دوران پرواز بم کی اطلاع،مسافروں میں کھلبلی مچ گئی

(ویب ڈیسک)دوران پرواز بم کی اطلاع،مسافروں میں کھلبلی مچ گئی ۔

بھارتی میڈیا کے مطابق روس کی فضائی کمپنی ازور ایئر (Azur Air ) کی پرواز ماسکو سے بھارت کے شہر گوا جارہی تھی۔طیارے میں عملے کے ارکان سمیت 244 افراد سفر کررہے تھے۔ لینڈنگ سے کچھ وقت پہلے گوا ایئر ٹریفک کنٹرول (اے ٹی سی) کو طیارے میں بم کی موجودگی کی اطلاع دی گئی۔

ضرور پڑھیں :محمد بن سلمان کی پاکستان میں سرمایہ کاری و ڈپازٹ 15 ارب ڈالر تک بڑھانے کی ہدایت
اطلاع کی بنیاد پر پرواز کو فوری طور پر بھارتی ریاست گجرات کی جانب موڑ دیا گیا ، جہاں طیارے کی ایمرجنسی لینڈنگ کرائی گئی۔راجکوٹ،جام نگر رینج کے انسپکٹر جنرل آف پولیس اشوک کمار یادو نے کے مطابق تمام 236 مسافروں اور عملے کے 8 ارکان کو طیارے سے بحفاظت نکال لیا گیا ہے۔

Moscow-Goa chartered flight diverted to Jamnagar, Gujarat after Goa ATC received a bomb threat. Aircraft is under isolation bay, further investigation is underway: Airport officials to ANI pic.twitter.com/ActR0WR6Qz

— ANI (@ANI) January 9, 2023

اشوک کمار یادو نے کہا کہ طیارے کی تلاشی کے دوران کسی قسم کا کوئی مشتبہ مواد نہیں ملا پولیس اور بم ڈسپوزل اسکواڈ کے ساتھ ساتھ مقامی حکام معاملے کی تحقیقات کر رہے ہیں۔