سیکیورٹی اہلکار کا ٹرین میں خاتون کے ساتھ رقص، ویڈیو وائرل

(ویب ڈیسک) بھارت کے شہر ممبئی میں ریلوے پولیس سیکیورٹی اہلکار کو دورانِ ڈیوٹی خاتون کے ساتھ رقص کرنا مہنگا پڑگیا۔

ایس ایف گپتا نامی سیکیورٹی اہلکار کی ڈانس ویڈیو نے سوشل میڈیا پر ایک نئی بحث چھیڑ دی۔ جس میں دیکھا جاسکتا ہے کہ سیکیورٹی اہلکار  سنٹرل ریلوے کی لوکل ٹرین  میں ایک نوجوان خاتون کے ساتھ رقص کرنے میں مصروف ہے۔

Mumbai Police ????pic.twitter.com/9kBPCGD0jb

— Joh№y (@Johnny__007) December 13, 2023

یہ واقعہ 6 دسمبر کی رات 10 بجے پیش آیا جب دورانِ ڈیوٹی ایس ایف گپتا اپنی ڈیوٹی پر توجہ دینے کے بجائے سفر کے دوران خاتون کے ساتھ رقص میں مشغول ہوگیا۔ ویڈیو میں دیکھا جاسکتا ہے کہ اہلکار  پہلے تو خاتون کو رقص کرنے سے منع کرنے کی کوشش کرتا ہے لیکن کچھ ہی دیر میں اس کے ہمراہ ہوجاتا ہے۔

مزید پڑھیں:  روپے کی قدر میں اضافہ، ڈالر مزید سستا ہوگیا

سوشل میڈیا پر وائرل ہوتے ہی ویڈیو ریلوے پروٹیکشن فورس(آر پی ایف) کے نوٹس میں آگئی جس پر ڈویژنل ریلوے منیجر کی جانب سے ویڈیو میں موجود اہلکار کے خلاف کارروائی شروع کردی گئی ہے۔ اس واقعے پر گورنمنٹ ریلوے پولیس (جی آر پی) نے 8 دسمبر کو ایس ایف گپتا کے خلاف ایک باضابطہ رپورٹ درج کی، جس کا مقصد مستقبل میں اس طرح کے واقعات کی روک تھام کرنا تھا۔

दिनांक ६/१२/२०२३ रोजी लोकल ट्रेन पेट्रोलिंग दरम्यान एक होमगार्ड गणवेशात नृत्य करत असल्याची व्हिडीओ व्हायरल होत आहे.
सदर घटनेची गांभीर्याने दखल घेऊन व सत्यता पडताळून, संबंधित होमगार्ड यांच्यावर योग्यती कारवाई केली आहे. अशा प्रकारच्या घटना भविष्यात घडू नये याकरिता दक्षता घेत आहोत.

— GRP Mumbai (@grpmumbai) December 12, 2023

اس  واقعے کا سنجیدگی سے نوٹس لیتے ہوئے ریلوے حکام کی جانب سے ایک اعلانیہ جاری کیا گیا جس کے مطابق تمام اہلکاروں کو واضح طور پر ہدایت کی گئی ہے کہ وہ یونیفارم میں اور ڈیوٹی کے دوران نہ ہی فوٹو لیں، نہ ویڈیو بنائیں اور نہ ہی کسی دوسری سرگرمی کا حصہ بنیں۔