اسرائیل میں 5 ہزار راکٹ فائر، درجنوں مسلح افراد جنوبی علاقے میں داخل

(ویب ڈیسک) حماس سے اسرائیل میں 5 ہزار راکٹ فائر ہوئے جن کےبعد درجنوں مسلح افراد جنوبی علاقے میں داخل ہو گئے، حکام نے شہریوں کو گھروں میں رہنے کی ہدایت کر دی۔

اسرائیلی ایمرجنسی سروسز کے مطابق غزہ پٹی سے اسرائیل کی جانب درجنوں راکٹ فائر کیے گئے جن سے کم از کم ایک خاتون کی ہلاکت ہوئی اور حماس کے درجنوں مسلح افراد جنوبی اسرائیل میں داخل ہوگئے ہیں۔پورے اسرائیل میں سائرن بھی بجے جو کہ صبح تک سنے جا سکتے تھے۔

یہ بھی پڑھیں: حکومت نے پراپرٹی مالکان کو خبردار کر دیا

میگن ڈیوڈ ایڈم ریسکیو ایجنسی اسرائیل کے مطابق مزائل حملوں میں 2 دیگر افراد اس میں زخمی ہوئے ہیں، جن میں سے ایک کی حالت تشویشناک ہے۔ دوسری جانب فلسطین کے عسکریت پسند اسلامی گروپ حماس نے اس میزائل حملے کی ذمہ داری قبول کر لی ہے۔

عسقلان الآن..#طوفان_الأقصى pic.twitter.com/ujpO0lgrat

— أدهم أبو سلمية #غزة ???????? (@adham922) October 7, 2023

اسرائیل ڈیفنس فورسز (آئی ڈی ایف) کی ابتدائی رپورٹ میں کہا گیا کہ غزہ کی پٹی سے دہشت گردوں کی ایک بڑی تعداد اسرائیلی علاقے میں گھس آئی ہے، آس پاس کے علاقوں کے رہائشیوں کو گھروں میں رہنے کا کہا گیا ہے۔

حماس کے رہنما اسماعیل ہنیہ، صالح العروری، اور گروپ کی قیادت کے دیگر ارکان ٹی وی کلپس پر، اسرائیل میں ہونے والی بڑے پیمانے پر تباہ کاری دیکھ رہے ہیں۔
اس کے بعد انہوں نے سجدہ شکر بھی ادا کیا۔#Israel
#TelAviv
#Palestinian #Hamas pic.twitter.com/fTuJTsdDYZ

— RTEUrdu (@RTEUrdu) October 7, 2023

قبل ازیں غزہ سے اسرائیل پر راکٹ حملے کیے گئے جس میں ایک خاتون ہلاک اور 3 افراد زخمی ہوئے۔ غیرملکی میڈیا کے مطابق حماس کا کہنا ہے کہ اسرائیل پر 5 ہزار راکٹ فائر کیے گئے ہیں۔ حماس لیڈر محمد دائف نے کہا ہے کہ آج صبح اسرائیل پر 5 ہزار راکٹ فائر کیے ہیں، ہم نے یہ کہنے کا فیصلہ کر لیا ہے کہ ’’بس بہت ہو چکا‘‘۔

جنوبی اسرائیل پر، حماس کی جانب سے ایک زبردست دھماکہ

حماس نے دعویٰ کیا ہے کہ اس نے دو گھنٹے کے دوران اسرائیل پر 5000 راکٹ فائر کیے ہیں۔#hamas#Israel #palestine pic.twitter.com/28zeRVeTt6

— RTEUrdu (@RTEUrdu) October 7, 2023

غیرملکی میڈیا کے مطابق اسرائیلی فوج نے جنگی حالات کا الرٹ جاری کر دیا ہے جبکہ عرب میڈیا کا کہنا ہے کہ اسرائیل نے غزہ میں اہداف کو نشانہ بنانے کا اعلان کیا ہے اور اسرائیلی وزیر دفاع نے ریزرو فوجیوں کو طلب کرنے کی بھی منطوری دے دی ہے۔