منفی اثرات کو کم کرنےکے لیے ٹویٹر نے نیا فیچر متعارف کرنے کا اعلان کر دیا

(ویب ڈیسک )سماجی رابطوں کی ویب سائٹ ٹوئٹر (twitter) ایک نیا فیچر لانے کی تیاری کررہی ہے جو صارفین کو اس بات کا اختیار دے گا کہ پلیٹ فارم پر کون انہیں مینشن کرسکتا ہے۔

صارفین یا تو مینشن کے آپشن کو مکمل طور پر ہٹا سکتے ہیں یا صرف ان اکاؤنٹس تک محدود کر سکتے ہیں جن کو وہ فالو کرتے ہیں۔ایپ ریسرچر جین منچون وونگ نے اس فیچر کی تصویر پوسٹ کی ہے جو ابھی تجرباتی مراحل میں ہے۔

Twitter is working on letting you control who can mention you on Twitter pic.twitter.com/UemMCGcy70

— Jane Manchun Wong (@wongmjane) October 13, 2022

حال ہی میں ٹوئٹر نے آڈیئنس کنٹرول ٹولز کی ایک رینج جاری کی ہے جس کے تحت صارفین اپنے ٹوئٹس پر ریپلائی کو محدود کرسکتے ہیں جبکہ ایک سیفٹی موڈ بھی متعارف کرایا گیا تھا جس کے تحت ہراسانی پر مبنی جوابات (reply) از خود ڈیلیٹ ہوجاتے ہیں۔

ٹویٹر سوشل میڈیا کے منفی اثرات کو کم کرنے کی کوشش کر رہا ہے خاص طور پر ان لوگوں کیلئے جنہیں سوشل میڈیا پر اپنی رائے کے اظہار پر تنقید اور ہراسانی کا نشانہ بنایا جاتا ہے۔