وادی نیلم میں کھلونا نما بم پھٹنے سے 2 سالہ بچی شدید زخمی 

(24نیوز) ڈسٹرکٹ ہیڈ کوارٹر نیلم ویلی کے علاقے پالری میں بم پھٹنے سے دو سالہ بچی زخمی ہو گئی۔

تفصیلات کے مطابق نیلم ویلی میں بم پھٹنے سے بچی شدید زخمی ہو گئی ، اطلاعات کے مطابق بچی گھر کے باہر کھلونا سمجھ کر بم سے کھیل رہی تھی کہ اس دوران بم پھٹ گیا، ریسکیو حکام کے مطابق واقعے کے بعد بچی ’عبیحہ ‘کو قریبی ہسپتال لے جایا گیا جہاں ڈاکٹروں نے ابتدائی طبی امداد دینے کے بعد اُسے مظفرآباد ہسپتال منتقل کردیا، ڈاکٹرز کے مطابق بچی کی حالت تشویشناک ہے۔

ڈسٹرکٹ ڈیزاسٹر مینجمنٹ اتھارٹی کا موقف ہے کہ ممکنہ طور پر یہ بم بھارت نے گرایا تھا۔

مزید پڑھیں: ہزارہ ایکسپریس کو سرہاری ریلوے اسٹیشن کے قریب حادثہ ،15 افراد جاں بحق

اتھارٹی حکام کا مزید کہنا ہے کہ اس سال اب تک لائن آف کنٹرول کے ساتھ مختلف علاقوں میں درجنوں افراد  اینٹی پرسنل بارودی سرنگوں اور ’کھلونے‘ بموں کا شکار ہو چکے ہیں۔