ارشد شریف کا قتل: حقائق قوم کے سامنے لائے جائیں گے، وزیراعظم کا اعلان

 (24 نیوز) صحافی ارشد شریف کے قتل پر وزیراعظم شہباز شریف نے اپنے ویڈیو پیغام میں کہا ہے کہ حقائق قوم کے سامنے لائے جائیں گے۔

وزیراعظم شہباز شریف کا کہنا تھا کہ اس واقعہ کی جتنی مذمت کی جائے کم ہے، کل کینیا کے صدر سے بھی بات کی، کینیا کے صدر نے ارشد شریف کے قتل پر اظہار ہمدردی کیا، واقعہ کی اعلیٰ عدالتی کمیشن سے شفاف تحقیقات کرانے کا فیصلہ کیا ہے، پوری قوم کو یقین دلاتا ہوں واقعہ کی مکمل تحقیقات ہوں گی۔

I have decided to form a Judicial Commission to hold an inquiry into the killing of journalist Arshad Sharif in order to determine the facts of the tragic incident in a transparent & conclusive manner.

— Shehbaz Sharif (@CMShehbaz) October 25, 2022

دوسری جانب وزیراعظم شہباز شریف نے سماجی رابطے کی ویب سائٹ پر ٹویٹ کرتے ہوئے کہا کہ صحافی ارشد شریف کے قتل کی انکوائری کے لیے جوڈیشل کمیشن بنانے کا فیصلہ کیا ہے تاکہ اس افسوسناک واقعے کے حقائق کا شفاف اور حتمی تعین کیا جا سکے۔