"لہو سے دھرتی کا قرض چکایا گیا،سیاسی رہنماؤں کے پیغامات"

(24نیوز) سانحہ اے پی ایس کو 6سال بیت گئے لیکن اس افسوسناک واقعے کے زخم آج بھی تازہ ہیں، اندوہناک سانحے کو سیاسی رہنماؤں نے انسانیت کے لئے تاریک دن قرار دیا ہے۔

تفصیلات کے مطابق وزیراعلیٰ پنجاب نے آرمی پبلک سکول پشاور کے شہدا کی برسی کے موقع پر اپنے پیغام میں کہا کہ آج کا دن شہدا کی عظیم قربانیوں کی یاد تازہ کرتا رہے گا، قوم اے پی ایس کے بچوں اور اساتذہ کی لازوال قربانیوں کو ہمیشہ یاد رکھے گی۔

سردار عثمان بزدار نے کہا کہ اے پی ایس کے معصوم بچو ں نے اپنے لہو سے محفوظ اور پر امن پاکستان کی تاریخ لکھی، عظیم قربانیوں کے طفیل قوم کا مثالی اتحاد اور اتفاق سامنے آیا، شہید بچوں کی عظیم قربانیوں نے قوم کو نیا حوصلہ اورعزم دیا، جس کے باعث سفاک دشمن کو شکست ہوئی اور پاکستان امن کا گہوارہ بنا،آج کے دن شہید بچوں ، اساتذہ اور ان کے خاندانوں کو سلام پیش کرتے ہیں۔

معاون خصوصی برائے اطلاعات پنجاب فردوس عاشق اعوان نے بھی سماجی رابطے کی ویب سائٹ ٹوئٹر پر آرمی پبلک سکول پشاور کے شہدا کو سلام عقیدت پیش کرتے ہوئے کہا کہ ہمیں فخر ہے ان شہدا پرجنہوں نے اپنا آج ہمارے کل کیلئے قربان کیا، شہدا نے اپنے لہو سے دھرتی کا قرض چکایا،تا قیامت یاد رکھا جائیگا۔

آرمی پبلک سکول پشاور کے شہداء کو سلام؛

ہمیں فخر ہے اُن سب شہداء پر جنھوں نے اپنے آج کو ہمارے کل کیلئے قربان کیا! آپ نے اپنے پاک لہو سے دھرتی ماں کا جو قرض چکایا تاقیامت آپکو یاد رکھا جائیگا!
*مت سمجھو ہم نے بُھلا دیا*#16DecAPSMartyrsDay

— Dr. Firdous Ashiq Awan (@Dr_FirdousPTI) December 16, 2020

  

وفاقی وزیر اسد عمر نے سماجی رابطے کی ویب سائٹ ٹوئٹر پر جاری اپنے بیان میں کہا کہ آج سے چھ سال پہلے پاکستان ہی نہیں انسانیت کے لئے تاریک دن تھا، سولہ دسمبر کی ہی شام اے پی ایس پشاور کے زخمی بچوں سےملنےپہنچے۔

آج سے 6 سال پہلے پاکستان ہی نہیں انسانیت کے لئے ایک تاریک دن تھا. جب ہم اس شام کو پشاور APS کے زخمی بچوں سے ملنے ہسپتال پہنچے تو اس بچے کی بہادری آج بھی یاد آتی ہی. ایک قیامت گزرنے کے باوجود اس کا حوصلہ بلند تھا. اللہ سب کے بچوں کو شر سے محفوظ رکھے pic.twitter.com/WZ2cM40JsD

— Asad Umar (@Asad_Umar) December 16, 2020

اسد عمر نے کہا کہ ایک بچےکی بہادری آج بھی یادآتی ہے، ایک قیامت گزرنے کے باو جود اس کا حوصلہ بلند تھا، اللہ سب کے بچوں کو شر سے محفوظ رکھے۔

وزیر اطلاعات کے پی کے کامران بنگش نے بھی اپنے ٹوئٹر پیغام میں کہا کہ آرمی پبلک سکول کے سانحہ کو چھ سال گزرگئے، آج کے دن سفاک دُشمن نے ہمارے ننھے پھول شہید کئے، ہمارے دلوں اور روح کو زخمی کیا لیکن ہمارے حوصلے اور دلیری کو للکارا، ایک قوم ایک ملت کے جذبے سے ہم متحدہوئے اور ابھرے، ہم نہیں بھولے۔

آرمی پبلک سکول کے سانحہ کو چھ سال گُزرگئے۔ آج کے دن سفاک دُشمن نے ہمارے ننھے پھول شہید کئے۔ ہمارے دلوں اور روح کو زخمی کیا لیکن ہمارے حوصلے اور دلیری کو للکارا۔ ایک قوم ایک ملت کے جذبے سے ہم متحدہوئے اور اُبھرے۔ ہم نہیں بھولے۔ #APS

— Kamran Bangash ???????? (@kamrankbangash) December 16, 2020

آرمی پبلک سکول کے سانحہ کو چھ سال گُزرگئے۔ آج کے دن سفاک دُشمن نے ہمارے ننھے پھول شہید کئے۔ ہمارے دلوں اور روح کو زخمی کیا لیکن ہمارے حوصلے اور دلیری کو للکارا۔ ایک قوم ایک ملت کے جذبے سے ہم متحدہوئے اور اُبھرے۔ ہم نہیں بھولے۔ 

  سپیکر کے پی اسمبلی مشتاق غنی نے بھی سانحہ آرمی پبلک سکول کے حوالے سے اپنے پیغام میں کہا کہ قوم اے پی ایس کے شہدا اور ان کے لواحقین کی قربانی یاد رکھے گی۔

ہم بھولے نہیں، تم یاد ہو
جنت میں ہو، تم آباد ہو
کر گئےروشن اپنے خون سے
ارض وطن کی وہ روشن چراغ ہو۔

شہدائے اے پی ایس کو سلام #Martyrs #APSMartyrsDay #APSMartyrs #APS_ToHeaven #BlackDay pic.twitter.com/vtNDaurmdJ

— Mushtaq Ghani (@MushtaqGhaniPTI) December 16, 2020

 ترجمان سندھ حکومت مرتضیٰ وہاب نے بھی سانحہ اے پی ایس کی چھٹی برسی پر اپنے پیغام میں کہا کہ سانحہ آرمی پبلک سکول کو رہتی دنیا تک فراموش نہیں کیاجاسکتا، سانحے کو یاد کرکے آج بھی آنکھیں نم ہوجاتی ہیں۔

ترجمان سندھ حکومت نے کہا کہ پیپلزپارٹی شہدا کے والدین کے ساتھ کھڑی ہے، معصوم شہیدوں کی لازوال قربانی رائیگاں نہیں جائےگی ۔