ضمنی الیکشن : ن لیگ کو بڑا جھٹکا، اہم شخصیت پی ٹی آئی میں شامل

 (ویب ڈیسک) پنجاب میں ضمنی انتخابات سے قبل ن لیگ کی بڑی وکٹ گرگئی۔

تفصیلات کے مطابق بابا عباس گُلا اور صاحبزادہ علی عباس نے اپنے سینکڑوں ساتھیوں سمیت ن لیگ کو خیرآباد کہہ کر پاکستان تحریک انصاف میں شمولیت اختیار کرلی۔

ن لیگ کی وکٹ گر گئی۔۔۔

لاہور کینٹ سیاست کے بادشاہ بابا عباس گُلا اور صاحبزادہ علی عباس الیکٹڈ کونسلر کینٹ اپنے سینکڑوں ساتھیوں سمیت ن لیگ کو خیر آباد کہہ کر عمران خان کے قافلے میں شامل pic.twitter.com/93mH5eOKJR

— Mian Mahmood Ur Rasheed (@Mian_MUR) July 9, 2022

 پاکستان تحریک انصاف کے مرکزی رہنما میاں محمود الرشید نے سماجی رابطے کی ویب سائٹ پر ٹویٹ کرتے ہوئے کہا کہ '' لاہور کینٹ سیاست کے بادشاہ بابا عباس گُلا اور کینٹ سے منتخب کونسلر صاحبزادہ علی عباس اپنے سینکڑوں ساتھیوں سمیت ن لیگ کو خیر آباد کہہ کر عمران خان کے قافلے میں شامل ہوگئے۔''

 یہ بھی پڑھیں:قبل از وقت انتخابات: چودھری شجاعت حسین نے بڑا بیان دے دیا

خیال رہے کچھ روز قبل ترجمان الیکشن کمیشن کی جانب سے جاری بیان میں کہا گیا کہ پنجاب کے 17 جولائی کے ضمنی انتخابات پرانی حتمی انتخابی فہرستوں پر ہو رہے ہیں، الیکشن شیڈول کے اعلان کے بعد ووٹر لسٹ میں کسی قسم کی تبدیلی نہیں کی جا سکتی۔

 ترجمان کا مزید کہنا ہے کہ الیکشن شیڈول کے اعلان کے بعد نہ ہی کوئی ووٹ درج کیا جا سکتا ہے اور نہ ہی خارج کیا جا سکتا ہے، ووٹر لسٹ میں الیکشن کے انعقاد تک کوئی تبدیلی نہیں کی جا سکتی۔

 الیکشن کمیشن کے مطابق میڈیا پر ووٹ اندراج کے بیانات بے بنیاد اور حقیقت کے بر عکس ہیں، پروپیگنڈے کے ذریعے عوام کو گمراہ کیا جا رہا ہے، اداروں کے تعاون سے شفاف اور پرامن انتخابات کے انعقاد کے لیے پرعزم ہیں، شفاف اور پرامن الیکشن کے انعقاد کو ہر صورت یقینی بنایا جائے گا۔