نگران حکومت نے داتا دربار پر آن لائن چندہ اور چڑھاوے کیلئے پورٹل بنانے کی منظوری دے دی۔

(علی رامے) داتا دربار پر چڑھاوے اور چندہ اب آن لائن دیا جا سکے گا، نگران حکومت نے آن لائن چندہ اور چڑھاوے کے لیے پورٹل بنانے کی منظوری دے دی۔

بزرگان دین کے مزارت پر چندہ اور چڑھاوے آب آن لائن بھی ہو سکیں گے۔ جس کے لیے بطور پائلٹ پراجیکٹ کا آغا داتا دربار سے ہوگا۔ محکمہ اوقاف کی جانب سے نگران وزیر اعلی پنجاب کو دی گئی بریفنگ میں بتایا گیا ہے کہ داتا دربار چڑھاوے اور چندہ اب آن لائن بھی ہوسکے گا جس پر نگران حکومت نے آن لائن چندہ اور چڑھاوے کے لیے پورٹل بنانے کی منظوری دے دی ہے۔

یہ بھی پڑھیں: گوجرانوالہ میں ٹرین حادثے سے بال بال بچ گئی

پی آئی ٹی بی پنجاب داتا دربار پر چڑھاوے اور چندہ کے لیے آن لائن پورٹل تیار کرے گا، آن لائن پورٹل پر عوام چندہ ،کھانے کی تقسیم، دربار کی تعمیر و مرمت کیلئے چندے دینے کے علاوہ پھول اور چادر کے چڑھاوے بھی دئیے جاسکیں گے۔

خیال رہے کہ داتا دربار کے بعد دوسرے فیز میں بی بی پاک دامن اور میاں میر کا بھی آن لائن پورٹل بنایا جائے گا، دوسرے فیز میں ہی بابا فرید گنج شکر کے مزار اور بہاؤالدین زکریا کے مزارت کا بھی آن لائن پورٹل ہوگا۔