عمران خان کا ’’ایکسٹینشن فارمولا‘‘سوشل میڈیا پر وائرل ،دلچسپ تبصرے

(ویب ڈیسک )سابق وزیر اعظم عمران خان کی تجویز پر دلچسپ ردعمل سامنے آنے لگا ۔

نجی ٹی  وی کو ایک انٹرویو میں آرمی چیف کی تقرری کے معاملے پر سابق وزیراعظم کا کہنا تھاکہ دنیا میں وہ قوم اوپر جاتی ہے جس میں میرٹ ہو، میں نے کہا کہ آرمی چیف کا عہدہ اہم ہے میرٹ پر ہونا چاہیے، میں نےکہا نہ آصف زرداری اور نہ نوازشریف اس میرٹ کیلئے کوالیفائیڈ ہیں۔

اس موقع پر عمران خان سے سوال کیا گیا کہ ایکسٹینشن دے دی جائے ؟ جب تک الیکشن نہیں ہوتے؟ تو اس پر انہوں نے جواب میں کہا کہ میں نے ابھی اس پر تفصیل میں نہیں سوچا۔ان کا کہنا تھاکہ نئے آرمی چیف کا معاملہ نئی حکومت آنے تک مؤخر کردینا چاہیے، نئی حکومت نئے آرمی چیف کا انتخاب کرے۔

پی ٹی آئی کے چیئرمین کی تجویز پر ردعمل میں ٹوئٹر پر دلچسپ ٹرینڈ چل رہے ہیں ،سینئر صحافی سید طلعت حسین نے ٹوئیٹ کیا ہے کہ عمران خان کے “ایکسٹینشن فارمولا” پر کوئ سنجیدگی سے توجہ دے نہیں رہا۔ کہتے ہیں کہ یہ خوامخواہ خود کو ایک تصوراتی منصب پر فائز کر کے اول فول باتوں سے توجہ اور اہمیت حاصل کرنے والی ایک جھک ہے۔

عمران خان کے “ایکسٹینشن فارمولا” پر کوئ سنجیدگی سے توجہ دے نہیں رہا۔ کہتے ہیں کہ یہ خوامخواہ خود کو ایک تصوراتی منصب پر فائز کر کے اول فول باتوں سے توجہ اور اہمیت حاصل کرنے والی ایک جھک ہے۔

— Syed Talat Hussain (@TalatHussain12) September 13, 2022

 عمران خان نے ایک سوال کے جواب میں کہا کہ  آصف زرداری تیس سال سے پیسے چوری کررہا ہے، ان کی ترجیح میرٹ نہیں اپنا پیسہ بچانا ہے، یہ میری حکومت گراکر اوپر بیٹھے ہیں یہ پاکستان کیلئے نہیں تھا، ہماری 155 اور ن لیگ کی 85 نشستیں ہیں ان کی کوالیفیکیشن کیسے ہے؟  فری اینڈفیئرالیکشن کرائیں اگریہ جیت جاتے ہیں تو پھر اپناآرمی چیف اپائنٹ کریں۔

گل بخاری نامی صارف نے قومی اخبار میں چھپنے والے کارٹون کی تصویر ٹوئیٹ کی ہے۔

اب یوتھیوں کا کیا بنے گا جو جنرل باجوہ کو ننگی گالیاں دیتے پھرتے تھے اس کے کہنے پہ؟ pic.twitter.com/fKxbNLE09g

— Gul Bukhari (@GulBukhari) September 13, 2022

یاد رہے اس سے قبل عمران خان اپنے  بیانات اورتقاریر میں نئے آرمی چیف کی تقرری کے حوالے سے کہتے رہے ہیں کہ عام انتخابات کی صورت میں جو بھی نئی حکومت بنے گی صرف اسے ہی نئے آرمی چیف کے تعیناتی کا اختیار ہونا چاہئے۔