ملتان جلسہ :سندھ سے بسیں بھر کر لوگ لائے جارہے ہیں،فردوس عاشق اعوان

 (24نیوز)فردوس عاشق اعوان نے پیپلزپارٹی پر الزام عائد کرتے ہوئے کہا ہے کہ پی ڈی ایم کا بے روزگار ٹولہ اپنی سیاسی بے روزگاری کا بدلہ پنجاب کے عوام سے لے رہا ہے۔منافقت کی انتہا ہے کہ پنجاب میں پی ڈی ایم جلسوں کے لیے سندھ سے بسیں بھر کر لوگ لائے جارہے ہیں۔

معاون خصوصی وزیراعلیٰ پنجاب ڈاکٹر فردوس عاشق اعوان  کا سماجی رابطے کی ویب سائٹ ٹوئٹر پر اپنے بیان میں  کہنا ہے کہ  مفاد پرست پی ڈی ایم کے بے روزگار سیاستدان ہوسِ اقتدار میں اندھے ہوچکے ہیں۔

مفاد پرست PDM کے بیروزگار سیاستدان ہوسِ اقتدار میں اندھے ہوچکے اسی لئے PDM عوام کی زندگی کو مسلسل خطرے میں ڈالنے سے باز نہیں آرہی۔ ایک طرف کورونا کے جان لیوا وار تو دوسری طرف PDM باربار کورونا کے پھیلاؤ کیلئے دوستانہ ماحول فراہم کررہی ہے!

— Dr. Firdous Ashiq Awan (@Dr_FirdousPTI) November 30, 2020

 
  فردوس عاشق اعوان نے کہا کہ پی ڈی ایم عوام کی زندگی کو مسلسل خطرے میں ڈالنے سے باز نہیں آرہی، پی ڈی ایم کورونا وائرس کے پھیلاؤ کے لیے دوستانہ ماحول فراہم کررہی ہے۔اپنے بیان میں اُنہوں نے یہ بھی کہا کہ پاکستان پیپلز پارٹی سندھ کے کئی اضلاع کورونا وائرس کے پیش نظر بند کر چکی ہے جبکہ سندھ کی مارکیٹس 6 بجے بند کرائی جارہی ہیں۔

خود PPPسندھ کے کئی اضلاع کورونا کے پیش نظر بند کر چکی، سندھ کی مارکیٹس 6بجے بند کرائی جارہی ہیں
لیکن منافقت کی انتہا کہ پنجاب میں PDMجلسوں کیلئے سندھ سے بسیں بھر لوگ لائے جارہے ہیں۔ PDM کا بیروزگار ٹولہ اپنی سیاسی بیروزگاری کا بدلہ پنجاب کے عوام سے لے رہا ہے۔

— Dr. Firdous Ashiq Awan (@Dr_FirdousPTI) November 30, 2020

 
 واضح رہے کہ ملتان میں آج اپوزیشن اتحاد پی ڈی ایم کے جلسے میں شرکت کیلئے پیپلز پارٹی کے کارکن چوک گھنٹہ گھر پہنچنا شروع ہوگئے جبکہ انتظامیہ نے قلعہ کہنہ قاسم باغ اسٹیڈیم، گھنٹہ گھر چوک اور نشتر روڈ سے گیلانی ہاؤس جانے والا راستہ سیل کردیا۔ذرائع کے مطابق انتظامیہ کی جانب سے میٹرو بس ، دکانیں اور کاروباری مراکزبند کرادیے گئے ہیں، گیلانی ہاؤس آنےوالا ایک راستہ سیل کردیاگیا جبکہ دوسرے راستہ کو بھی سیل کیا جا رہا ہے۔