راولپنڈی میں پیدا ہونیوالےآسٹریلوی کھلاڑی عثمان خواجہ کی ویڈیو نے دل جیت لئے

(ویب ڈیسک) پاکستان اور آسٹریلیا کی ٹیموں کے مابین راولپنڈی میں ٹیسٹ سریز جاری ہے۔پاکستانی نژاد آسٹریلوی کرکٹر عثمان خواجہ کی ایک ویڈیو وائرل ہوئی جس میں انہوں پاکستان میں گزارے اپنے بچپن کی یادیں شیئر کیں۔

تفصیلات کےمطابق پاکستان سے آسٹریلیاکی ٹیسٹ ٹیم میں شامل پاکستانی نژاد آسٹریلوی کرکٹر عثمان خواجہ نے پاکستان سے جڑی یادیں۔ پاکستان میں ان کا وقت کیسا گزرا اور کون سے شہر کی سیر کی ویڈیو میں بیان کیا۔ویڈیو میں عثمان خواجہ  پاکستان میں گزرے اپنے بچپن کے یادگار لمحات اور کرکٹ سے متعلق بات کر رہے ہیں۔

پاکستان کرکٹ بورڈ نے عثمان خواجہ سے انٹرویو کی ایک ویڈیو سوشل میڈیا پر شیئر کی ہے جس میں آسٹریلوی بیٹر پاکستان میں گزرے اپنے بچپن کے یادگار لمحات اور کرکٹ سے متعلق بات کر رہے ہیں۔

عثمان خواجہ کاکہناتھا کہ مجھے آج بھی وہ گھر بہت اچھی طرح یاد ہے، میں گھر میں شرارتیں بھی کیا کرتا تھا جس میں سے کچھ آج بھی میرے ذہن میں ہیں۔ میں اپنے بھائیوں کے ساتھ گھر کے بیک یارڈ میں کرکٹ کھیلا کرتا تھا۔پھر ہم آسٹریلیا منتقل ہو گئے اور میرے والد نے کبھی سوچا بھی نہیں تھا کہ میں جس شہر میں پیدا ہوا وہاں آسٹریلیا کی طرف سے کھیلوں گا، یہ میرے لیے بہت خاص ہے۔

بچپن میں پاکستان کی کرکٹ کو بہت زیادہ دیکھتا تھا اور اپنے والد کو پاکستان کرکٹ کے ایک بہت بڑے فین کے طور پر دیکھتے ہوئے بڑا ہوا ہوں۔2010 میں فیملی کے ساتھ پاکستان آیا تھا تو مری کی سیر کے لیے بھی گئے تھے اور یہاں موجود فیملی ممبران کے ساتھ بہت سی دیگر جگہیں بھی دیکھی تھیں۔

.@Uz_Khawaja shares his memories and excitement of playing in Pakistan. #BoysReadyHain l #PAKvAUS pic.twitter.com/pz0UPVKvcd

— Pakistan Cricket (@TheRealPCB) March 7, 2022

عثمان خواجہ کا مزید کہناتھا کہ آسٹریلیا والے ٹیسٹ کرکٹ کو بہت پسند کرتے ہیں اور وہاں پر بھی پاکستان کی طرح بڑی تعداد میں تماشائی میچ دیکھنے سٹیڈیم آتے ہیں۔