75 روپے کا نیا کرنسی نوٹ قابل استعمال ہے،سٹیٹ بینک

(ویب ڈیسک)پاکستان کے 75 ویں یوم آزادی پر سٹیٹ بینک آف پاکستان نے 75 روپے مالیت کا یادگاری کرنسی نوٹ جاری کیا تھا جسے بعد میں عوامی سطح پر لین دینے کیلئے بھی قابل استعمال قرار دےدیا گیا۔
تاہم اس نوٹ کے حوالے سے اب بھی بیشتر شہریوں اور خاص طور پر دکانداروں کو شکوک و شبہات ہیں،عید کے موقع پر شہریوں نے خاص طور پر 75 روپے کے نئے کرنسی نوٹ حاصل کئے اور بچوں میں تقسیم کئے تاہم کئی شہریوں نے یہ شکایت کی ہے کہ انہوں نے 75 روپے کے جو کرنسی نوٹ بچوں کو بطور عیدی دی ، دکاندار ان نوٹوں کو قبول نہیں کر رہے اور بچے دکانوں سے مایوس لوٹ رہے ہیں۔
یہاں یہ بات قابل ذکر ہے کہ سٹیٹ بینک آف پاکستان نے باضابطہ ٹوئٹ کے ذریعے اس بات کی وضاحت کی تھی کہ 75 روپے کا کرنسی نوٹ عام لین دین کیلئے قابل قبول ہے اور عوام بلا خوف اس کا استعمال کر سکتے ہیں تاہم اس کے باوجود یہ نیا کرنسی نوٹ مکمل طور پر عوام کا اعتماد حاصل نہیں کرسکا ہے۔

New Commemorative banknote of Rs75 is now available for general public at all SBP BSC offices and branches of commercial banks. This banknote is legal tender and can be used as medium of exchange for all transactions across Pakistan. pic.twitter.com/EFuU1rHtr1

— SBP (@StateBank_Pak) September 30, 2022

یہ بھی پڑھیں: معروف اداکارہ زمرد خان کینسر میں مبتلا , لاعلاج قرار