللہ نے استفسار کیا کہ نیب ہمیں ایک فہرست دے کہ کون سے مقدمات کس کس عدالت کو منتقل ہوں گے؟ جسٹس امین الدین خان نے کہا کہ کون کون سے جرائم ہیں جن کو ترامیم میں ختم ہی کر دیا گیا ہے؟

چیف جسٹس قاضی فائز عیسی نے بتایقا کہ ملک میں ایف بی آر پہلے ہی موجود ہے وہاں ایف بی آر کے معاملے پر آپ ایمنسٹی دے دیتے ہیں، الیکشن کمیشن نے اثاثوں کے الگ گوشوارے بنا رکھے ہیں، انکم ٹیکس کی تفصیل کیوں نہیں مانگی جاتی اس طرف کیوں نہیں جاتے؟

جسٹس اطہر من اللہ نے دریافت کیا کہ آپ کو آئین سے بتانا ہوگا ترامیم سے حقوق کیسے متاثر ہوئے؟ ترامیم سے تو نیب سے ڈریکونین اختیارات واپس لیے گئے۔اس پر چیف جسٹس قاضی فائز عیسی نے کہا کہ آپ نے گولڈ رولیکس پہنی ہو تفیشی آپ سے پوچھے کہاں سے لی تو سارا بوجھ آپ پر آجائے گا، تفتیشی کا کام تو آسان ہو گیا، ایمنسٹی اسکیم دینا کیا نیب قانون کی خلاف ورزی ہے یا نہیں؟

جسٹس اطہر من اللہ نے دریافت کیا کہ آپ کیوں چاہتے ہیں کارروائی ہر معاملے پر نیب ہی کرے نیب پر اتنا اعتبار کیوں؟ چیف جسٹس نے کہا کہ آپ کو ہمیں دکھانا ہوگا ترامیم میں غیر آیئنی کیا تھا؟

جسٹس اطہر من اللہ نے رہمارکس دیے کہ پارلیمنٹ نے اثاثوں کے سیکشن کو صرف اسٹرکچر کیا، چاہتی تو اسے حذف بھی کر دیتی۔

وکیل خواجہ حارث کے دلائل مکمل ہوگئے۔سپریم کورٹ نے کیس کی سماعت میں مختصر وقفہ کر دیا،چیف جسٹس نے ریمارکس دئیے کہ وقفے کے بعد بانی پی ٹی آئی کو سنیں گے،وقفے کے دوران بانی پی ٹی آئی بھی فریش ہوسکتے ہیں، چند منٹ کا وقفہ کر رہے ہیں۔

پس منظر

واضح رہے کہ گزشتہ سال 15 ستمبر کو سپریم کورٹ آف پاکستان نے سابق وزیر اعظم اور چیئرمین پاکستان تحریک انصاف عمران خان کی نیب ترامیم کے خلاف دائر درخواست پر محفوظ فیصلہ سناتے ہوئے کئی شقیں کالعدم قرار دے دے دی تھیں،سپریم کورٹ نے اپنے فیصلے میں عوامی عہدوں پر فائز شخصیات کے خلاف کرپشن کیسز بحال کردیے جب کہ نیب کو 50 کروڑ روپے سے کم مالیت کے کرپشن کیسز کی تحقیقات کی اجازت دے دی گئی ہے۔

فیصلے کے مطابق صرف کیسز نہیں، انکوائریز اور انویسٹی گیشنز بھی بحال کردی گئی تھیں، فیصلے میں نیب عدالتوں سے ترمیم کے بعد کالعدم قرار دیے گئے کیسز بھی بحال کردیے گئے تھے۔

اس کے علاوہ سپریم کورٹ نے حکم دیا کہ کرپشن کے ختم کیے گئے ‏تمام مقدمات کو احتساب عدالتوں میں ایک ہفتے کے اندر دوبارہ لگایا جائے،فیصلے میں کہا گیا تھا کہ کالعدم قرار دی شقوں کے تحت نیب قانون کے تحت کارروائی کرے، آمدن سے زیادہ اثاثہ جات والی ترامیم سرکاری افسران کی حد تک برقرار رہیں گی، پلی بارگین کے حوالے سے کی گئی نیب ترمیم کالعدم قرار دی جاتی ہیں۔

فیصلے میں احتساب عدالتوں کے نیب ترامیم کی روشنی میں دیے گئے احکامات کالعدم قرار دیے گئے تھے،بعد ازاں 17 اکتوبر کو وفاقی حکومت نے قومی احتساب آرڈیننس (این اے او) کو غیر قانونی قرار دینے والی نیب ترامیم کے حوالے سے سپریم کورٹ کے 15 ستمبر کے فیصلے کو چیلنج کردیا تھا۔

12:02:PM

June 06, 2024

09:17:AM

May 05, 2024

چیف جسٹس نے فیصل واوڈا کی پریس کانفرنس کی تفصیلات طلب کرلیں

(امانت گشکوری) سپریم کورٹ میں سینیٹر فیصل واڈا کی پریس کانفرنس پر لئے گئے از خود نوٹس کیس کی سماعت کے دوران چیف جسٹس قاضی فائز عیسیٰ نے سینیٹر کی پریس کانفرنس کی تفصیلات طلب کرلیں۔

چیف جسٹس قاضی فائز عیسٰی کی سربراہی میں 3 رکنی بینچ سپلیمنٹری کیس کی سماعت کررہا ہے، جسٹس عرفان سعادت خان اور جسٹس نعیم اختر افغان بینچ میں شامل ہیں،سماعت کے دوران چیف جسٹس نے فیصل واڈا کی پریس کانفرنس کی تفصیلات طلب کرلیں،اس موقع پر ایڈیشنل اٹارنی جنرل عامر رحمٰن سپریم کورٹ کے 3 رکنی بینچ کے روبرو پیش ہوئے،چیف جسٹس قاضی فائز عیسیٰ نے دریافت کیا کہ کیا آپ نے پریس کانفرنس سنی؟ توہین عدالت ہوئی یانہیں؟ ایڈیشنل اٹارنی جنرل نے جواب دیا کہ مجھے جو ویڈیو ملی ہے اس کے متعلقہ حصے میں آواز نہیں تھی، کچھ حصہ خبروں میں سنا ہے۔

جسٹس قاضی فائز عیسیٰ نے ریمارکس دیئے کہ کیا یہ پریس کانفرنس توہین عدالت کے زمرے میں آتی ہے؟ کوئی مقدمہ اگر عدالت میں زیر التوا ہوتو اس پر رائے دی جاسکتی ہے؟ میرے خلاف اس سے زیادہ گفتگو ہوئی ہے لیکن نظرانداز کیا، میرے نظر انداز کرنے کا فائدہ اٹھاتے ہوئے سوچا کہ ہم بھی تقریر کر لیں، لیکن کیا اپ اداروں کی توقیر کم کرنا شروع کردیں گے؟

ان کا کہنا تھا کہ وکلا ججز اور صحافیوں سب میں ا چھے برے لوگ ہوتے ہیں، برا کیا ہے تو نام لے کر مجھے کہیں ادارے کو نشانہ بنانے کی اجازت نہیں دیں گے، ہوسکتا ہے میں نے بھی اس ادارے میں 500 نقائص دیکھے ہوں،کیا ایسی باتوں سے اپ عدلیہ کا وقار کم کرنا چاہتے ہیں؟،انہوں نے مزید بتایا کہ ادارے عوام کے ہوتے ہیں، اداروں کو بدنام کرنا ملک کی خدمت نہیں، اداروں میں کوتاہیاں ہوسکتی ہیں، میں کسی اور کا بوجھ برداشت نہیں کرسکتا، اگر میں نے کوئی غلط کام کیا ہے تو بتائیں، تنقید کریں، ہم ہر روز ہم اچھا کام کرنے کی کوشش کررہے ہیں، پریکٹس اینڈ پروسیجر قانون پر عمل کررہے ہیں۔

اپنی بات جاری رکھتے ہوئے انہوں نے کہا کہ جس کے پاس دلائل ہوں گے وہ ہم ججز کو بھی چپ کرادے گا، میں نے اپنی ذات کے لیے نہیں بلکہ ادارے کے لیے حلف لیا ہے،ان کا مزید کہنا تھا کہ کیا چیخ پکار کرکے اپ ادارے کی خدمت کررہے ہیں؟ میں مارشل لا کی توثیق کرنے والوں کا کبھی دفاع نہیں کروں گا، اگر میں نے کچھ غلط کیا ہے تو اس کی سزا دیگر ججز کو نہیں دی جا سکتی، بندوق اٹھانے والا سب سے کمزور ہوتا ہے کیونکہ اس کے پاس کہنے کو کچھ نہیں ہوتا، دوسرے درجے کا کمزور گالی دینے والا ہوتا ہے۔

چیف جسٹس قاضی فائز عیسی نے ریمارکس دیئے کہ ایک کمشنر نے مجھ پر الزام لگایا، بھئی بتاو تو صحیح چیف جسٹس کیسے دھاندلی کروا سکتا ہے؟ سارے میڈیا نے اسے چلا دیا، مہذب معاشروں میں کوئی ایسی بات نہیں کرتا اس لیے وہاں توہین عدالت کے نوٹس نہیں ہوتے، چیخ و پکار اور ڈرامے کرنے کی کیا ضرورت ہے، تعمیری تنقید ضرور کریں لیکن تنقید کی ایک حد ہونی چاہیے۔

چیف جسٹس نے مزید کہا کہ ان کے بعد ایک اور صاحب آگئے جن کا نام مصطفی کمال ہے، انہوں نے بھٹو کا ذکر کیا، بھائی اگرہم نے غلط کیا ہے تو بتائیں، بھٹو کے بارے میں آپ نے کیا کیا ہے؟ ذوالفقار علی بھٹو کو ہم زندہ تو نہیں کر سکتے،لیکن غلطی تو مان کی، صرف ایک کام کرنا ہے کہ ادارے کو بدنام کرنا ہے، آپ نے بڑی جدوجہد کردی تقریر کرکے، لیکن بہتری کے لیے کوئی بھی تحریری طور پر نہیں جاتا، آپ نے تقریر کرنی ہے تو پارلیمنٹ میں کریں نا، پریس کلب کیوں؟

چیف جسٹس قاضی فائز عیسی نے بتایا کہ کیا کسی صحافی نے ان سے سوال کیا کہ یہاں کیوں بول رے ہیں؟ بس ان کو سامعین چاہیے، فیصل واووڈا کے بعد مصطفٰی کمال بھی سامنے آ گئے، دونوں ہی افراد پارلیمنٹ کے ارکان ہیں ایوان میں بولتے، ایسی گفتگو کرنے کیلئے پریس کلب کا ہی انتخاب کیوں کیا؟ پارلیمان میں بھی ججز کے کنڈکٹ پر بات نہیں کی جا سکتی، ہمیں پتا ہے ہمارا انڈیکس میں نمبر 137 یا جو بھی ہے،انہوں نے ریماکرس دیے کہ باپ کے گناہ کی ذمہ داری بیٹے کو نہیں دی جاسکتی، اسی عدالت نے مارشل لا کی بھی آئینی توثیق کی ہے، اگر ایک ممبر قومی اسمبلی غلط ہے تو سارے پارلیمان کو غلط نہیں کہہ سکتے، ہمیں پتہ ہے ہماری عدلیہ کون سے نمبر پر ہے،گالیاں دینا مناسب نہیں، ہر چیز پر حملہ نہ کریں ،آپ ادارے کو تباہ کر رہے ہیں، اگر توہین عدالت کی کارروائی چلائی تو کیس میں استغاثہ کون ہو گا؟ انہوں نے بتایا کہ استغاثہ اٹارنی جنرل ہوں گے۔

چیف جسٹس نے ایڈیشنل اٹارنی جنرل سے مکالمہ کیا کہ اب وزن اپ کے کندھوں پر ہے،کیا شوز کاز نوٹس ہونا چاہیے یا صرف نوٹس ہونا چاہیے؟ ملک کا ہر شہری عدلیہ کا حصہ ہے، جرمنی میں ہٹلر گزرا ہے وہاں آج تک کوئی رو نہیں رہا، غلطیاں ہوئیں انہیں تسلیم کر کہ آگے بڑھیں، اسکول میں بچے غطی تسلیم کرے تو استاد کا رویہ بدل جاتا ہے۔

بعد ازاں سپریم کورٹ نےفیصل واڈا اور مصطفیٰ کمال سے 2 ہفتوں میں جواب طلب کر لیا۔

چیف جسٹس نے ریمارکس دیے کہ فیصل واڈا اور مصطفی کمال کو نوٹس جاری کرتے ہیں، دونوں کو بلا لیتے ہیں، ہمارے منہ پر آکر تنقید کر لیں،اس کے بعد سپریم کورٹ نے آج کی کارروائی کا حکمنامہ لکھوانا شروع کردیا،حکم نامے کے مطابق فیصل واوڈا اور مصطفی کمال اپنے بیانات کی وضاحت کریں، بادی النظر میں توہین عدالت ہوئی ہے۔

خیال رہے کہ 15 مئی کو سابق وفاقی وزیر فیصل واڈا نے پریس کانفرنس کرتے ہوئے کہا تھا کہ اب پاکستان میں کوئی پگڑی اچھالے گا تو ہم ان کی پگڑیوں کی فٹبال بنائیں گے۔

ان کا کہنا تھا کہ میں نے اسلام آباد ہائی کورٹ کو خط لکھا، 15 روز ہوگئےجواب نہیں آیا، 19 اے کے تحت مجھے جواب دیا جائے، بابر ستار کہتے ہیں کہ جج بننے سے پہلے اس وقت کے چیف جسٹس اطہر من اللہ کو رپورٹ بھیجی، ہم نے کہا کہ اس کے حوالے سے ریکارڈ روم کے اندر کوئی چیز ہوگی تحریری طور پر لیکن اس کا جواب ہمیں نہیں مل رہا۔

عمران خان کی پیشی براہ راست نشر کیوں نہیں ہوئی؟

(24 نیوز)سابق وفاقی وزیر داخلہ بیرسٹر سید علی ظفر نے کہا ہے کہ عمران خان کا سپریم کورٹ میں پیشی کے دوران مائیک بند رہا ۔

بیرسٹر سید علی ظفر نے سپریم کورٹ میں صحافیوں سے گفتگو میں کہنا تھا کہ بانی پی ٹی آئی نے ویڈیو لنک پر جوائن کیا ہوا ہے ابھی تو شروعات ہیں ،بانی پی ٹی آئی شاہد اپنا موقف نہ دے سکیں، ان کا مائیک بند ہے ،بانی پی ٹی آئی سماعت سن رہے ہیں، بحث مکمل ہونے پر بانی پی ٹی آئی کو موقع ملے گا ،بانی پی ٹی آئی سب کچھ سن رہے ہیں، کیس پر تبصرہ کرنا قبل از وقت ہے ۔

ضرور پڑھیں:سپریم کورٹ :عمران خان ویڈیو لنک پر پیش، اسلام آباد ہائیکورٹ سے نیب ترامیم کیس کا حکمنامہ طلب

ان کا کہنا تھا کہ وکلاء کی جانب سے آرڈرز پڑھے جارہے ہیں، نیب قانون میں ترامیم کو چیلنج کرنے کے حوالے سے درخواست پر دلائل جاری ہے ،درخواست کے قابل سماعت ہونے یا نہ ہونے کے حوالے سے فیصلہ ہونا باقی ہے ،بانی پی ٹی آئی کی جانب سے نیب قانون میں ترامیم کو چیلنج کیا گیا تھا ،سپریم کورٹ نے نیب ترامیم کو کالعدم قرار دیا تھا جس پر حکومت اس فیصلے کو چیلنج کیا تھا ۔

ان کا مزید کہنا تھا کہ تمام صوبوں کے ایڈووکیٹ جنرلز کو نوٹسز ملنے پر عدالت پیش ہوئے ہیں ،مجھے نہیں لگتا کہ اس کیس کا فیصلہ آج ہو گا۔

15:56:PM

May 05, 2024

15:54:PM

May 05, 2024

نیب ترامیم کیس ، عمران خان دوران سماعت کیا کرتے رہے؟

(24نیوز)سپریم کورٹ میں نیب ترامیم کیخلاف انٹراکورٹ اپیلوں پر سماعت کے دوران اڈیالہ جیل میں موجود بانی پی ٹی آئی عمران خان نےچہرےپر تیز روشنی پڑنے کی شکایت کردی۔

سپریم کورٹ میں دوران سماعت بانی پی ٹی آئی عمران خان نے بازوں کو ورزش کے انداز میں ہلایا، گردن کو دائیں بائیں حرکت دیتے رہے،بانی پی ٹی آئی دلائل دینے کیلئے اپنی باری کے منتظر رہے۔

دوران سماعت بانی پی ٹی آئی نے ساتھ موجود پولیس اہلکاروں کو پاس بلا لیا،عمران خان نے اپنے چہرے میں تیز روشنی پڑنے کی شکایت کی،بانی ٹی آئی کی شکایت پر اہلکاروں نے لائٹ کو ایڈجسٹ کردیا۔

یہ بھی پڑھیں: عمران خان کی ویڈیو لنک کے ذریعے پیشی، علیمہ خان نے بھی اہم بیان داغ دیا

نیب ترامیم کیس میں بانی پی ٹی آئی عمران خان ویڈیو لنک پر سپریم کورٹ میں پیش ہوگئے،عمران خان نے اپنا بیان ویڈیو لنک کے ذریعے ریکارڈ کروا دیا ،عمران خان نے سکائی بلیو ٹی شرٹ پہن رکھی تھی۔

چیف جسٹس نے ریمارکس دئیے ہیں کہ یہ تو بڑا تعجب ہے کہ نیب ترامیم کیس 53 سماعتوں تک چلایا گیا،سپریم کورٹ نے اسلام آباد ہائیکورٹ سے نیب ترامیم کیس کا حکمنامہ طلب کر لیا۔

بعدازاں عدالت نے بانی پی ٹی آئی کو بغیر سنے ہی کیس سماعت غیر معینہ مدت کیلئے ملتوی کردی ۔

جو جج دباؤ میں آتا ہے وہ استعفیٰ دیکر گھر چلا جائے،چیف جسٹس

(امانت گشکوری)سپریم کورٹ میں ججز کے خط سے متعلق ازخود نوٹس پر سماعت،،چیف جسٹس نے ریمارکس دیئے کہ فیض آباد دھرنا فیصلے کے بعد میرے خلاف ریفرنس لایا گیا،لکھ کر دیا جنرل فیض حمید ریفرنس کے پیچھے تھے، سوشل میڈیا سمیت دیگر فورم سے عدلیہ پر حملے کیے جارہے ہیں،عدلیہ پر تنقید کرنے والوں کو عدلیہ کی آزادی سے کوئی لینا دینا نہیں۔معذرت کیساتھ جو جج دباؤ میں آتا ہے وہ استعفی دیکر گھر چلا جائے۔جسٹس نعیم اختر افغان نے کہا کہ آئی بی،آئی ایس آئی اور ایم آئی کس قانون کے تحت بنیں،چھ مئی تک فریقین اپنے رائے جمع کرا دیں،تمام فریقین تحریری معروضات بھی دے دیں، جسٹس اطہر من اللہ بولے کہ ججز کمیٹی فل کورٹ تشکیل دینے کا معاملہ دیکھے گی،کیس کی سماعت 7 مئی تک ملتوی کردی گئی ۔

سپریم کورٹ میں 6ججز کے خط سے متعلق ازخود نوٹس کیس کی سماعت چیف جسٹس آف پاکستان جسٹس قاضی فائز عیسیٰ کی سربراہی میں 6 رکنی بینچ نے کی۔کیس کی سماعت کے دوران چیف جسٹس نے اپنے ریمارکس میں کہا ہے کہ جسٹس یحییٰ آفریدی نے بنچ سے الگ ہونے کا فیصلہ کیا،سوشل میڈیا سمیت دیگر فورم سے عدلیہ پر حملے کیے جارہے ہیں،عدلیہ پر تنقید کرنے والوں کو عدلیہ کی آزادی سے کوئی لینا دینا نہیں۔
چیف جسٹس نے کہا ہے کہ ماضی کا ذمہ دار نہیں جب سے حلف لیا تب سے سپریم کورٹ کے اقدامات کا ذمہ دار ہوں،سپریم کورٹ تو اپنی ذمہ داری میں ناکام ہوچکی تھی،پارلیمنٹ کا شکریہ کہ اس نے سپریم کورٹ کو بچا لیا،پارلیمنٹ نے پریکٹس اینڈ پروسیجر قانون بنا کر سپریم کورٹ کا کام کر دیا۔ججز خط پر انکوائری کمیشن بنا تو سابق چیف جسٹس کیخلاف بے بنیاد الزامات لگائے گئے،کمیشن کے سربراہ سابق چیف جسٹس سربراہی چھوڑنے پر مجبور ہوگئے،کوئی شک میں نہ رہے کہ عدلیہ کی آزادی پر کوئی آنچ آنے دیں گے۔

چیف جسٹس نے ریمارکس دئیے ہیں کہ عدلیہ پر اندر اور باہر سے حملے نہیں ہونے چاہئیں۔اگر کوئی تجاویز ہیں تو سامنے لائیں،اب معاملہ یہ ہے کہ اس کیس میں آگے کیسے بڑھا جائے،ہم نے ہائیکورٹ کے کام میں مداخلت نہیں کرنی، ماضی میں ہائیکورٹس کے کام میں مداخلت کے نتائج اچھے نہیں نکلے،ملک میں بہت زیادہ تقسیم ہے،اٹارنی جنرل نے اسلام آباد ہائیکورٹ کی تجاویز پڑھ کر سنائیں،کمیٹی نے فیصلہ کیا تھا کہ تمام دستیاب ججز کیس سنیں گے، جسٹس یحیی ٰآفریدی نے کیس میں بیٹھنے سے معذرت کی اور وجوہات بھی دیں۔

اٹارنی جنرل صاحب یہ تجاویز نہیں چارج شیٹ ہے:جسٹس اطہر من اللہ
گزشتہ سماعت پر کہا تھا شاید فل کورٹ کیس سنے،دو ججز دستیاب نہیں تھے،دو ججز کی عدم دستیابی کے باعث فل کورٹ نہیں بن سکی، عدلیہ کی آزادی پر کوئی سمجھوتہ نہیں ہوگا،کچھ بھی ہو جائے عدلیہ کی آزادی یقینی بنائیں گے،جسٹس اطہر من اللہ نے ریمارکس دئیے ہیں کہ اٹارنی جنرل صاحب یہ تجاویز نہیں چارج شیٹ ہے، ہر ہائیکورٹ نے چارج شیٹ پیش کی ہے،کیا اسلام آباد ہائیکورٹ کی تجاویز متفقہ ہیں؟جی ہاں بظاہر متفقہ نظر آرہی ہیں،اس کا مطلب ہے کسی جج نے اختلاف نہیں کیا۔

جسٹس منصور علی شاہ نے ریمارکس دئیے ہیں کہ آج سنہری موقع ہے عدلیہ پر دباؤ اور مداخلت کو ہمیشہ کیلئے ختم کیا جائے،ہائیکورٹ خود کارروائی کر سکتی تھی مگر نہیں کی،سپریم کورٹ اس معاملے پرطریقہ کار واضح کرتی ہے تو عدلیہ مضبوط ہوگی۔

ضرورپڑھیں:ججز کے خط پر فل کورٹ اجلاس، سپریم کورٹ نے اعلامیہ جاری کر دیا

چیف جسٹس نے ریمارکس دئیے کہ یہ سارا معاملہ عدلیہ کی آزادی سے متعلق ہے،جسٹس منصور علی شاہ بولے کہ عدلیہ میں مداخلت کے سامنے آگ کی دیوار کھڑی کرنا ہوگی،ہمیں بیٹھ کر اس مسئلے کو حل کرنا ہوگا،جسٹس جمال مندوخیل نے ریمارکس دئیے کہ ہائیکورٹ کے ججز کو چھوڑیں ہمارے ساتھ جو ہو رہا ہے اس کا کیا؟ جسٹس اطہر من اللہ بولے کہ ہمارے ملک میں سچ بولنا بہت مشکل کام ہے،یہاں ججز کے ذاتی معاملات کو بھی نشانہ بنایا جاتا ہے، ججوں کا ڈیٹا چوری کیا جاتا ہے،ججز کے اہل خانہ کیخلاف مہم چلائی جاتی ہے۔

آج کے دور میں جو ہورہا ہے اس کو روکنا ہوگا:جسٹس منصور علی شاہ
جسٹس منصور علی شاہ نے ریمارکس دئیے کہ آج کے دور میں جو ہورہا ہے اس کو روکنا ہوگا،کوئی شخص آزادی سے اپنا موبائل بھی استعمال نہیں کر سکتا،کبھی کہا جاتا اس جگہ نہ بیٹھو کبھی ججز کو موبائل کے استعمال سے روک دیا جاتا ہے،اگر کوئی شخص آزادی سے بات ہی نہیں کر سکتا تو یہ کیا ہورہا ہے؟

جسٹس اطہر من اللہ نے ریمارکس دئیے ہیں کہ2018 میں ہم پر تنقید ہوتی رہی لیکن ہم نے کبھی اس پر کچھ نہیں کہا،ججز کا ڈیٹا لیک ہو تو یہ درست نہیں،جج کو یہ کہنا کہ تمہارا بچہ یہاں پڑھتا ہے یہ صرف ایگزیکٹو کر سکتی ہے،جسٹس جمال خان مندوخیل بولے کہ بنچ کے 2ممبران کو ٹارگٹ کیا گیا،فیصلہ ایک جج نہیں10 ججز دیں،جسٹس منصور علی شاہ نے کہا کہ آج اس ایشو کو حل نہ کیا تو بہت نقصان ہوگا،جسٹس مسرت حلالی نے کہا ہے کہ جو تجاویز دی گئیں ہائیکورٹس خود عمل کیوں نہیں کرتیں۔

جسٹس منصور علی شاہ نے ریمارکس دئیے کہ مسائل اندرونی ہوں یا بیرونی آج موقع ہے حل کریں، ہائیکورٹس کے پاس تمام اختیارات تھے توہین عدالت کا بھی اختیار تھا،ایک نظام بنانا ہے اور ملک کی ہر عدالت کو مضبوط کرنا ہے،ڈسٹرکٹ جوڈیشری نے جو خط لکھا ہے بڑی جرات دکھائی ہے،بلوچستان کی عدلیہ نے اس معاملے پر جواب نہیں بھیجا،جسٹس اطہر من اللہ بولے کہ ججز پر دباؤ ڈالا جاتا ہے،عدلیہ پر دباؤ ڈال کر مرضی کے فیصلے لیے جاتے ہیں،جسٹس بابر ستار کیخلاف کچھ دنوں سے جو کچھ ہورہا وہ اچھا نہیں،قیام پاکستان سے کہا جاتا ہے کہ عدلیہ اسٹیبلشمنٹ کیساتھ ملی ہے۔چیف جسٹس نے ریمارکس دئیے کہ معذرت کیساتھ جو جج دباؤ میں آتا ہے وہ استعفی دیکر گھر چلا جائے،میں پانچ سال ایک ماہ بلوچستان ہائیکورٹ کا چیف جسٹس رہا،مجھے پتہ ہے کہ کتنی مداخلت ہوتی ہے، زیادہ تر سپریم کورٹ سے مداخلت ہوتی ہے،جسٹس منصور علی شاہ نے کہا ہے کہ میرے پورے کیریئر میں کسی قسم کی مداخلت نہیں ہوئی،جسٹس مسرت ہلالی بولے کہ جو دباؤ برداشت نہیں کر سکتے ان کو جج کی کرسی پر بیٹھنے کا حق نہیں،جسٹس اطہر من اللہ نے کہا کہ میں اسلام آباد ہائیکورٹ کا چیف جسٹس رہا کبھی مداخلت نہیں ہوئی،جسٹس منصور علی شاہ نے ریمارکس دئیے کہ یہ کیسی ریاست ہے جہاں فون سننا بھی آسان نہیں،فون سنتے ہوئے بھی خوف ہوتا کہ کہیں ٹیپ تو نہیں ہو رہا، فون پر بات کرنے کیلئے محفوظ مقام ڈھونڈنا پڑتا ہے، چیف جسٹس نے کہا کہ مجھے بھی کہا گیا تھا کہ فون پر بات نہ کریں ریکارڈ ہوجائے گی،میں نے کہا میری بات ریکارڈ ہوجائے ، اچھا ہے ویسے کی ویسے پہنچ جائے،اٹارنی جنرل نے عدالت کو بتایا کہ اسلام آباد ہائیکورٹ کے ججز نے مختلف تجاویز بھجوائی ہیں،ہائیکورٹ کی تجاویز میں ہے کہ ایجنسیوں کے اہلکاروں کو عدالت میں داخل نہ ہونے دیا جائے۔

ایجنسیاں ایگزیکٹو کے ماتحت ہیں،پارلیمنٹ کو اس حوالے سے قانون سازی کی ضرورت نہیں:جسٹس اطہر من اللہ

جسٹس اطہر من اللہ نے ریمارکس دئیے ہیں کہ ایجنسیاں ایگزیکٹو کے ماتحت ہیں،پارلیمنٹ کو اس حوالے سے قانون سازی کی ضرورت نہیں،وزیر اعظم اپنے ماتحت اداروں کو احکامات جاری کر سکتے ہیں،ہمیں افواج پاکستان کا امیج بھی برقرار رکھنا چاہیے،ہماری فوج ہماری سرحدوں کی محافظ ہے،افواج کا امیج برقرار رکھنا بھی ہمارے لیے بہت اہم ہے، افواج پاکستان اور دیگر قانون نافذ کرنے والے اداروں نے قربانیاں دی ہیں،قانون نافذ کرنے والے اداروں کا تحفظ بھی بنیادی حقوق سے جڑا ہے۔

چیف جسٹس قاضی فائز عیسیٰ نے ریمارکس دئیے کہ بیوروکریسی کو بھی فون آتے ہیں اور کچھ لوگ کام کر دیتے ہیں،کچھ بیوروکریٹ فون پر کام نہیں کرتے اور جو نہیں کرتے او ایس ڈی بنا دیئے جاتے ہیں،جسٹس اطہر من اللہ بولے کہ پریشر کبھی بھی نہیں ہوگا اگر عدلیہ اپنے دروازے نہ کھولے، جسٹس منصور علی شاہ نے کہا کہ جو دروازے کھولتے ہیں ان کیخلاف مس کنڈکٹ کا کیس ہونا چاہیے،سب ججز چیف جسٹس پاکستان کی طرح جرات مند نہیں،کچھ ججز میرے جیسے بھی ہوتے ہیں۔

جسٹس اطہر من اللہ نے اپنے ریمارکس میں کہا کہ جب کوئی جج سچ بولتا ہے اس کیخلاف بدنام کرنے کی مہم چلائی جاتی ہے،جسٹس شوکت عزیز صدیقی کا اتنا بڑا فیصلہ آیا حکومت نے اس پر کیا کیا،

اٹارنی جنرل جواب دیا کہ شوکت عزیز صدیقی کیس میں کئی سابق ججز بھی ملوث ہیں، جسٹس اطہر من اللہ بولے کہ جو بھی ملوث ہو اگر سابق چیف جسٹس بھی ملوث ہو ان کیخلاف بھی ایکشن لیں،جب کوئی جج سچ بولتا ہے تو اس کیخلاف ریفرنس بھی دائر ہو جاتے ہیں۔

جسٹس نعیم اختر افغان کا اٹارنی جنرل سے مکالمہ

چیف جسٹس پاکستان نے ریمارکس دئیے کہ ججز کیخلاف ریفرنس ہمارے پاس ہی آتے ہیں،ہمارے پاس میکانزم ہے ہمیں اپنی اتنی بری تصویر پیش نہیں کرنی چاہیے۔جسٹس نعیم اختر افغان نے ریمارکس دئیے کہ ملک میں تین ایجنسیاں ہیں، آئی بی،آئی ایس آئی اور ایم آئی کس قانون کے تحت بنیں،ہمیں آئندہ سماعت پر ان ایجنسیوں کے قانون بتائیے گا، بتایا جائے یہ ایجنسیاں کس قانون کے تحت کام کرتی ہیں۔
چیف جسٹس نے کہا کہ جسٹس یحییٰ آفریدی کا نوٹ پڑھیں یہ ایک سادہ نوٹ نہیں،جسٹس منصور علی شاہ بولے کہ یہ ان کا نکتہ نظر ہے جس کا احترام ہے،ہائیکورٹس کہہ رہی ہیں ہم سپریم کورٹ کو دیکھ رہے ہیں کچھ کریں۔چیف جسٹس بولے کہ سب ہائیکورٹس نہیں کہہ رہیں،ہائیکورٹس میں سپریم کورٹ سے مداخلت نہیں ہونی چاہیے، جسٹس اطہر من اللہ نے جواب دیا کہ جب سپریم کورٹ سے ان ڈائریکٹ پیغام چلا جائے تو مسئلہ ہو جاتا ہے،
چیف جسٹس قاضی فائز عیسیٰ نے کہا ہے کہ ہائیکورٹس کی تجاویز سپریم جوڈیشل کونسل سے متعلقہ بھی ہیں،سپریم جوڈیشل کونسل ایک الگ آزاد ادارہ ہے،سپریم جوڈیشل کونسل ہمارے خلاف بھی کاروائی کر سکتا ہے،جوڈیشل کونسل میں پانچ ممبران ہیں اکیلا چیف جسٹس نہیں ہوتا،جو تجاویز جوڈیشل کونسل کے دائرہ اختیار میں ہیں وہ سپریم کورٹ نہیں دیکھ سکتی،جسٹس جمال مندوخیل بولے کہ جسٹس بابر ستار نے صرف آہ کی تھوڑی سی شکایت کی تو ان کو بدنام کیا جارہا ،سمجھ نہیں آتی لوگ پارٹی کیوں بن جاتے ہیں؟بدقسمتی سے ملک میں ہر شخص نے اپنی جماعت چن رکھی ہے۔جسٹس اطہر من اللہ نے ریمارکس دئیے کہ ججز کے خط پر حکومت سمیت متعلقہ اداروں سے جواب لینا چاہیے،جسٹس منصور علی شاہ نے کہا کہ ایجنسیوں کو بیانات حلفی دینے چاہئیں کہ ان کی طرف سے مداخلت نہیں ہوتی،چیف جسٹس نے کہا کہ اگر کوئی مجھ سے پوچھے گا تو میں تو کہوں گا کہ مداخلت ہوئی ،ہمیں مستقبل کا دیکھنا ہے،حکومت سے جواب لے لیتے ہیں۔

ججز خط پر از خود نوٹس کیس کی سماعت 7 مئی تک ملتوی

اٹارنی جنرل نے جواب دیا کہ ججز خط پر تحریری جوابات دے دیتے ہیں،چیف جسٹس پھر بولے کہ جن لوگوں نے درخواستیں دائر کر رکھی ہیں خود اس پر فیصلہ کر لیں،سب فریقین کو سننا مشکل ہوجائے گا،تمام فریقین تحریری معروضات دے دیں،کسی کو بولنے سے روک نہیں رہے مگر تمام فریقین کو سننا ممکن نہیں ہوگا،کوئی اس عدالت میں ایسا ہو جو عدلیہ کی آزادی نہیں چاہتا تو بتا دے،ہم سب کمرہ عدالت میں بیٹھے لوگ عدلیہ کی آزادی چاہتے ہیں،ہم اس معاملے کو جلد ختم کرنا چاہتے ہیں،اٹارنی جنرل بولے کہ تصدیق کی ہے ججز کے مس کنڈکٹ کی بات پریس کانفرنس میں نہیں ہوئی،چیف جسٹس نے پھر ریمارکس دئیے کہ پاکستان بار کونسل اور سپریم کورٹ بار سے تجاویز مانگ لیتے ہیں،کوئی اور فریق رائے دینا چاہے تو دے سکتا ہے۔

جسٹس اطہر من اللہ نے کہا کہ ججز کمیٹی فل کورٹ تشکیل دینے کا معاملہ دیکھے گی،چیف جسٹس نے ریمارکس دئیے کہ ہم خود فل کورٹ چاہتے تھے مگر کچھ ججز نہیں آئے ، اعتزاز احسن بولے کہ ہمیں آزاد عدلیہ چاہیے مگر آئین سے بالا عدلیہ نہیں،چیف جسٹس نے اعتزاز احسن سے مکالمہ کرتے ہوئے کہ آپ نے میرے دل کی بات کی ہے،سپریم کورٹ نے 6 مئی تک فریقین اپنی رائے جمع کرا نے کا کہہ دیا ۔عدالت نے کہا ہے کہ پانچ ہائیکورٹس نے ججز خط پر اپنی تجاویز بھیجی ہیں،سپریم کورٹ بار ایسوسی ایشن آئندہ سماعت سے قبل تجاویز جمع کرا دے گی۔
وکیل لاہور ہائیکورٹ بار حامد خان نے کہا کہ سپریم کورٹ کو فل کورٹ تشکیل دینی چاہیے،اعتزاز احسن بولے کہ مجھے اس 6 رکنی لارجر بنچ پر اعتراض نہیں، چیف جسٹس پاکستان نے کہا کہ سماعت 7 مئی ساڑھے 11 بجے تک ملتوی کر رہے ،ججز خط پر از خود نوٹس کیس کی سماعت 7 مئی تک ملتوی کردی گئی ۔

11:58:AM

April 04, 2024

19:39:PM

April 04, 2024

اسلام آباد ہائیکورٹ کے ججزکے خط کا معاملہ، سپریم کورٹ کا نیا بنچ تشکیل

(امانت گشکوری)سپریم کورٹ نے اسلام آباد ہائیکورٹ کے 6 ججز کے خط پر لئے گئے از خود نوٹس پر نیا بنچ تشکیل دیدیا۔
تفصیلات کے مطابق چیف جسٹس قاضی فائز عیسیٰ کی سربراہی میں 6 رکنی لارجر بنچ 30 اپریل کو سماعت کرے گا ،جسٹس منصور علی شاہ، جسٹس جمال خان مندوخیل، جسٹس اطہر من اللہ ،جسٹس مسرت ہلالی اور جسٹس نعیم اختر افغان بھی 6 رکنی لارجر بنچ کا حصہ ہونگے ۔
گزشتہ سماعت کرنے والے جسٹس یحییٰ آفریدی بنچ میں شامل نہیں ہونگے،جسٹس یحییٰ آفریدی نے اپنے تحریری نوٹ میں خود کو بنچ سے الگ کر لیا تھا ،جسٹس یحییٰ آفریدی کے علاوہ گزشتہ بنچ کے تمام ارکان نئے بنچ کا حصہ ہونگے۔

یہ بھی پڑھیں: کسانوں کیلئے اہم خبر، حکومت کا یوریا کھاد سے متعلق بڑا فیصلہ

چیف جسٹس سمیت سپریم کورٹ کے 4 ججز کو دھمکی آمیز خطوط ،سی ٹی ڈی ٹیم سپریم کورٹ پہنچ گئی

(فرزانہ صدیق ) چیف جسٹس قاضی فائز عیسیٰ اور سپریم کورٹ کے دیگر تین جسٹس کو دھمکی آمیز خطوط کے معاملے پر سی ٹی ڈی ٹیم کی جانب سے رجسٹرار سپریم کورٹ سے ملاقات کی گئی ہے ۔

تفصیلات کے مطابق سپریم کورٹ کے 4 ججز کو دھمکی آمیز خطوط ملنے کے معاملے پر کاونٹر ٹیرر از م ڈیپارٹمنٹ ٹیم نے رجسٹرار سپریم کورٹ سے ملاقات کی ہے ،وفاقی پولیس نے الگ سے مقدمہ درج کرنے کا فیصلہ کیا ہے، مقدمہ تھانہ سی ٹی ڈی میں درج کیا جائیگا، اس سے قبل ہائی کورٹ اسلام کے ججز کو ملنے والے خطوط کا مقدمہ بھی تھانہ سی ٹی ڈی میں درج کیا گیا تھا۔

واضح رہے کہ آج چیف جسٹس آف پاکستان جسٹس قاضی فائز عیسٰی سمیت سپریم کورٹ کے 4 ججز کو دھمکی آمیز خط موصول ہوا ہے، ،جسٹس اطہر من اللہ، جسٹس جمال مندوخیل اور جسٹس امین الدین کو دھمکی آمیز خط موصول ہوئے، چاروں خط یکم اپریل کو سپریم کورٹ میں موصول ہوئے، چاروں خطوط میں پاؤڈرپایاگیا اور دھمکی آمیز اشکال بنی ہوئی تھیں،ذرائع نے بتایا کہ خطوط کو کاؤنٹر ٹیررازم ڈیپارٹمنٹ کے حوالے کر دیا گیا ہے۔

17:27:PM

April 04, 2024

وافی انرجی ہولڈنگ لمیٹڈ شیل پاکستان لمیٹڈ کا اکثریتی شیئر ہولڈر بن گیا

اڈیالہ جیل آنے والوں کی مانیٹرنگ کیلئے نیا وائی فائی انٹیگریٹڈ سسٹم نصب

عوام کو پیٹرول سستا ہونے کا انتظار ،حکومت نے گیس بم گرا دیا

جیل میں قیدیوں کی ملاقات میں سیاسی گفتگو پر پابندی کی شق کالعدم قرار

عمران خان سے ملاقات نہ ہونے پر پی ٹی آئی رہنما سیخ پا

پاسپورٹ رولز میں ترمیم، شناختی کارڈ ایڈریس کی شرط ختم

پی آئی اے نجکاری، کنسورشیم نے کمیشن کی ریزرو پرائس مسترد کر دی

متحدہ عرب امارات میں رمضان المبارک کا آغاز یکم مارچ سے ہونے کا امکان

سپریم کورٹ :عمران خان ویڈیو لنک پر پیش،بانی پی ٹی آئی کو بغیر سنے کیس کی سماعت غیر معینہ مدت تک ملتوی

ہم ان سوالات پر بانی پی ٹی آئی سے جواب لیں گے،بانی پی ٹی آئی نکات نوٹ کر لیں،چیف جسٹس اور عمران خان میں مسکراہٹ کا تبادلہ

Stay tuned with 24 News HD Android App

جسٹس قاضی فائز عیسیٰ کو تاریخ میں کیسے یاد رکھا جائے گا؟

09:53:AM

15:39:PM

عمران، اسٹیبلشمنٹ میچ فکس کرانے والے کا نام سامنے آگیا

فل کورٹ میں کیوں شریک نہیں ہوا؟جسٹس منصور علی شاہ نے وجوہات بتادیں

12:26:PM

10:31:AM

پی ٹی آئی کی ڈیل؟چیف جسٹس یحییٰ آفریدی کی تعیناتی چیلنج ہوگی؟حامد خان کے انکشافات

بنگلہ دیش میں ایک بار پھر سٹوڈنٹس سڑکوں پر آگئے،صدر کے استعفے کا مطالبہ

14:05:PM

12:59:PM

پی ٹی آئی میں فارورڈ بلاک،رہنماء آمنے سامنے

سپریم کورٹ:پہلا کیس آئینی بینچ منتقل،مزید کتنے مقدمات بھیجے جائیں گے؟

12:30:PM

10:14:AM

مجوزہ آئینی ترامیم کیخلاف سپریم کورٹ میں ایک اور درخواست دائر

63 اے تشریح کیس: چیف جسٹس کا پی ٹی آئی وکیل کو کمرہ عدالت سے باہر نکالنے کا حکم

13:01:PM

12:24:PM

63 اے کیس: چیف جسٹس نےبنچ کی تشکیل پر اعتراض مسترد کر دیا

لاہور ہائیکورٹ کا فیصلہ کالعدم،سپریم کورٹ نےپنجاب میں الیکشن ٹربیونلز سے متعلق کیس کا فیصلہ سنادیا

09:29:AM

12:36:PM

قاضی فائز عیسیٰ پاکستان کے چیف جسٹس بننے کے اہل نہیں

’ایسا جسٹس منصور آپ کے اصرار پر کیا گیا‘چیف جسٹس قاضی فائز عیسیٰ نے جوابی خط لکھ دیا

12:59:PM

13:00:PM

"الیکشن کمیشن کا فیصلہ آئین سے متصادم ہے"، سپریم کورٹ نے مخصوص نشستوں پر تفصیلی فیصلہ جاری کردیا

بڑی قانون سازی سے پہلے بڑی مشاورت،وزیراعظم نے اتحادیوں کو عشائیے پربلالیا

16:06:PM

15:07:PM

چیف جسٹس کا توسیع لینے سے ایک بارپرپھرانکار،رانا ثناءاللہ کو میرے سامنے لے آئیں،جسٹس قاضی فائز عیسیٰ

’پارلیمان قانون بناتا ہے اور ہمارا کام قانون کی تشریح کرنا ہے‘

13:38:PM

12:28:PM

الیکشن کے فیصلے میں سپریم کورٹ نے اختیارات سے تجاوز نہیں کیا:چیف جسٹس

پہلے بینچ دیکھ کر ہی بتا دیا جاتا تھا کہ کیس کا فیصلہ کیا ہو گا:چیف جسٹس آف پاکستان

10:34:AM

10:18:AM

نیب ترامیم بحال، انٹرا کورٹ اپیلیں منظور، سپریم کورٹ نے 3رکنی بینچ کا فیصلہ کالعدم قرار دیدیا

روسی صدر ، جوبائیڈن کے حواس پر سوار ، یوکرین کے صدر کو ’پیوٹن‘پکار گئے

16:44:PM

16:03:PM

سپریم کورٹ کے فیصلے کے بعد پارٹی پوزیشن تبدیل،حکمران اتحاد کی دوتہائی اکثریت چھن گئی

سنی اتحاد کونسل کی مخصوص نشستوں کا معاملہ ،کیس میں کب کیا ہوا؟

12:02:PM

10:08:AM

پی ٹی آئی مخصوص نشستوں کیلئے اہل قرار ،سپریم کورٹ نے5-8 سے فیصلہ سنادیا

آبادی کے مسائل کے بارے میں بیداری کو فروغ دیں، ثمن رائے کا پیغام

17:07:PM

12:18:PM

پنجاب کے اسکولوں میں ہفتہ کے دن کی چھٹی کا اعلان

ن لیگ چھوڑنے والے محمد زبیر نے ’یوٹرن‘لے لیا

10:08:AM

09:37:AM

بڑی عدالت،بڑا کیس،بڑا فیصلہ،قاضی کی عدالت میں کیا ہوگا؟

جنہوں نے پریس کانفرنسز نہیں کیں، انھیں اٹھا لیا گیا:جسٹس اطہر من اللہ

16:28:PM

14:33:PM

کوئی بندہ ایک جماعت خرید کر آزاد امیدوار شامل کر لے تو ووٹرز کا کیا ہوگا؟ چیف جسٹس کا سوال

سنی اتحاد کونسل کا وکیل سپریم کورٹ کے سوالات کے جواب دینے سے قاصر

13:02:PM

12:30:PM

اگر سنی اتحاد کونسل سیاسی جماعت نہیں تو آزاد امیدواروں کی مخصوص نشستوں کا کیا ہوگا؟:جسٹس منصور علی شاہ

’پی ٹی آئی نے انٹرا پارٹی انتخابات کیوں نہ کرائے‘

12:11:PM

09:55:AM

مخصوص نشستوں سے متعلق کیس کی سماعت ،پی ٹی آئی نے دوسری جماعت میں شمولیت اختیار کر کے خودکشی کیوں کی؟چیف جسٹس

بتائیں کونسا بنیادی حق نیب ترامیم سے متاثر ہوا؟باہر جاکر بڑے شیر بنتے ہیں سامنے آکر کوئی بات نہیں کرتا: چیف جسٹس