پاکستان ہائی رسک ممالک کی فہرست سے خارج

(ویب ڈیسک)مشکل میں پھنسی پاکستانی معیشت کیلئے خوشخبری آگئی ،وفاقی وزیر تجارت نوید قمر نے کہا ہے کہ یورپی یونین نے پاکستان کو ہائی رسک ممالک کی فہرست سے خارج کر دیا ہے۔

سماجی رابطے کی ویب سائٹ  ٹوئٹر پر جاری بیان میں وفاقی وزیر کا کہنا تھا کہ پاکستانی کاروباری اداروں اور افراد پر یورپ کے قانونی اور معاشی آپریٹر کی اضافی شرائط لاگو نہیں ہوں گی۔

Sir
EU has removed Pakistan from the List of High Risk Third Countries. Pakistani businesses and individuals would no longer be subjected to ‘Enhanced Customer Due Diligence’ by European legal and economic operators.

— Syed Naveed Qamar (@naveedqamarmna) March 28, 2023

 
وفاقی وزیر برائے موسمیاتی تبدیلی شیری رحمٰن نے اس پیش رفت پر ٹوئٹ کرتے ہوئے کہا کہ اس تجارتی اور سفارتی کامیابی کا سہرا وزیر برائے خارجہ امور بلاول بھٹو زرداری کو جاتا ہے۔ موجودہ افراتفری میں اچھی خبر یہ ہے کہ یورپی یونین نے پاکستان کو ہائی رسک ممالک کی فہرست سے نکال دیا ہے، اس اہم پیش رفت کے بعد برآمد کنندگان اور تاجروں کو رکاوٹوں کا سامنا نہیں کرنا بڑے گا۔

موجودہ افراتفری میں اچھی خبر یہ ہے کہ یورپی یونین نے پاکستان کو ہائی رسک ممالک کی فہرست سے نکال دیا ہے۔ اس اہم پیشرفت کے بعد برآمد کنندگان اور تاجروں کو رکاوٹوں کا سامنہ نہیں کرنا بڑے گا۔ اس تجارتی اور سفارتی کامیابی کا سہرا وزیر برائے خارجہ امور بلاول بھٹو زرداری کو جاتا ہے۔ 1/3

— SenatorSherryRehman (@sherryrehman) March 29, 2023

واضح رہے کہ ڈان اخبار کی 14 فروری 2019 کی رپورٹ کے مطابق یورپی کمیشن نے پاکستان سمیت ان 23 ممالک کی فہرست جاری کی تھی، جہاں انسدادِ منی لانڈرنگ اور دہشت گردوں کی مالی معاونت روکنے کے قوانین بہت کمزور ہیں اور ساتھ ہی ہدایت کی گئی ہے کہ ان کمزوریوں پر تیزی سے قابو پایا جائے۔