عمران خان کے بیانات نے میری فیملی کیلئے خطرات بڑھا دیئے, بلاول بھٹو

(24 نیوز)چیئرمین پیپلزپارٹی اور وزیر خارجہ بلاول بھٹو زرداری نے کہاہے کہ عمران خان میرے والد آصف زرداری پر غلط الزامات عائد کررہا ہے،عمران خان کے بیانات نے میری فیملی کیلئے خطرات بڑھا دیئے ہیں، پیپلزپارٹی عمران خان کو چیلنج کرے گی۔
سماجی رابطے کی ویب سائٹ ٹوئٹر پر اپنے ٹوئٹ میں بلاول بھٹو زرداری نے کہاکہ دہشتگرد تنظیموں نے میرا اور میری پارٹی کا نام لے کر براہ راست دھمکیاں دیں،اب عمران خان میرے والد آصف زرداری پر غلط الزامات عائد کررہا ہے،عمران خان کے بیانات نے میری فیملی کیلئے خطرات بڑھا دیئے ہیں۔

After terrorist outfits called myself & my party out by name in direct threats, Imran has now made false accusations against my father former president AZ. These statements increase threats to my father, my family and my part. We take them seriously given our history. 1/6

— BilawalBhuttoZardari (@BBhuttoZardari) January 28, 2023

چیئرمین پیپلزپارٹی کاکہناتھاکہ اپنے خاندان کی تاریخ مدنظر رکھتے ہوئے الزامات کو سنجیدگی سے لے رہے ہیں ، عمران خان کے توہین آمیز، خطرناک الزامات سے متعلق قانونی پہلوﺅں کو دیکھ رہے ہیں ،ان کاکہناتھا کہ عمران خان اس سے قبل والد والد کو بندوق کی نوک پر رکھنے کی بھی دھمکی دے چکا ہے،عمران خان، حواریوں کی دہشتگردوں کی سہولت کاری سے متعلق دستاویزات تاریخ کا حصہ ہیں ،عمران خان نے اپنے دور میں دہشتگردوں کو رہا، جمہوریت پسندوں کو گرفتار کیا،عمران خان نے خیبرپختونخوا کو دہشتگرد تنظیموں کے حوالے کیا،آج تک عمران خان کی پارٹی دہشتگرد گروہوں کی فنڈنگ کرتی ہے۔

His latest accusation that my family has any association to a terrorist organization or that we would employ them to cause him harm not only defies logic but exposes us all to an increased threat. 5/6

— BilawalBhuttoZardari (@BBhuttoZardari) January 28, 2023

بلاول بھٹو زرداری نے کہاکہ مجھ پر میرے والد پر یا پارٹی پر حملہ ہوا تواس سب کا بھی حساب لیا جائے گا،ان کاکہناتھا کہ عمران خان نے الزام لگایا میرے خاندان کا کسی دہشتگرد تنظیم سے کوئی ناطہ ہے ،الزام لگایا ہم کسی کو بھرتی کرکے اس کو نقصان پہنچانے کی کوشش کریں گے ۔
چیئرمین پیپلزپارٹی نے کہاکہ عمران خان کا الزام غیر منطقی ، الزام نے ہم سب کیلئے خطرات کو بڑھا دیا،، پیپلزپارٹی عمران خان کو چیلنج کرے گی،ان کاکہناتھا کہ پاپولر فکشن کو بیانیے پر حاوی نہیں ہونے دیں گے جو ہماری سیاست کو زہرآلود کرے،دہشتگردوں، ان کے سیاسی فرنٹ مین کے پروپیگنڈے کا چارہ بننا بھی برداشت نہیں کریں گے۔

یہ بھی پڑھیں: پی ٹی آئی کی جانب سے رپورٹر زکو ہراساں کیے جانے کا معاملہ ، پی پی رہنماوں کی اظہار یکجہتی