ایشین ہاکی چیمپئنز ٹرافی، قومی ٹیم بھارت پہنچ گئی

(24نیوز) ایشین ہاکی چیمپئنز ٹرافی میں شرکت کیلئے قومی اسکواڈ واہگہ بارڈر کے راستے بھارت پہنچ گئی۔

رپورٹس کے مطابق ٹیم واہگہ بارڈر کے راستے بھارتی شہر امرتسر جائے گی۔ امرتسر سے ٹیم بذریعہ فلائٹ دہلی اور پھر چنائی جائے گی۔

اولمپئین سعید خان قومی ٹیم کے ہمراہ بھارت روانہ ہوئے۔ پی ایچ ایف سٹاف نے قومی ٹیم کو ہاکی سٹیڈیم سے الوداع کیا۔

کوچز، کھلاڑی ایشین چیمپئنزٹرافی میں عمدہ کارکردگی دکھانے کیلئے پر عزم ہیں۔

مزید پڑھیں:  اقوامِ متحدہ سیکیورٹی کونسل کی باجوڑ دھماکے کی شدید مذمت

واضح رہے کہ قومی ٹیم کا پہلا میچ ایشین ہاکی چیمپئنز ٹرافی میں ملائشیا سے 3 اگست، دوسرا میچ 4 اگست کو کوریا، تیسرا میچ 6 اگست کو جاپان، چوتھا میچ 7 اگست کو چین جبکہ پانچویں میچ میں 9 اگست کو روایتی حریف بھارت کیساتھ کھیلے گا۔

ایشین ہاکی چیمپئنز ٹرافی کے فائنل میں 12 اگست کو کھیلا جائے گا۔