فوجی پاگل ہو گیا۔۔ ویڈیو وائرل۔۔تحقیقاتی کیمٹی قائم

(ویب رپورٹ)ایک عراقی فوجی کی جانب سے بغدادمیں ٹینک پر ڈرفٹ اور شعبدہ بازی کی ویڈیو منظر عام پر آنے کے بعد عراقی فوج نے کمیٹی قائم کر کے واقعہ کی تحقیقات کا حکم دے دیا ہے۔

العربیہ کی ویب رپورٹ کے مطابق سوشل میڈٰیا پر وائرل ہونے والی ایک ویڈیو میں ایک عراقی فوجی کو پاگل پن کا مظاہرہ کرتے ہوئےدارالحکومت بغداد کے وسط میں ایک بکتر بند گاڑی کو سڑک پر تیزی کے ساتھ گھماتے دیکھا جا سکتا ہے۔سوشل میڈیا پر وائرل ہونے والی اس ویڈیو پر عوامی اور سیکیورٹی حلقوں میں ایک نیا تنازع کھڑا ہوگیا۔

ویڈیو:
ایک فوجی کی جانب سے #بغداد میں ٹینک پر ڈرفٹ اور شعبدہ بازی کی ویڈیو منظر عام پر آنے کے بعد عراقی فوج نے کمیٹی قائم کر کے واقعہ کی تحقیقات کا حکم دے دیا ہے۔https://t.co/vHAa3WJ6DZ#عراق pic.twitter.com/Mc59AXTrf2

— العربیہ اردو (@AlArabiya_Ur) November 10, 2021

فوجی اہلکار کی فرائض میں غفلت برتنے سے متعلق ویڈیو سامنے آنے کے بعد اعلیٰ حکام نے اس کا نوٹس لیتے ہوئے فوجی اہلکار کے خلاف قانون کے مطابق کارروائی کرنے کا فیصلہ کیا ہے۔عراقی خبر رساں ایجنسی کے مطابق بغداد کے آپریشنز کمانڈر لیفٹیننٹ جنرل احمد سلیم نے ایک بیان میں کہا کہ انہوں نے سڑکوں پر تعیناتی کے دوران ہدایات کی خلاف ورزی کرنے پر ڈرائیور کے خلاف تحقیقاتی بورڈ تشکیل دینے کی ہدایت کی ہے۔انہوں نے اس بات پر بھی زور دیا کہ فوج کے اہلکار اپنے فرائض کے نفاذ کے دوران اعلیٰ ترین سطح کے فوجی نظم وضبط پابند ہوتے ہیں۔ انہوں نے مزید کہا کہ خلاف ورزی کرنے والے اہلکار کی حرکت پوری فوج کی عکاسی نہیں کرتی۔

یہ بھی پڑھیں: ملالہ اور عاصر اداکار شاہ رخ کے بڑے مداح نکلے۔۔ تصویر وائرل