سینیٹرمشاہد اللہ کی نماز جنازہ ادا،ہرآنکھ اشک بار

(24نیوز) مسلم لیگ ن کے سینئر رہنما سینیٹر مشاہد اللہ خان68 سال کی عمر میں  اسلام آباد میں انتقال کرگئے۔ مرحوم کی نماز جنازہ ادا کردی گئی۔

مرحوم کی  نماز جنازہ بعد نماز ظہر اسلام آباد کے سیکٹر الیون ایچ میں ادا کردی گئی۔ نمازجنازہ میں سیاسی وسماجی شخصیات ،ن لیگ کے کارکنوں اور اہل علاقہ نے کثیرتعداد میں شرکت کی۔سابق گورنر سندھ اور مسلم لیگ ن کے سینئر رہنما محمد زبیر نے اپنے ٹوئٹر پیغام میں  مشاہد اللہ خان کے انتقال کی تصدیق  کرتے ہوئے لکھا تھا  کہ  مشاہد اللہ خان کافی عرصے سے علیل تھے۔

In this battle for supremacy of constitution & civilian rule, Mushahidullah’s death is a devastating blow. He championed the cause for rule of law sacrificing everything. Upright, brave & committed, Mushahidullah sb will be ever remembered. May Allah bless his soul in peace

— Mohammad Zubair (@Real_MZubair) February 18, 2021

واضح رہے کہ مشاہد اللہ کا شمار مسلم لیگ ن کے سینئر رہنماؤں میں ہوتا تھا اور وہ مسلم لیگ کی سابق حکومت میں وفاقی وزیر رہے۔مشاہد اللہ خان نے ابتدائی تعلیم اسلامیہ ہائی اسکول راولپنڈی سے حاصل کی جس کے بعد انہوں نے گورڈون کالج سے گریجویشن مکمل کیا اور پھر اردو لاء کالج کراچی سے قانون کی ڈگری حاصل کی۔

ادھر مسلم لیگ ن کی رہنما مریم نواز نے مشاہداللہ خان کے انتقال پرگہرے دکھ کا اظہار کرتے ہوئے کہا ہے کہ سینیٹر مشاہد اللہ خان پارٹی کے وفادار اور سینئر رہنما تھے۔ان کے انتقال کی خبر سن کر دھچکا لگا، مرحوم مشاہد اللہ کی وفات  مسلم لیگ ن کے لیے بڑا نقصان ہے۔ مشاہداللہ خان کے خلوص اور والد جیسی محبت کو کبھی فراموش نہیں کرسکیں گی۔

Senator Mushahidullah Khan, MNS’s loyal and exceptional companion left us. I am shattered to hear the sad news. Will never be able to forget his fatherly affection & love. Huge huge loss. May Allah SWT shower upon him every blessing that HE has reserved for the afterlife. Ameen.

— Maryam Nawaz Sharif (@MaryamNSharif) February 17, 2021

دوسری جانب حکمران جماعت تحریک انصاف کے سینیٹر فیصل جاوید خان نے بھی سینیٹر مشاہد اللہ خان کے انتقال پراظہار افسوس کیا ہے اور کہا ہے کہ وہ ان کی کمی کو شدت سے محسوس کریں گے۔

Saddened to hear about the passing of Senator Mushaid Ullah. May ALLAH rest his soul in peace and give enough strength to family and friends to cope with this loss. He and I had multiple debates together in Senate during the last 3 years. Will definitely miss him. Lots of prayers pic.twitter.com/0hicCqzwm2

— Faisal Javed Khan (@FaisalJavedKhan) February 17, 2021