برآمدی شعبے کو مکمل سپورٹ فراہم کی جائے گی: اسحاق ڈار کا اعلان

(24 نیوز) اسحاق ڈار نے کہا ہے کہ برآمدی شعبے کو مکمل سپورٹ فراہم کی جائے گی۔

وفاقی وزیر خزانہ اسحاق ڈار نے سماجی رابطے کی ویب سائٹ پر ٹویٹ کرتے ہئے کہا کہ برآمدی شعبے کو مکمل سپورٹ فراہم کی جائے گی، خام مال، مشینری اور آلات کی درآمد کے لیے پہلی ترجیح دی جائے گی، برآمدی شعبہ حکومت کی پہلی ترجیح ہے، ایکسپورٹرز کو بھرپور سہولیات دی جائیں گی۔

Export Industry is one of Highest Priority of our Govt. Five (previously) Zero Rated Export Oriented Sectors & all other Exporters will be given complete facilitation for import of Raw Material, Parts and Accessories to meet their Export requirements . #Pakistan_Exports_First

— Ishaq Dar (@MIshaqDar50) January 16, 2023

دوسری جانب الحمرا ہال میں تقریب سے خطاب کرتے ہوئے سابق وزیر خزانہ مفتاح اسماعیل نے کہا کہ ملک میں بدترین گورننس، سول حکمرانوں میں کام کی صلاحیت نہیں، حکمران عمرہ کرنے نہیں تیل لینے سعودیہ جاتے ہیں،22 لاکھ میں سے 30 ہزار ٹیکس دہندگان، پاکستان ٹھیک نہیں چل رہا، آئی ایم ایف یا کسی اور ملک کا قصور نہیں۔

انہوں نے کہا کہ جب پاکستان اپنے لئے کام نہیں کرتا تو دوسرے ہمارے لئے کیوں کریں گے، یہاں اشرفیہ کی برتری کی حکومت، ہمیں پاکستان کے مستقبل کی فکر کرنی چاہئے، میں نے تھوڑی سی بہتر حالت میں معیشت چھوڑی تھی۔