ساجد سدپارہ نے آکسیجن کے بغیر کے ٹو سر کرلی۔۔والد کی میت کے ٹو پر ہی امانتاً دفنا دی

 (24نیوز)دنیا کی دوسری بلند ترین چوٹی مہم سر کرنے کے دوران جاں بحق ہونے والے پاکستانی کوہ پیما علی سدپارہ کے صاحبزادے ساجد سدپارہ نے کے ٹو کی چوٹی سر کرلی۔ساجد سدپارہ کے ہمراہ کینیڈین فوٹو گرافر اور فلم میکر ایلیا سیکلی اور نیپال کے پسنگ کاجی شرپا نے بھی کے ٹو کو سر کیا ہے۔تینوں کوہِ پیماؤں نے صبح 7 بج کر 45 منٹ پر کے ٹو کو سر کرنے کا اعزاز حاصل کیا، ساجد سدپارہ نے دوسری بار کے ٹو سر کیا ہے۔
خیال رہے کہ ساجد سدپارہ اپنے والد علی سدپارہ اور ان کے ساتھیوں کی لاشوں کی تلاش اور انہیں واپس لانے کے مقصد سے دوبارہ کے ٹو پر پہنچے ہیں۔دو روز قبل ساجد سدپارہ اور ان کی ٹیم کی جانب سے کے ٹو کے بوٹل نیک پر ایک لاش کی نشاندہی کی گئی تھی جبکہ وزیراطلاعات گلگت بلتستان فتح اللہ خان نے دعویٰ کیا تھا کہ علی سدپارہ سمیت لاپتہ ہونے والے تینوں کوہ پیماؤں کی لاشیں مل گئیں ۔

تازہ اطلاعات کے مطابق علی سدپارہ کے جسد خاکی کو دنیا کی بلند ترین چوٹی کےٹو پر امانتاً دفن کر دیا گیا ہے۔ مرحوم کوہ پیما کے بیٹے ساجدسد پارہ نے سماجی رابطوں کی ویب سائٹ ٹویٹر پر بیان جاری کیا ہے کہ میں نے اپنے والد کی میت کو کے ٹو کیمپ فور میں اس جگہ برف میں عارضی طور پر امانتاً دفنا دیا ہے تاکہ باڈی ایوالانچ وغیرہ سے محفوظ رہ سکے۔

I have secured body of our hero at C-4. An Argentinian climber has been a great help in bringing body above bottleneck till C-4. I offered Fatih & recited Holy Quran on behalf of whole nation #MissionSadpara #K2Search
Secured place with Pakistan flag ???????? #SonofPakistan pic.twitter.com/9IdzXV4zDx

— Sajid Ali Sadpara (@sajid_sadpara) July 28, 2021

 علی سدپارہ کے بیٹے نے کہا کہ میں نے قبر کی نشانی کیلئے اس پر پاکستان کا جھنڈا لہرا دیا جبکہ پوری قوم کی جانب سے ان کے ایصال ثواب کیلئے قران پاک کی تلاوت اور دعا کی۔

Camp-4 K-2
Sajid has single handedly retrieved the body from above bottleneck, carried down to C-4 and have secured the body there. He has offered fatih & recited verses of Holy Quran as per Islamic rituals and acc to wishes of his mother #RIPAliSadpara #MissionSadpara pic.twitter.com/Y4HKVdTl5F

— Team Ali Sadpara (@ali_sadpara) July 28, 2021

یہ بھی پڑھیں۔طلحہ طالب کی لائیو ویڈیو پر اداکا رہ ماہر ہ بھی پیچھے نہ رہیں ۔۔دلچسپ جوا ب دے دیا