انگلینڈ کے ورلڈ کپ وننگ کپتان اور مایہ ناز بلےباز اوئن مورگن انٹرنیشنل کرکٹ سے ریٹائر

(ویب ڈیسک) انگلینڈ نے مورگن کی قیادت میں 2019 کا ورلڈ کپ جیتا، انہیں وائٹ بال کرکٹ میں انگلش ٹیم کا کامیاب ترین کرکٹر مانا جاتا ہے۔ 

مورگن نے انگلینڈ کی نمائندگی کرتے ہوئے 225 ایک روزہ میچز میں 13 سنچریوں کی مدد سے6957 رنز بنائے جبکہ ان کی قیادت میں انگلینڈ نے 126 میں سے 76 ون ڈے جیتے۔

The most amazing journey. Thank you all for your support. I’m extremely grateful for every minute ???? pic.twitter.com/tARoeDs3Ct

— Eoin Morgan (@Eoin16) June 28, 2022

اس  کے علاوہ 115 ٹی ٹوئنٹی میچز میں انہوں نے 2458 رنز بنائے جبکہ 16 ٹیسٹ میچز میں 2 سنچریوں کی مدد سے 700 رنز سکور کیے۔ ایک بیان میں مورگن نے کہا کہ ریٹائرمنٹ کا فیصلہ کافی سوچ بچار کے بعد کیا، فیصلہ آسان نہیں لیکن اپنے اور انگلینڈ کی وائٹ بال کرکٹ کے مستقبل کو مدنظر رکھتے ہوئے اس فیصلے تک پہنچنے کیلئے یہی بہتر وقت تھا۔

13 سالہ کامیاب کیریئر کے بعد ریٹائرمنٹ پر آئی سی سی، انگلش کرکٹ بورڈ اور سابق کرکٹرز نے مورگن کو خراج تحسین پیش کیا ہے۔