بچے کو گود میں اٹھائے شخص پر پولیس نے ڈنڈے برسا دیئے۔۔ ویڈیو وائرل

(مانیٹرنگ ڈیسک)بھارت کی اتر پردیش پولیس کا غیر انسانی چہرہ ایک بار پھر سامنے آیا ہے۔ جس میں پولیس اہلکار نے بچے کو گود میں لئے ہوئے ایک شخص پر لاٹھیاں برسائیں۔ اس واقعے کی ویڈیو بھی منظر عام پر آئی ہے، جو  اب سوشل میڈیا پر خوب وائرل ہورہی ہے۔ ویڈیو کے وائرل ہونے اور تنقید کے بعد اس معاملے پر یوپی پولیس کی وضاحت بھی سامنے آئی ہے۔

بھارت کے اردو روزنامہ کی ویب رپورٹ کے مطابق  اتر پردیش کے کانپور دیہی علاقوں میں پولیس کی بربریت کا ایک ویڈیو سامنے آیا ہے۔ جس میں پولیس نے ایک بچے کو گود میں اٹھائے ہوئے شخص پر لاٹھیاں برسانی شروع کردی۔ یہ واقعہ کانپور کے دیہی علاقے اکبر پور کے ضلع ہسپتال کے سامنے پیش آیا ہے۔ پولیس اہلکاروں نے نہ صرف لاٹھیوں سے حملہ کیا بلکہ اس کے بچے کو بھی چھیننے کی کوشش کی۔  پولیس کا دعویٰ ہے کہ اس شخص نے ایک انسپکٹر کے ہاتھ پر کاٹا تھا۔ ویڈیو وائرل ہونے کے بعد سینئر پولیس افسران نے کہا ہے کہ مجرموں کے خلاف کارروائی کی جائے گی۔ ویڈیو میں نوجوان کو یہ کہتے ہوئے سنا گیا ہے کہ ’’بچے کو لگ جائے گی‘‘۔ جب کہ پولیس والے اس کا پیچھا کرتے ہیں اور کچھ اہلکار بچے کو زبردستی گھسیٹ کر اس سے دور کرنے کی کوشش کرتے ہیں۔ اس دوران نوجوان کہہ رہا ہے کہ یہ اس کا بچہ ہے اور اس کی ماں بھی نہیں ہے۔

सशक्त कानून व्यवस्था वो है जहां कमजोर से कमजोर व्यक्ति को न्याय मिल सके।

यह नहीं कि न्याय मांगने वालों को न्याय के स्थान पर इस बर्बरता का सामना करना पड़े,यह बहुत कष्टदायक है।भयभीत समाज कानून के राज का उदाहरण नहीं है।

सशक्त कानून व्यवस्था वो है जहां कानून का भय हो,पुलिस का नहीं। pic.twitter.com/xoseGpWzZH

— Varun Gandhi (@varungandhi80) December 10, 2021

پولیس نے بتایا کہ نوجوان کانپور کے دیہی علاقوں میں اکبر پور کے ضلع ہسپتال کا ملازم ہے ۔ کانپور دیہات کے ایڈیشنل پولیس سپرنٹنڈنٹ گھنشیام چورسیا نے کہا کہ کچھ لوگ علاقے میں افراتفری پھیلا رہے تھے، ہسپتال کی او پی ڈی بند کررہے ہیں اور مریضوں کو ڈرا رہے ہیں۔ ہم نے انہیں روکنے کے لیے معولی طاقت کا استعمال کررہے تھے۔ اسی دوران ایک سینئر پولیس افسر ارون کمار سنگھ نے اعتراف کیا کہ نوجوانوں پر ضرورت سے زیادہ طاقت کا استعمال کیا گیا تھا۔ تاہم ان کا کہنا تھا کہ یہ شخص ہسپتال میں تعمیراتی کام کو روکنے کی کوشش کر رہا تھا۔ جب پولیس نے مداخلت کرکے اسے روکنے کی کوشش کی تو اس نے ایک پولیس انسپکٹر کے ہاتھ پر کاٹ لیا۔ 

#Kanpurdehatpolice थाना अकबरपुर क्षेत्र के जिला अस्पताल में हुई घटना के सम्बंध में घनश्याम चौरसिया अपर पुलिस अधीक्षक कानपुर देहात द्वारा दी गई बाईट। pic.twitter.com/uY5X5t4L8D

— Kanpur Dehat Police (@kanpurdehatpol) December 9, 2021

 یہ بھی پڑھیں: طلحہ طالب نے ورلڈ ویٹ لفٹنگ چیمپئن شپ میں پاکستان کیلئے پہلا میڈل جیت لیا