برطانیہ: 124 محکموں کے لاکھوں ورکرز کی تنخواہوں میں اضافے کیلئے ہڑتال

(ویب ڈیسک) برطانیہ میں اساتذہ، ایمبولینس، ٹرین، بس اور بارڈر فورسز کے ملازمین سمیت 124 سرکاری محکموں کے 5 لاکھ ورکرز نے ہڑتال کرتے ہوئے تنخواہوں میں اضافے کا مطالبہ کردیا۔

غیرملکی میڈیا رپورٹس کے مطابق برطانیہ میں ہڑتالوں کا موسم جاری ہے، اب اساتذہ، ایمبولینس، ٹرین، بس اور بارڈر فورس کے ملازمین سمیت 124 محکموں کے 5 لاکھ ورکرز نے ہڑتال کردی۔

مظاہرین کا حکومت سے مطالبہ ہے کہ ان کی تنخواہوں میں اضافہ کیا جائے۔

Half a million teachers, civil servants, train drivers, and other professions walked off their jobs over pay and conditions in the UK, with unions threatening more disruption as the government digs its heels in https://t.co/MTkmvSD7iC pic.twitter.com/wpbWdXLyF2

— Reuters (@Reuters) February 1, 2023

رپورٹس کے مطابق سرکاری ملازمین کی ہڑتال کی وجہ سے برطانیہ بھر میں اسکول، یونیورسٹیز، ٹرین اور بس سروسز بُری طرح متاثر ہیں۔

اطلاعات میں بتایا گیا ہے کہ برطانیہ بھر میں 75 سے زیادہ احتجاجی ریلیاں نکالی گئیں، پونے 4 لاکھ سے زیادہ اساتذہ کی ہڑتال سے تقریباً 85 فیصد اسکول اور 150 یونیورسٹیز جزوی یا مکمل طور پر بند ہیں۔

ملازمین کی  یونین کی جانب سے  انتباہ جاری کرتے ہوئے کہا  گیا ہے کہ حکومت رقوم کا بندوبست کرے ورنہ ہڑتال اور دیگر اقدامات بھی کیے جاسکتے ہیں۔