پی ایس ایل 9: گابا ٹیسٹ کے ہیرو ویسٹ انڈین بولر شمر جوزف پشاور زلمی میں شامل
Stay tuned with 24 News HD Android App
(افضل بلال) گابا ٹیسٹ کے ہیرو ویسٹ انڈیز کے فاسٹ بولر شیمر جوزف پشاور زلمی میں شامل ہو گئے۔
27 سال بعد ویسٹ انڈیز کو آسٹریلیا کے خلاف آسٹریلیا میں فتح دلانے والے گابا ٹیسٹ کے ہیرو تیز گیند باز شیمر جوزف پاکستان سپر لیگ (پی ایس ایل) کا حصہ بن گئے، ویسٹ انڈین بولر کا پی ایس ایل فرنچائز پشاور زلمی سے معاہدہ طے پا گیا، وہ اب پی ایس ایل 9 کے سارے سیزن میں پشاور زلمی کی نمائندگی کریں گے۔
یہ بھی پڑھیں: انگلینڈ کے ہاتھوں عبرتناک شکست کے بعد بھارتی گیند باز پر جرمانہ عائد، آخر وجہ کیا بنی؟
آسٹریلیا میں ویسٹ انڈیز کے لیے تاریخی فتح میں اہم کردار ادا کرنے والے شمر جوزف کو پشاور زلمی نے پی ایس ایل کے آئندہ سیزن کے لیے خرید لیا، زلمی نے 24 سالہ فاسٹ باؤلر کو انگلش فاسٹ بولر گس اٹکنسن کے متبادل کے طور پر سائن کیا ہے، اتکنسن کو پشاور زلمی کی جانب سے پورے سیزن کے لیے سکواڈ میں شامل کیا گیا تھا لیکن بھارت کے خلاف جاری ٹیسٹ سیریز کے لیے انگلینڈ کے سکواڈ میں ان کو شامل کیا گیا جس وجہ سے وہ پی ایس ایل 9 کے لئے دستیاب نہیں ہوں گے، انگلش ٹیم بھارت کے خلاف اپنا آخری ٹیسٹ میچ 7 مارچ کو شروع کرے گی جو کہ 11 مارچ تک رہے گا جبکہ پی ایس ایل کا نواں ایڈیشن 17 فروری سے شروع ہو کر 18 مارچ کو اختتام پذیر ہو گا۔
???????????????????????????????????????????? ????????????????????
— Peshawar Zalmi (@PeshawarZalmi) January 29, 2024
???????????????? ????????????????????, ???????? ????????????????????????????????????????
Welcome to the Zalmi Family ???????????????????????? ???????????????????????? #Zalmi #HBLPSLDraft #HBLPSL9 pic.twitter.com/IrNyLhksrB
صرف ایک سال قبل پیشہ ورانہ کرکٹ کھیلنا شروع کرنے والے شیمر جوزف کو گزشتہ برس گیانا ایمیزون واریئرز نے کیریبین پریمیئر لیگ (سی پی ایل) میں خریدا تھا، 2023 کے سیزن میں انہوں نے 2 میچ بغیر کوئی وکٹ حاصل کئے کھیلے، یہ ان کے کرکٹ کیریئر کے دو آفیشل ٹی ٹوئنٹی تھے، علاوہ ازیں انہوں نے مزید 2 لسٹ اے میچز کے ساتھ 7 فرسٹ کلاس میچ بھی کھیلے تھے۔
BREAKING: WEST INDIES' FAST BOWLER SHAMAR JOSEPH IS COMING TO THE PSL
— Farid Khan (@_FaridKhan) January 29, 2024
Peshawar Zalmi signed Gus Atkinson and now they've partially replaced him with Shamar Joseph ✅ #HBLPSL9 pic.twitter.com/PKfb0STpKq
دوسری جانب پشاور زلمی نے 2017 سے پی ایس ایل کا کوئی ٹورنامنٹ نہیں جیتا، گزشتہ سال بھی دوسرے ایلیمینیٹر میں زلمی ناک آؤٹ ہو گئی تھی، زلمی کا آئندہ ماہ سے شروع ہونے والے پی ایس ایل کے 9ویں سیزن میں افتتاحی میچ 18 فروری کو کوئٹہ گلیڈی ایٹرز کے خلاف ہو گا۔
Shamar Joseph, West Indies' hero at the Gabba, has been signed by Peshawar Zalmi for #PSL2024 pic.twitter.com/dwRG7fRo5M
— ESPNcricinfo (@ESPNcricinfo) January 29, 2024
واضح رہے کہ شیمر جوزف نے گزشتہ روز آسٹریلیا کے خلاف اپنی پہلی ہی ٹیسٹ سیریز کی ایک اننگز میں 7 وکٹیں حاصل کرکے بین الاقوامی توجہ حاصل کی، ڈیبیو کرنے والے ویسٹ انڈین بولر نے دوسرے ٹیسٹ کی آخری اننگز میں کینگروز کی 7 وکٹیں اڑا کر اپنی ٹیم کو 1997ء کے بعد آسٹریلیا میں پہلی بار ٹیسٹ میچ میں فتح دلائی۔
Yesterday - The hero at Gabba.
— Johns. (@CricCrazyJohns) January 29, 2024
Today - Signed by Peshawar Zalmi in PSL.
February 1st - Likely to make the debut in ILT20.
The life of Shamar Joseph has changed completely in cricket. pic.twitter.com/KmFA3ifAsX
خیال رہے کہ شیمر جوزف نے آسٹریلیا کے خلاف برسبین میں کھیلے گئے پہلے ٹیسٹ میچ میں آسٹریلوی اوپنر بلے باز سٹیو سمتھ کو آؤٹ کرتے ہوئے بین الاقوامی کرکٹ میں اپنی پہلی گیند پر وکٹ بھی حاصل کی۔