بھارت کا پاکستان پر ایک اور وار۔ تعلیمی ڈگریاں ماننے سے انکار 

 (نیوز ایجنسی)بھارت کی یونیورسٹی گرانٹس کمیشن نے بھارتی شہریوں کو اعلی تعلیم کی غرض سے پاکستان کا سفر نہ کرنے کی تجویز دے دی۔بھارتی ٹی وی کے مطابق آل انڈیاکونسل فار ٹیکنیکل ایجوکیشن اور یونیورسٹی گرانٹس کمیشن کے اعلیٰ عہدیداروں کی جانب سے جاری نوٹس میں کہا گیا کہ طلبہ اعلی تعلیم کے لئے پاکستان نہ جائیں۔نوٹس میں کہا گیا کہ کوئی بھی بھارتی شہری یا بیرون ملک مقیم بھارتی شہری کسی بھی پاکستانی تعلیمی ادارے میں یا ڈگری پروگرام میں داخلہ لینا چاہتا ہے، وہ بھارت میں ملازمت یا اعلی تعلیم کے لئے اہل نہیں ہوگا۔تاہم بتایا گیا کہ ہجرت کرنے والے یا ان کے بچوں نے پاکستان میں تعلیم حاصل کی ہو اور اگر انہیں شہریت اور سکیورٹی حوالے سے منظوری دی گئی ہو تو وہ بھارت میں روزگار حاصل کرنے کے اہل ہوں گے۔ 
 یہ بھی پڑھیں۔ خط میں دھمکیاں کس نے ڈالیں۔۔ وزیر داخلہ نے سب بتا دیا