سعودی عرب: ڈاکار کار ریلی 2023ء کے چوتھے ایڈیشن کا آغاز
Stay tuned with 24 News HD Android App
(ویب ڈیسک) سعودی ڈاکار ریلی 2023ء کے چوتھے ایڈیشن کا آغاز آج سعودی عرب کے شہر ینبع سے ہورہا ہے۔
سعودی ڈاکار ریلی مسلسل چوتھی مرتبہ سعودی عرب میں ہورہی ہے، اس بار گزشتہ تین برسوں کے مقابلے میں 70 فیصد نئے روٹ مقرر کیے گئے ہیں۔
اس موقع پر سعودی وزیر کھیل، سعودی اولمپک اور پیرا اولمپک کمیٹی کے چیئرمین شہزادہ عبدالعزیز بن ترکی الفیصل اس سال سعودی ڈاکار ریلی مقابلوں میں حصہ لینے والے ایلیٹ ڈرائیوروں، سواروں اور نیویگیٹرز کو خوش آمدید کہیں گے۔
The #Dakar2023 is back in Saudi Arabia ???????? !
— DAKAR RALLY (@dakar) December 31, 2022
Here is everything you need to know about it???? pic.twitter.com/hIc44XoPDT
سعودی میڈیا کے مطابق ڈاکار ریلی 15 جنوری تک جاری رہے گی، اس کے بعد ریلی مملکت کے مغربی علاقے سے مشرقی علاقے کا رخ کرے گی۔
سعودی میڈیا نے بتایا ہے کہ اس ریلی میں 455 گاڑیاں مختلف کیٹیگریز میں حصہ لیں گی جبکہ ریس میں 68 ممالک کے ڈرائیور 8500 کلومیٹر کے ٹریکس پر گاڑیاں دوڑائیں گے۔
سعودی ڈاکار ریلی کا ٹریک تعارفی مرحلے کے علاوہ 14 مراحل پر مشتمل ہے۔
رواں برس کے ایڈیشن میں نئے ٹریکس متعارف کروائے گئے ہیں جو شرکاء کو بحیرہ احمر کے ساحلوں پر واقع ینبع سے مملکت کے صحرا کی ریت سے ہوتے ہوئے دمام کے ساحل پر دمام تک لے جائیں گے۔