زخمی فلسطینی بچوں کا آٹھواں گروپ متحدہ عرب امارات پہنچ گیا

(ویب ڈیسک) غزہ سے فلسطینی زخمی بچوں کا آٹھواں گروپ جمعے کو امارات پہنچ گیا۔ ان میں کینسر کے مریض بچے شامل ہیں۔
امارات کے خبر رساں ادارے وام کے مطابق  آٹھویں گروپ میں 28 فلسطینی بچے العریشن ایئر پورٹ سے ابوظبی بہنچے ہیں جنہیں فوری طبی امداد کی ضرورت ہے۔ ان کے ہمراہ ان کے 35 رشتے دار بھی ہیں۔

صدر شیخ محمد بن زاید کی جانب سے اس اقدام کے تحت ایک ہزار فلسطینی بچوں جبکہ ایک ہزار کینسر کے مریضوں کا امارات کے ہسپتالوں میں علاج کیا جائے گا۔

UAE welcomes 8th group of wounded Palestinian children, cancer patients#WamNews https://t.co/Wec4eSKH5f pic.twitter.com/BT462z3hZh

— WAM English (@WAMNEWS_ENG) January 5, 2024

زخمی اور کینسر کے مریض بچوں کے رشتے داروں نے وام سے گفتگو کرتے ہوئے کہا کہ امارات نے فلسطینی عوام کی ضروریات انسانی بنیادوں پر پوری کرنے کیلئے منفرد مثال قائم کی ہے۔

انہوں نے امارات کے ہسپتالوں میں کینسر کے مریضوں اور زخمیوں کو علاج کی سہولت فراہم کرنے پر شکریہ ادا کیا۔
یاد رہے کہ امارات کی قیادت کی ہدایت پر 5 نومبر کو بحران کے آغاز پرغزہ کے متاثرین کیلئے امدادی کارروائیاں کی جارہی ہیں۔ امارات نے 20 ملین ڈالر کا امدادی پیکج مختص کیا ہے۔
غزہ میں 150 بستروں پر مشتمل فیلڈ ہسپتال بھی کام کررہا ہے۔