منحرف ارکان کی نااہلی ،معاملہ پھر عدالت پہنچ گیا

Jun 23, 2022 | 22:14:PM
سپریم کورٹ بڑی خبر
کیپشن: سپریم کورٹ فائل فوٹو
Stay tunned with 24 News HD Android App
Get it on Google Play

(ویب ڈیسک)منحرف ارکان کی نااہلی کا معاملہ دوبارہ سپریم کورٹ پہنچ گیا۔

تفصیلات کے مطابق سپریم کورٹ بار ایسوسی ایشن نے آرٹیکل 63 اے کی تشریح کے سپریم کورٹ کے فیصلے پر نظرثانی کے لیے درخواست دائر کر دی۔درخواست میں استدعا کی گئی کہ آرٹیکل 63 اے کی تشریح سے متعلق 17 مئی کی عدالتی رائے پر نظرثانی کی جائے۔منحرف ارکان کا ووٹ شمار نہ کرنے سے متعلق پیراگراف پر نظرثانی کر کے رائے واپس لی جائے۔درخواست میںکہا گیا کہ سپریم کورٹ کی منحرف ارکان کا ووٹ شمار نہ کرنے کی رائے خلاف آئین ہے۔

درخواست میں مزید کہا گیا ہے کہ آرٹیکل 63اے کا بنیادی مقصد آرٹیکل 17 کے تحت سیاسی جماعتوں کے بنیادی حق کو نافذ کرنا ہے، اس لیے بنیادی حقوق کے ساتھ ہم آہنگ کرتے ہوئے اس کی تشریح اور اس کا اطلاق ہونا چاہیے۔سپریم کورٹ بار ایسوسی ایشن نے اپنی درخواست میں وفاقی حکومت اور الیکشن کمیشن آف پاکستان کو فریق بنایا ہے۔

یہ بھی پڑھیں:تحریک انصاف میں پھوٹ پڑگئی