پنجاب حکومت کا عوام کو بڑا ریلیف، مفت سفری سہولت کی منظوری

(ویب ڈیسک) حکومت پنجاب نے معذوروں، بزرگوں اور طلبا و طالبات کیلئے بڑے ریلیف کا اعلان کر دیا۔ نگران وزیر اعلی محسن نقوی کی جانب سے میٹرو بس، اورنج لائن ٹرین میں مفت سفر کی منظوری دے دی گئی۔

نگران وزیراعلی محسن نقوی کی زیر صدارت جنوبی پنجاب سیکرٹریٹ ملتان میں پنجاب کابینہ کے منعقد ہونے والے 25ویں اجلاس میں فری سفری سہولت کی منظوری دے دی گئی ہے۔

اس حوالے سے نگران صوبائی وزیر ٹرانسپورٹ ابراہیم مراد نے اپنے جاری بیان میں کہا کہ معذور افراد،بزرگ اور طلبا و طالبات اب میٹروبس سروس اوراورنج لائن میٹروٹرین پر مفت سفر کرسکیں گے. اُن کا کہنا تھا کہ  پنجاب حکومت عوام کی فلاح و بہبود اور ان کیلئے آسانیاں پیدا کرنے کیلئے اس طرح کے اقدامات جاری رکھے گی۔

Provincial Minister of Transport, Ibrahim Murad, announced that the Punjab government has introduced significant relief measures for the disabled, senior citizens, and students. Under the chairmanship of Caretaker Chief Minister Punjab Mohsin Naqvi, the 25th cabinet meeting of… pic.twitter.com/b34meodVRo

— Ibrahim Hasan Murad (@ibrahimhmurad) September 11, 2023

اُن کا مزید کہنا تھا  کہ مہنگائی کے اس دور میں فری سفری سہولیات شہریوں کی مشکلات میں کمی کا باعث بنے گی۔

مزید پڑھیں:  60 ارب کرپشن کیس: شیخ رشیدکو نیب نے طلب کرلیا

دوسری جانب تاریخ میں پہلی بار صوبائی کابینہ کا ملتان میں اجلاس پر پنجاب کی نگران کابینہ نے ورکرز کی کم از کم اجرت 32 ہزار روپے کرنے کی منظوری دے دی۔  

تفصیلات کے مطابق سرکاری ملازمین کی تنخواہوں کے حوالے سے نگران وزیرِ اعلیٰ محسن نقوی نے فوری طور پر نوٹیفکیشن جاری کرنے کا حکم دے دیا۔ ملتان میں ہوئے کابینہ کے اجلاس میں 39 نکاتی ایجنڈا زیرِ غورکیا گیا۔