وزیراعظم نے عوام کو خوشخبری سنا دی

(ویب ڈیسک) وزیراعظم شہباز شریف نے عوام کو مزید ریلیف فراہم کرنے کا اشارہ دیا ہے۔

سوشل میڈیا پر جاری بیان میں وزیراعظم نے لکھا کہ میرے عوام سے وعدے کے مطابق اتحادی حکومت نے فوری طور پر عالمی منڈی میں تیل کی قیمتوں میں کمی کے فائدے کو عوام تک منتقل کیا ہے۔

In line with my commitment to the nation, the coalition government has been swift to transfer the benefit of reduction in oil prices to the masses. We will continue to provide relief as soon as we have financial cushion to do so. I believe in honest conversation with the nation.

— Shehbaz Sharif (@CMShehbaz) July 15, 2022

شہباز شریف نے اپنی ٹوئٹ میں مزید لکھا کہ جیسے ہی مزید معاشی گنجائش پیدا ہوگی ہم عوام تک ریلیف پہنچاتے رہیں گے، میں عوام سے ہمیشہ سچی بات کرنے پر یقین رکھتا ہوں۔

یہ بھی پڑھیں:وزیراعظم نے پیٹرولیم مصنوعات کی قیمتوں میں بڑی کمی کا اعلان کردیا

 خیال رہے گزشتہ روز وزیراعظم شہباز شریف نے قوم سے خطاب کیا، جس میں انہوں نے عوام کو آئی ایم ایف معاہدے پر اعتماد میں لیا۔ اس کے علاوہ وزیراعظم شہباز شریف نے اپنے خطاب کے دوران اعلان کیا کہ پیٹرولیم مصنوعات کی قیمتیں کم کی جا رہی ہیں۔

انہوں نے کہا کہ پیٹرول کی قیمت میں 18 روپے 50 پیسے کمی کر دی گئی، جس کے بعد پیٹرول کی نئی قیمت 230 روپے 24 پیسے فی لیٹر ہوگی۔ انہوں نے کہا کہ ڈیزل کی قیمت میں 40  روپے 54 پیسے کمی کردی گئی، جس کے بعد ڈیزل کی نئی قیمت 236 روپے فی لیٹر مقرر کی گئی ہے۔