نواز شریف ہوتے تو یہ سب نہ ہوتا ، شاہد خاقان عباسی کا بڑا بیان

(ویب ڈیسک )سابق وزیر اعظم شاہد خاقان عباسی مسلم لیگ کے قائد نواز شریف سے ملاقات کے لیے لندن پہنچ گئے۔لندن میں نواز شریف سے ملاقات کے بعد میڈیا سے گفتگو کے دوران شاہد خاقان عباسی نے پنجاب کی موجودہ سیاسی صورتحال پر گفتگو کی۔

 تفصیلات کے مطابق انہوں نے کہا کہ یہ عدالت کا حکم تھا کہ الیکشن کروائے جائیں، اس میں لازم سی بات ہے کہ ایک جماعت کو فتح ہوگی تو دوسری کو شکست،  جو جیت جائے گی وہ حکومت بنائے گی اور جو ہارے گی وہ اپوزیشن میں بیٹھے گی اس میں احتجاج کی کیا بات ہے۔

نواز شریف کی واپسی سے متعلق شاہد خاقان عباسی کا کہنا تھا کہ میں رات کو لندن پہنچا ہوں  اور پاکستان واپسی نواز شریف کا اپنا فیصلہ ہے لیکن آج ہم سب پاکستان میں میاں نواز شریف کی ضرورت محسوس کرتے ہیں اور ہم نے نواز شریف کو  یہی مشورہ دیا ہے کہ علاج کو پیش نظر رکھتے ہوئے وہ  ایک بہتر فیصلہ کریں۔

انہوں نے مزید کہا کہ پی ٹی آئی کے مستقبل کا فیصلہ عوام کرے گی، عمران خان نے ایک جھوٹی کہانی بنائی اور دوسری جانب جو چار سال عمران خان نے پنجاب اور پاکستان کی معیشت کے ساتھ وہ سارا پاکستان جانتا ہے تو ہمیں امید ہے پاکستان کی عوام (ن) لیگ اور پی ٹی آئی کی سیاست کو دیکھ کر بہتر فیصلہ کرے گی۔ 

سابق وزیراعظم کا کہنا تھا کہ ملک کی  بہتری کے لیے   مشکل فیصلے لینے پڑتے ہیں ،  وزیر خزانہ مفتاح اسماعیل بھی جو فیصلے لیتے ہیں ان کو پارٹی کابینہ  اور نواز شریف سب کی تائید حاصل ہوتی ہے، یہ فیصلے بہت سوچ سمجھ کر کیے جاتے ہیں، یہ فیصلے 4 ، 6 مہینے پہلے ہونے چاہیے تھے لیکن عمران  خان نے ملکی مفاد سے زیادہ ذاتی مفاد کو اہمیت دی ہماری یہ سیاست نہیں ہے۔